Radheshyam Teaser: 'రాధే శ్యామ్' టీజర్: ప్రభాస్‌కు అన్నీ తెలుసు... కానీ చెప్పడు! ఎందుకంటే?

ప్రభాస్ పుట్టినరోజు సందర్భంగా ఈ రోజు (శనివారం, 23-10-2021) 'రాధే శ్యామ్' టీజర్ రిలీజ్ చేశారు. అదెలా ఉంది? అందులో ఏముంది? ఈ టీజర్ రివ్యూ చదవండి. 

‘రాధేశ్యామ్’లో ప్రభాస్

ప్రభాస్ ప్రేమకథ చేసి చాలా రోజులైంది. 'సాహో'తో అతడు ప్రేక్షకుల ముందుకొచ్చి రెండేళ్లు దాటింది. అది స్టయిలిస్ట్ యాక్షన్ సినిమా. అంతకు ముందు 'బాహుబలి' చేశాడు. అదీ వార్ డ్రామా. 'బాహుబలి' ముందు చేసిన 'మిర్చి' లాంటి యాక్షన్ ఫిల్మ్ చేశాడు. అందుకని, ప్రభాస్ ప్రేమకథ చేస్తుండటంతో అందరూ ఆసక్తిగా ఎదురు చూస్తున్నారు. ఈ రోజు ప్రభాస్ పుట్టినరోజు కావడంతో 'రాధే శ్యామ్' టీజర్ రిలీజ్ చేశారు. 

'రాధే శ్యామ్'లో ప్రభాస్ పాత్ర పేరు విక్రమాదిత్య. ఆల్రెడీ అతడి లుక్ ఎప్పుడో విడుదల చేశారు. ఈ రోజు విక్రమాదిత్య ఎవరు? అనేది ప్రేక్షకులకు పరిచయం చేశారు. సినిమాలో పామిస్ట్ (చేయి చూసి జాతకం) చెప్పే వ్యక్తిగా ప్రభాస్ నటిస్తున్న సంగతి తెలిసిందే. టీజర్ లో ఆ విషయం వెల్లడించారు. ఏదో ఒక భాషకు పరిమితం కాకుండా అన్ని భాషల ప్రేక్షకులకు చేరువయ్యేలా టీజర్ లో ప్రభాస్ చేత ఇంగ్లిష్ లో డైలాగులు చెప్పించారు. 

'ఐ నో యు... బట్, నో. ఐ వోంట్ టెల్ యు' అంటూ ప్రభాస్ చెప్పే డైలాగ్ తో టీజర్ ప్రారంభమైంది. 'నాకు తెలుసు. కానీ, చెప్పను' అంటున్నారు ప్రభాస్. హార్ట్ బ్రేక్, ఫెయిల్యూర్స్, చావు... అన్నీ తనకు తెలుసు అని విక్రమాదిత్య అంటున్నాడు. అయినా ఎవరీ చెప్పడంట! ఎందుకంటే... మనం అర్థం చేసుకునేదాని కంటే అతీతమైనదని వివరించాడు. ఏమాటకు ఆ మాటే చెప్పుకోవాలి. టీజర్ లో విజువల్స్ చాలా బావున్నాయి.  రాధే శ్యామ్'ను ఈ ఏడాది జూలై 30న విడుదల చేయాలనుకున్నారు. కానీ, కరోనా కారణంగా వాయిదా వేయక తప్పలేదు. వచ్చే ఏడాది సంక్రాంతి కానుకగా జనవరి 14న తెలుగు సహా హిందీ, తమిళ, కన్నడ, మలయాళ భాషల్లో సినిమా విడుదల కానుంది. 

‘రాధేశ్యామ్’ టీజర్‌ను ఇక్కడ చూసేయండి: