Its Official: పవర్ స్టార్ సినిమా నుంచి ఆ హీరోయిన్ ఔట్... హాట్ బ్యూటీకి గోల్డెన్ ఛాన్స్!

ఈడీ కేసు ఎఫెక్ట్ వల్ల పవన్ కల్యాణ్ సినిమాలో మార్పులు చోటు చేసుకున్నాయా? అది అవాస్తమని దర్శకుడు క్లారిటీ ఇచ్చారు. పూర్తి వివరాలకు...

Written By : ABP Desam | Updated at : 16 Dec 2021 04:19 PM (IST)

Its Official... Director Krish clarifies about the important cast change in Pawan Kalyan's Hari Hara Veera Mallu Its Official: పవర్ స్టార్ సినిమా నుంచి ఆ హీరోయిన్ ఔట్... హాట్ బ్యూటీకి గోల్డెన్ ఛాన్స్!

'హరి హర వీరమల్లు'లో పవన్ కల్యాణ్

పవర్ స్టార్ పవన్ కల్యాణ్ కథానాయకుడిగా నటిస్తున్న సినిమా 'హరి హర వీర మల్లు'. ఇందులో ఓ పాత్రకు తొలుత శ్రీలంక సుందరి, హిందీ హీరోయిన్ జాక్వ‌లిన్ ఫెర్నాండేజ్‌ను ఎంపిక చేశారు. ఇటీవల ఓ కేసులో ఆమెకు ఈడీ నోటీసులు జారీ చేసింది. దాంతో ఆమె సమస్యల్లో చిక్కుకుంది. జాక్వలిన్ దేశం విడిచి వెళ్లకుండా ఈడీ ఆదేశాలు ఇచ్చింది. దాంతో ఆమెను పవన్ సినిమా నుంచి తొలగించారని వార్తలు వచ్చాయి. వీటిపై దర్శకుడు క్రిష్ జాగర్లమూడి స్పందించారు. సదరు వార్తల్లో నిజం లేదని ఆయన స్పష్టం చేశారు.

"డేట్స్ ఇష్యూ వలన జాక్వలిన్ ఫెర్నాండేజ్ మా సినిమా చేయలేకపోయింది. డేట్స్ అడ్జస్ట్ చేయడం ఆమెకు కష్టం అయ్యింది. అందుకే, గత ఏడాది సినిమా నుంచి తప్పుకొంది. ఆమె స్థానంలో మేం నర్గిస్ ఫక్రిని ఎంపిక చేశాం. జాక్వలిన్ ఇప్పుడు వార్తల్లోకి వచ్చేసరికి అనవసరంగా మా సినిమా ప్రస్తావన తీసుకొస్తున్నారు" అని క్రిష్ జాగర్లమూడి పేర్కొన్నారు.

'హరి హర వీర మల్లు' సినిమాలో మొఘల్ సామ్రాజ్యానికి చెందిన రోషనార పాత్రలో నర్గిస్ ఫక్రి కనిపించనున్నారు. ఆమెది లుక్ చాలా అందంగా ఉంటుందట. మొఘల్ సామ్రాజ్యం నేపథ్యంలో 17వ శతాబ్దపు కథతో ఈ సినిమాను రూపొందిస్తున్న సంగతి తెలిసిందే. ఇందులో పవన్ కల్యాణ్ సరసన నిధి అగర్వాల్ కథానాయికగా నటిస్తున్నారు. ఏయం రత్నం సినిమాను నిర్మిస్తున్నారు.