Mega154: దీపావళి తర్వాత మెగాస్టార్ ధమాకా! ఆ రోజు 'పూనకాలు...' స్టార్ట్!

మెగా ఫెస్టివల్ ముందుందని #Mega154 టీమ్ చెబుతోంది. పూనకాలు లోడ్ చేయడానికి ముహూర్తం ఫిక్స్ చేసింది.

మెగా154లో చిరంజీవి ప్రీ-లుక్

మెగాస్టార్ చిరంజీవి, యువ దర్శకుడు కె.ఎస్. రవీంద్ర (బాబీ) కాంబినేషన్‌లో ఓ సినిమా రూపొందనున్న సంగతి తెలిసిందే. చిరంజీవి 154వ చిత్రమిది. ఇంకా టైటిల్ ఖరారు చేయలేదు. ప్రస్తుతానికి మెగా154 (Mega154)గా అనేది వర్కింగ్ టైటిల్. నవంబర్ 6... అనగా ఈ శనివారం పూజా కార్యక్రమాలతో లాంఛనంగా ఈ సినిమా ప్రారంభం కానుంది. "దీపావళితో సంబరాలకు ఎండ్ కార్డు పడటం లేదు. మెగా ఫెస్టివల్ ముందుంది. నవంబర్ 6న మరిన్ని పూనకాలు లోడ్ అవుతాయి" అని మూవీ ప్రొడక్షన్ హౌస్ మైత్రీ మూవీ మేకర్స్ తెలియజేసింది.

#Mega154

Celebration doesn't end with Diwali!

In front, there is MEGA festival 💥💥

More #PoonakaaluLoading on 6th November 🤙🤙

Megastar @KChiruTweets @dirbobby @ThisIsDSP 🔥🔥 pic.twitter.com/bujADOPRrH

— Mythri Movie Makers (@MythriOfficial) November 4, 2021

నవంబర్ 6న ఉదయం 11.43 గంటలకు పూజా కార్యక్రమాలతో లాంఛనంగా ఈ సినిమా ప్రారంభం కానుంది. ఆ తర్వాత 12.06 గంటలకు మెగాస్టార్ మాస్ మూలవిరాట్ దర్శనం అని దర్శకుడు కె.ఎస్. రవీంద్ర తెలిపారు. విశాఖ సముద్ర తీర ప్రాంత నేపథ్యంలో ఈ సినిమా తెరకెక్కుతోంది. ఇందులో వాల్తేరు వీరయ్యగా చిరంజీవి కనిపిస్తారని, సినిమాలో ఆయన పేరే టైటిల్‌గా ఫిక్స్ చేశార‌ని సమాచారం. సినిమా ప్రారంభం రోజున టైటిల్ ప్రకటిస్తారేమో చూడాలి. చిరంజీవికి కె.ఎస్. రవీంద్ర వీరాభిమాని. అభిమానులు కోరుకునే విధంగా కథ రెడీ చేశారని, తెరపై మాస్ అవతారంలో మెగాస్టార్‌ను చూపిస్తారని టాక్.

మెగా154 కంటే ముందు మోహన్ రాజా దర్శకత్వంలో 'గాడ్ ఫాదర్' (మలయాళ హిట్ 'లూసిఫర్' రీమేక్)ను చిరంజీవి కంప్లీట్ చేయనున్నారు. త్వరలో మెహర్ రమేష్ దర్శకత్వంలో తమిళ హిట్ 'వేదాళం' రీమేక్ 'భోళా శంకర్' షూటింగ్ స్టార్ట్ చేయనున్నారు. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి