Maa Inti Bangaram OTT: మా ఇంటి బంగారం ఓటీటీ రిలీజ్ డేట్... వంద కోట్లు కొల్లగొట్టిన సమంత సినిమా స్ట్రీమింగ్ ఎప్పుడంటే?

Maa Inti Bangaram OTT Release Date: 'మా ఇంటి బంగారం' థియేటర్లలో బ్లాక్ బస్టర్. బాక్స్ ఆఫీస్ దగ్గర వంద కోట్లు కొల్లగొట్టింది. ఇప్పుడీ సినిమా ఓటీటీలోకి వచ్చేందుకు సిద్ధమైంది.

సమంత 'మా ఇంటి బంగారం' ఓటీటీ రిలీజ్ డేట్ వచ్చేసింది

Source : https://www.instagram.com/p/DasWDa5ymaa/

సమంత రూత్ ప్రభు ప్రధాన పాత్రలో నటించిన 'మా ఇంటి బంగారం' థియేటర్లలో బ్లాక్ బస్టర్. బాక్సాఫీస్ బరిలో వంద కోట్లు కొల్లగొట్టి అద్భుతమైన విజయాన్ని తన ఖాతాలో వేసుకుంది. ఇప్పుడీ సినిమా డిజిటల్ ప్లాట్‌ఫామ్‌లో సందడి చేయడానికి సిద్ధమైంది. సామ్ సినిమా ఓటీటీ రిలీజ్ డేట్ వచ్చేసింది.

జియో హాట్‌స్టార్‌లో బంగారం...
స్ట్రీమింగ్ ఎప్పటి నుంచి అంటే?
Maa Inti Bangaram Streaming Date: 'మా ఇంటి బంగారం' జూన్ 19న థియేటర్లలో విడుదల అయ్యింది. నాలుగు వారాల్లో ఓటీటీలోకి వస్తుంది. జూలై 17న జియో హాట్ స్టార్ ఓటీటీలో స్ట్రీమింగ్ కానుంది. 

తెలుగులో 'మా ఇంటి బంగారం' స్ట్రీమింగ్ కానుంది. తమిళంలోనూ జూలై 17వ తేదీన స్ట్రీమింగ్ అయ్యే అవకాశం ఉంది. తెలుగు, తమిళంతో పాటు హిందీలోనూ స్ట్రీమింగ్ చేయవచ్చు. థియేట్రికల్ రిలీజ్ అయిన నాలుగు వారాల్లోపే ఈ సినిమా ఓటీటీలోకి వస్తుండటం విశేషం.

 

 

 

 

 

View this post on Instagram

 

 

 

 

 

 

 

 

 

 

 

A post shared by JioHotstar Telugu (@jiohotstartelugu)

'మా ఇంటి బంగారం' సినిమా బాక్సాఫీస్ బరిలో ప్రపంచ వ్యాప్తంగా 100 కోట్ల రూపాయల క్లబ్బులో చేరి రికార్డు సృష్టించింది. తెలుగు సినిమా చరిత్రలో అత్యధిక వసూళ్లు సాధించిన ఫిమేల్ ఓరియెంటెడ్ సినిమాల్లో ఒకటిగా రికార్డులకు ఎక్కింది. బీవీ నందిని రెడ్డి దర్శకత్వం వహించిన ఈ సినిమా 'స్వర్ణ' పాత్రలో సమంత నటించారు.

'మా ఇంటి బంగారం' సినిమా కథ విషయానికి వస్తే... స్వర్ణ తన గతాన్ని దాచిపెట్టి ఓ డాక్టర్‌ను పెళ్ళి చేసుకుంటుంది. కొత్త కుటుంబంలో కలిసి పోవడానికి తన వంతు ప్రయత్నాలు చేస్తున్న సమయంలో... పాత మిత్రులు (శత్రువులు) తిరిగి రావడంతో భర్త కుటుంబాన్ని రక్షించుకోవడానికి పోరాడాల్సి వస్తుంది. ఆ తర్వాత ఏమైంది? అనేది సినిమా చూసి తెలుసుకోవాలి. 'మా ఇంటి బంగారం'లో గుల్షన్ దేవయ్య, దిగంత్ మంచాలే, గౌతమి, శ్రీముఖి, శ్రీలక్ష్మి, శ్రీనివాస్ గవిరెడ్డి తదితరులు కీలక పాత్రలు పోషించారు. సంతోష్ నారాయణన్ సంగీతం అందించారు. ట్రాలాలా మూవింగ్ పిక్చర్స్ పతాకంపై సమంత, రాజ్ నిడిమోరు, హిమాంక్ దువ్వూరు సినిమాను నిర్మించారు.