Oka Manasu OTT: 9 ఏళ్ల తర్వాత ఓటీటీలోకి 'ఒక మనసు' - నిహారిక, నాగశౌర్య లవ్ రొమాంటిక్ ఎంటర్‌టైనర్ ఇప్పుడే చూసెయ్యండి

Oka Manasu OTT Platform: దాదాపు 9 ఏళ్ల తర్వాత హీరో నాగశౌర్య, మెగా డాటర్ నిహారిక లవ్ రొమాంటిక్ ఎంటర్‌టైనర్ 'ఒక మనసు' ఓటీటీలోకి రాబోతోంది. ప్రముఖ ఓటీటీ ఈటీవీ విన్‌లో స్ట్రీమింగ్ కానుంది.

ఓటీటీలోకి ఒక మనసు

Source : https://www.instagram.com/p/DPgEUN8E3sv/?hl=en

Niharika's Oka Manasu OTT Release On ETVWin: టాలీవుడ్ యంగ్ హీరో నాగశౌర్య, మెగా డాటర్ నిహారిక ప్రధాన పాత్రల్లో నటించిన లవ్ రొమాంటిక్ ఎంటర్‌టైనర్ 'ఒక మనసు'. జీవీ రామరాజు దర్శకత్వం వహించిన ఈ మూవీ 2016లో ప్రేక్షకుల ముందుకు మిక్స్‌డ్ టాక్ సొంతం చేసుకుంది. ఈ మూవీతోనే నిహారిక హీరోయిన్‌గా ఎంట్రీ ఇచ్చారు. దాదాపు 9 ఏళ్ల తర్వాత ఇప్పుడు ఓటీటీలోకి రిలీజ్ కాబోతోంది.

ఎందులో స్ట్రీమింగ్ అంటే?

ప్రముఖ ఓటీటీ 'ఈటీవీ విన్'లో ఈ మూవీ ఈ నెల 9 నుంచి స్ట్రీమింగ్ కానుంది. ఈ మేరకు స్పెషల్ పోస్టర్ రిలీజ్ చేసిన సదరు ఓటీటీ సంస్థ 'ప్రతీ మనసులు దగ్గరయ్యే ఓ లవ్ స్టోరీ ఒక మనసు. అక్టోబర్ 9 నుంచి స్ట్రీమింగ్ కానుంది.' అంటూ రాసుకొచ్చింది. మూవీలో నిహారిక, నాగశౌర్యలతో పాటు కృష్ణ భగవాన్, రావు రమేష్, ఆర్జే హేమంత్, అవసరాల శ్రీనివాస్ తదితరులు కీలక పాత్రలు పోషించారు.

మధుర శ్రీధర్ రెడ్డి, కృష్ణ భాటియా, అభినయ్ సంయుక్తంగా నిర్మించగా... సునీల్ కశ్యప్ మ్యూజిక్ అందించారు. ఇప్పటివరకూ ఏ ఓటీటీలోనూ స్ట్రీమింగ్ కాని ఈ సినిమా దాదాపు 9 ఏళ్ల తర్వాత 'ఈటీవీ విన్'లోకి వస్తుండడంతో ఎలాంటి రెస్పాన్స్ అందుకుంటుందో చూడాల్సి ఉంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by ETV Win (@etvwin)

స్టోరీ ఏంటంటే?

ఓ పవర్ ఫుల్ పొలిటికల్ లీడర్ కొడుకు సూర్య (నాగశౌర్య). తన తండ్రిలాగే రాజకీయ వారసత్వాన్ని అందుకుని మంచి నాయకుడిగా ఎదగాలని అనుకుంటాడు. అలా చిన్న చిన్న సెటిల్మెంట్స్‌తో అందరికీ దగ్గరయ్యేందుకు యత్నిస్తాడు. ఇదే టైంలో అతనికి హౌస్ సర్జన్ చదివే సంధ్య (నిహారిక కొణిదెల) పరిచయం అవుతుంది. ఆ పరిచయం ప్రేమగా మారుతుంది. అయితే, సూర్య అనుకోని కారణాలతో జైలుకు వెళ్లాల్సి వస్తుంది. అతని పొలిటికల్ కెరీర్ కూడా గందరగోళం అవుతుంది. ఆ తర్వాత జరిగిన పరిణామాలేంటి? సంధ్య సూర్య ఒక్కటయ్యారా? వీరిద్దరి లవ్ స్టోరీ ఏమైంది.? సూర్య తాను అనుకున్నది సాధించాడా? అనేది తెలియాలంటే మూవీ చూడాల్సిందే.

మరిన్ని చదవండి

ఓటీటీలోకి ధనుష్ 'ఇడ్లీ కొట్టు' - నెల రోజుల్లోపే స్ట్రీమింగ్... ఇట్స్ అఫీషియల్