Chiranjeevi about Pawan Kalyan: పవన్ కల్యాణ్ న్యాయం కోసమే పోరాడతాడు - చిరంజీవి

తమ్ముడు పవన్ కల్యాణ్‌కు అన్నయ్య చిరంజీవి కాంప్లిమెంట్స్ ఇచ్చారు. పవన్ ఏం మాట్లాడినా న్యాయం కోసమే మాట్లాడతాడని ఆయన చెప్పుకొచ్చారు.

By: ABP Desam | Updated at : 03 Jan 2022 05:22 PM (IST)

Pawan Kalyan fights for justice, Chiranjeevi sensational comments on his younger brother Pawan Kalyan

పవన్ కల్యాణ్, చిరంజీవి

రాజకీయంగా మెగాస్టార్ చిరంజీవి, పవర్ స్టార్ పవన్ కల్యాణ్ దారులు వేరు కావచ్చు. కానీ, నైతిక మద్దతు విషయంలో అన్నదమ్ములు ఇద్దరూ ఒకరికి మరొకరు అండగా ఉంటారని పలు సందర్భాల్లో తేటతెల్లం అయ్యింది. చిరంజీవి, ప‌వ‌న్‌కు మ‌ధ్య మ‌న‌స్ప‌ర్థ‌లు అనే పుకార్లకు చిరంజీవి పుట్టినరోజు నాడు తెర పడింది. అన్నయ్య, వదినలతో పవన్ ఎంత సన్నిహితంగా ఉంటారనేది చిరు ఇంట మెగాస్టార్ బర్త్ డే సెల‌బ్రేష‌న్స్ వీడియోలో తెలిసింది. ప్రస్తుతానికి వస్తే... తమ్ముడికి అండగా, తమ్ముడికి నైతికంగా మద్దతుగా నిలిచేలా మెగాస్టార్ మాట్లాడారు.

మెగా అభిమానులతో చిరంజీవి సమావేశం అయ్యారు. ఆక్సిజ‌న్ బ్యాంక్ గురించి మాట్లాడారు. ఆ సమయంలో పవన్ కల్యాణ్ గురించి చిరంజీవి మాట్లాడుతూ "కల్యాణ్‌ బాబు ఏదైనా ఒక విషయం మీద స్పందిస్తే... కరెక్ట్ అనిపిస్తుంది. తను కూడా న్యాయం కోసం పోరాడతాడు. న్యాయం కోసం మాట్లాడతాడు. నేను కూడా అదే న్యాయం కోసం మాట్లాడతా. మన సిన్సియారిటీ, మన నిజాయతీ, మన సంయమనం, మన ఓపిక... ఇవే మనకు విజయాన్ని చేకూర్చి పెడతాయి. ఆ విషయంలో నేను ఎవరి చేత మాట అనిపించుకోలేను" అని చిరంజీవి వ్యాఖ్యానించారు.

కళ్యాణ్ బాబు ఏ విషయం మీద అయినా తన స్పందన సబబే ఉంటుంది..
న్యాయం కోసమే మాట్లాడతాడు..@KChiruTweets Garu about @PawanKalyan pic.twitter.com/3MCkXelBYd
— Twood Trolls™ (@TwoodTrolls) January 3, 2022