Rakul Preet Singh: ప్రేమ విషయాన్ని బయటపెట్టింది.. కానీ పెళ్లి మాత్రం.. 

ప్రముఖ నటి రకుల్ ప్రీత్ సింగ్ తన పెళ్లి సంగతులను అభిమానులతో పంచుకుంది. 

ప్రేమ విషయాన్ని బయటపెట్టింది.. కానీ పెళ్లి మాత్రం.. 

టాలీవుడ్ లో స్టార్ హీరోయిన్ గా చెలామణి అయింది రకుల్ ప్రీత్ సింగ్. రామ్ చరణ్, ఎన్టీఆర్ లాంటి స్టార్ హీరోలతో పాటు యంగ్ హీరోలతో ఆడిపాడింది. ఒకానొక దశలో రకుల్ డేట్స్ కోసం నిర్మాతలు క్యూ కట్టేవారు. కానీ ఇప్పుడు ఆ క్రేజ్ కాస్త తగ్గింది. ఇండస్ట్రీలో హీరోయిన్ల లైఫ్ స్పాన్ తక్కువనే సంగతి తెలిసిందే. కొత్త నీరు రావడంతో రకుల్ డిమాండ్ తగ్గిపోయింది. తెలుగులో ఆమె చేతిలో ఒక్క సినిమా కూడా లేదు. కానీ బాలీవుడ్ లో మాత్రం బిజీ హీరోయిన్ గా మారింది. 

దాదాపు అరడజనుకు పైగా చిత్రాల్లో నటిస్తోంది రకుల్. అందులో 'థాంక్ గాడ్' అనే సినిమా విడుదలకు సిద్ధమవుతోంది. ఇందులో అజయ్ దేవగన్, సిద్ధార్థ్ మల్హోత్రా హీరోలుగా నటించారు. హీరోయిన్ గా ఈ సినిమా రకుల్ రోల్ ప్రేక్షకులను ఆకట్టుకుంటుందట. ఈ సినిమా ప్రమోషన్స్ లో జోరుగా పాల్గొంటుంది రకుల్. ఓ సందర్భంలో తన పెళ్లి విషయాలను బయటపెట్టింది ఈ బ్యూటీ. 

మొన్నామధ్య రకుల్ తన 31వ పుట్టినరోజు నాడు.. తన ప్రేమ గురించి వెల్లడించింది. బాలీవుడ్ కి చెందిన నటుడు, నిర్మాత జాకీ భగ్నానీని రకుల్ ప్రేమిస్తుంది. సోషల్ మీడియా ద్వారా ఈ విషయాన్ని వెల్లడించింది. త్వరలోనే ఈ జంట పెళ్లి చేసుకోబోతుందని.. అందుకే రకుల్ అనౌన్స్మెంట్ ఇచ్చిందనే వార్తలు వచ్చాయి. కానీ రకుల్ మాత్రం ఇప్పట్లో పెళ్లి ఆలోచన లేదని తేల్చి చెప్పింది.

తన ప్రేమ సంగతి అందరికీ చెప్పడానికి కారణం.. అదొక అందమైన అనుభూతి అని, అందరితో షేర్ చేసుకోవాలనిపించి.. సోషల్ మీడియా వేదికగా విషయాన్ని వెల్లడించానని తెలిపింది. అయితే పెళ్లికి తొందర లేదని.. ప్రస్తుతం కెరీర్ పైనే దృష్టి పెట్టానని వెల్లడించింది. రకుల్ మాటలను బట్టి ఇప్పట్లో ఆమె పెళ్లి చేసుకునే ఛాన్స్ లేదనిపిస్తోంది. పెళ్లి ఆలోచన ఉంటే మాత్రం కచ్చితంగా అభిమానులతో పంచుకుంటానని తెలిపింది. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి