Janaki Kalaganaledu February 23rd: నిజం తెలిసి రామ షాక్- జ్ఞానంబకి కిడ్నీ ట్రాన్స్ ప్లాంటేషన్ కి జానకి ఏర్పాట్లు

జ్ఞానంబ ఆరోగ్యం క్షీణించడంతో సీరియల్ ఇంట్రెస్టింగ్ గా సాగుతోంది. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

జానకి డాక్టర్ ని కలుస్తుంది. నిజం తెలిస్తే ఇంట్లో ఎవరు తట్టుకోలేరని జానకి అంటుంది. అత్తయ్యని కాపాడుకోవడానికి ఏదైనా మార్గం ఉంటే చెప్పమని అడుగుతుంది. ఈ కండిషన్ లో ఉన్న పేషెంట్ కి డోనర్ దొరికితే ట్రాన్స్ ప్లాంటేషన్ చేయొచ్చు, డబ్బుల కోసం కొంతమంది కిడ్నీలు అమ్ముతారు కానీ అది ఖర్చుతో కూడుకున్నదని చెప్తుంది. ఇంట్లో ఎవరో ఒకళ్ళ కిడ్నీ పెట్టొచ్చు అని డాక్టర్ చెప్పడంతో వాళ్ళకి తెలియకుండా ఎలా టెస్ట్ చేయడం అని జానకి అడుగుతుంది. డాక్టర్ వేరే అడ్రస్ ఇచ్చి వెళ్ళి తనని కలవమని చెప్తుంది. మావయ్య తెలివితేటలు ఉపయోగించి అందరితో డబ్బులు ఇప్పించేలా చేశారని మల్లిక గోవిందరాజులని తిట్టుకుంటుంది.

మలయాళం దగ్గరకి మల్లిక దొంగచాటుగా వచ్చి చికెన్ పకోడీ చేశావా అని అడుగుతుంది. చేశానని చెప్పి పకోడీ తనకి ఇస్తాడు. గిన్నె మొత్తం తీసుకుని అందులో ఒక చిన్న ముక్క ఏరి మరీ ఇస్తుంది. ఖచ్చితంగా మల్లిక తినెటైమ్ కి తిలోత్తమ వస్తుంది. తన చేతిలో పకోడీ గిన్నె బలవంతంగా తీసుకుని వెళ్ళిపోతుంది. అది క్యాలీఫ్లవర్ పకోడీ కాదు చికెన్ పకోడీ అని తెలిస్తే గొడవలు అయిపోతాయని టెన్షన్ పడతారు. జ్ఞానంబ నడుస్తూ ఉంటే కళ్ళు తిరిగి ఇబ్బంది పడుతుంటే గోవిందరాజులు చూసి తనని తీసుకొచ్చి కూర్చోబెడతాడు. తిలోత్తమ ఆ పకోడీ తీసుకొచ్చి గోవిందరాజులు చేతిలో పెడుతుంది. కానీ మలయాళం వచ్చి గిన్నె లాక్కుని చివరికి చికెన్ పకోడీ చేతిలోనె పెడతారు. క్యాలీఫ్లవర్ పకోడీ అన్నావ్ ఇందులో ఎముకలు ఉన్నాయని గోవిందరాజులు అంటాడు. తిలోత్తమ అది చూసి చికెన్ పకోడీ అని చెప్తుంది.

మల్లిక వచ్చి తను దొరకకుండా తప్పించుకోవడం కోసం మలయాళంని తిడుతూ కాసేపు డ్రామా ఆడుతుంది. కానీ జ్ఞానంబ మాత్రం విషయం పసిగట్టేస్తుంది. నీకు నచ్చినట్టు ఉండమన్నాను నువ్వు తినడానికి వాడిని తిట్టించాల్సిన అవసరం లేదని జ్ఞానంబ అంటుంది. ఆ చికెన్ పకోడీని తను అరిగిస్తానని తిలోత్తమ అంటుంది. జ్ఞానంబ పర్మిషన్ ఇచ్చేసరికి మల్లిక వాటిని ఎంజాయ్ చేస్తూ లాగించేస్తుంది. జానకి వెళ్ళి మరొక డాక్టర్ ని కలుస్తుంది. రామ దగ్గరకి ఒకతను వచ్చి విష్ణు షాపు పెట్టుకోవడానికి బ్యాంక్ లో లోన్ తీసుకున్నాడని ఈనెల వాయిదా ఇంకా కట్టలేదని చెప్తాడు. అది విని రామ షాక్ అవుతాడు. గతంలో విష్ణు, మల్లిక షాపు తన ఫ్రెండ్ ది అని చెప్పిన అబద్ధం గుర్తు చేసుకుంటాడు. జ్ఞానంబకి ఎంత త్వరగా వీలైతే అంత త్వరగా ఆపరేషన్ చేయించాలని డాక్టర్ జానకితో చెప్తుంది. హ్యపీగా చికెన్ పకోడీ తింటూ ఎంజాయ్ చేస్తున్న మల్లిక తిక్క కుదర్చడానికి తిలోత్తమ వచ్చేస్తుంది. గోంగూర వలువు అని తెచ్చి ముందు పెడుతుంది.