Rashmika Mandanna: అక్కడ రష్మిక హిట్టా? ఫట్టా? ఆ రోజు తెలుస్తుంది మరి!

కన్నడ సినిమాతో రష్మిక కెరీర్ మొదలైంది. తర్వాత తెలుగుకు వచ్చింది. హిట్ మీద హిట్ కొట్టింది. తమిళంలోనూ పర్లేదు. మరి, హిందీ సంగతి ఏంటి? అక్కడ ఎలాంటి రిజల్ట్ వస్తుందో?

మిష‌న్ మ‌జ్నులో ర‌ష్మిక‌, సిద్ధార్థ్ మ‌ల్హోత్రా

మే 13, 2022... హీరోయిన్ రష్మికా మందన్నాకు చాలా ముఖ్యమైన రోజు. ఎందుకని అనుకుంటున్నారా? ఆ రోజే కథానాయికగా ఆమె తొలి హిందీ సినిమా 'మిషన్ మజ్ను' విడుదల కానుంది. హిందీలో సినిమా చేయకముందే రష్మికా మందన్నాకు ఉత్తరాదిన బోలెడు క్రేజ్ వచ్చింది. 'నేషనల్ క్రష్' అని కొందరు ఆకాశానికి ఎత్తేశారు. ఆ క్రేజ్ వేరు. సినిమా సక్సెస్ అవ్వడం వేరు, స‌క్సెస్‌ఫుల్ హీరోయిన్‌గా పేరు తెచ్చుకోవడం వేరు. అందుకని, ఆ రోజు రష్మికకు చాలా ఇంపార్టెంట్. 

'మిషన్ మజ్ను'లో సిద్ధార్థ్ మల్హోత్రా హీరో. అతనికి జోడీగా రష్మిక కనిపించనుంది. వీళ్లిద్దరి జోడీకి ఉత్తరాది ప్రేక్షకుల్లో మంచి పేరొచ్చింది. ఒకవేళ ఈ సినిమా హిట్ అవ్వకపోయినా... రష్మికకు పర్వాలేదు. హిందీలో ఆల్రెడీ ఆమె రెండో సినిమా చేస్తోంది. అమితాబ్ బచ్చన్, ఆమె ప్రధాన పాత్రల్లో 'గుడ్ బై' తెరకెక్కుతోంది. మరో సినిమా చేతిలో ఉన్నప్పటికీ... ఫస్ట్ సినిమాతో సక్సెస్ అందుకుంటే ఆ కిక్కే వేరు. పైగా, హిందీ సినిమాల కోసం ముంబైలో రష్మిక ఓ ఫ్లాట్ కూడా కొన్నారు. హిందీ సినిమా షూటింగ్స్ చేసేటప్పుడు హోటల్స్ లో ఉండటం కష్టంగా ఉందని ఏకంగా ఇల్లు కొనేశారు. బాలీవుడ్ ఇండస్ట్రీలో కూడా సక్సెస్ అవుతానని ఆమెకు అంత నమ్మకం ఉందన్నమాట.

తెలుగుకు వస్తే... అల్లు అర్జున్ హీరోగా సుకుమార్ దర్శకత్వం వహిస్తున్న 'పుష్ప'లో ఆమె కథానాయిక. తెలుగుతో పాటు ఇతర దక్షిణాది భాషలు, హిందీలో ఆ సినిమా విడుదల కానుంది. 'పుష్ప'లో డీ-గ్లామర్ రోల్ చేస్తున్నారు. పాటలు హిట్ అవ్వడం సినిమాకు ప్లస్ అని చెప్పాలి. శర్వానంద్ సరసన 'ఆడవాళ్లు మీకు జోహార్లు' సినిమా కూడా చేస్తున్నారు. కిషోర్ తిరుమల ఆ సినిమాకు దర్శకుడు. 

Also Read: 'ఆర్ఆర్ఆర్' గ్లింప్స్‌లో ఇవి గ‌మ‌నించారా!? 
Also Read: ఆర్ఆర్ఆర్... బ్రదర్ & బావా... 45 సెకన్లలో ఎలా?
Also Read: కాజల్ మేడమ్... ఇద్దరూ కలిసి తాగుతున్నారా!? తాగి తాగి సచ్చిపోండి!

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి