Balakrishna ‘Unstoppable’: బాలయ్య మంచి మనసు.. ‘ఆహా’ టాక్ షో పారితోషకంతో ఏం చేయనున్నారంటే..

బాలీవుడ్-టాలీవుడ్-కోలీవుడ్ ఇలా తేడాలేకుండా అన్ని ఇండస్ట్రీల స్టార్ హీరోలు వెండితెరతో పాటూ బుల్లితెరపై కూడా మెరుస్తున్నారు. టాక్ షోస్ కి, రియాల్టీ షోస్ సహా పలు కార్యక్రమాలకు హోస్టులుగా మెప్పిస్తున్నారు.  నాగార్జున, యంగ్ టైగర్, రానా, అలీ, సమంత, ప్రియమణి, రోజా, నాగబాబు బుల్లితెరపై అలరిస్తుండగా గతంలో మెప్పించిన జాబితాలో చిరంజీవి, నాని కూడా ఉన్నారు. ఇందుకోసం  భారీ పారితోషికంతో పాటు మంచి ఫేమ్ కూడా వస్తోంది. అందుకే మరికొందరు స్టార్స్ ఈ జాబితాలో చేరుతున్నారు. అయితే ఎవ్వరూ ఊహించని పేరంటే మాత్రం నందమూరి బాలకృష్ణ. ఊహించని ట్రీట్ ఇచ్చారంటూ అభిమానులు ఆనందానికి హద్దే లేదు. అయితే నటసింహం ఈ టాక్ షో అంగీకరించడం వెనుక ప్రధానం కారణం వేరే ఉందంటున్నారు. 

ఆహా లో ' అన్ స్టాపబుల్ టాక్ షో' ద్వారా వచ్చిన పారితోషికాన్ని చారిటీకి ఉపయోగించనున్నారట బాలకృష్ణ. బసవతారకం  క్యాన్సర్ ఆసుపత్రితో పాటు పలు సేవా కార్యక్రమాలకు ఆ డబ్బును వినియోగించేలా ప్లాన్ చేశారట. మొదటి సీజన్ కు గాను బాలయ్య ఏకంగా నాలుగు కోట్ల కు పైనే పారితోషికంగా తీసుకుంటున్నారని తెలుస్తోంది. ఈ  మొత్తం ఛారిటీకి ఇవ్వడం అంటే మామూలు విషయం కాదు. దీంతో బాలయ్య భోళాశంకరుడని మరోసారి ప్రూవ్ అయిందంటున్నారు అభిమానులు. తన మంచితనం గురించి చెప్పడానికి ఇంతకుమించిన నిదర్శనం ఏముందంటున్నారు. ఆహాలో 'అన్ స్టాపబుల్ టాక్ షో'  దీపావళి సందర్బంగా స్ట్రీమింగ్ కానుంది.  ప్రముఖ స్టార్స్ ను బాలయ్య ఇంటర్వ్యూ చేయబోతున్నారు. హీరోలు, హీరోయిన్స్, దర్శకులు ఉండబోతున్నట్లుగా తెలుస్తోంది. బాలయ్య లాంటి స్టార్ హీరో హోస్ట్ గా వ్యవహరించబోతుండడంతో ఈ  టాక్ షో పై ఆసక్తి పెరిగింది.  
Also Read: కిలిమంజారో అధిరోహించిన నివేదా థామస్
అయితే బాలయ్య షో కు మొదటి గెస్ట్‌గా డైలాగ్ కింగ్ మోహన్ బాబు వస్తారని టాక్.  బాలయ్య- మోహన్ బాబు  ఆప్యాయంగా సోదర అంటూ పిలుచుకుంటారు. ఇక బాలయ్య మోహన్ బాబును ఎలాంటి ప్రశ్నలు అడుగుతారు.. అలాగే ఆయన ఎలాంటి సమాధానాలు చెప్తారు అన్నది చూడాలి.  ఈ షోకు ప్రశాంత్ వర్మ డైరెక్ట్ చేస్తున్నారు. ఇప్పటి వరకు వచ్చిన షోలు ఒకెత్తు అయితే.. తన షో మాత్రం మరో ఎత్తు అంటున్నాడు బాలయ్య కూడా. తాను అంత ఈజీగా యాంకరింగ్ చేయడానికి ఒప్పుకోలేదని  కాన్సెప్ట్ చాలా బాగా నచ్చిందని చెప్పుకొచ్చారు. మరోవైపు బాలయ్య-బోయపాటి లేటెస్ట్ మూవీ 'అఖండ' సెట్స్ పై ఉంది. 
Also Read:  'రాధే శ్యామ్' టీజర్: ప్రభాస్‌కు అన్నీ తెలుసు... కానీ చెప్పడు! ఎందుకంటే?
Also Read: డార్లింగ్ ప్రభాస్‌కు అందాల దేవసేన శుభాకాంక్షలు.. లవ్ సింబల్ లేకుండా జాగ్రత్త
Also Read:  ప్రభాస్ ని డార్లింగ్ అని ఎందుకు పిలుస్తారంటే...!
Also Read: డార్లింగ్ ప్రభాస్ కి ఇలాంటి బర్త్ డే గిఫ్ట్ ఎవ్వరూ ఇచ్చి ఉండరు..
Also Read: భారతీయ సినిమాకే బాహుబలి.. కానీ మనిషి మాత్రం డార్లింగే..
Also Read: ప్రభాస్ సినిమాల స్పెషల్ షోస్‌తో థియేటర్లు హౌస్‌ఫుల్.. ఫ్యాన్స్ హంగామా.. ఇవిగో వీడియోలు
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి