Champion OTT : ఓటీటీలోకి 'ఛాంపియన్' వచ్చేస్తున్నాడు - ఎప్పటి నుంచి, ఎన్ని భాషల్లో స్ట్రీమింగ్ అంటే?

Champion OTT Platform : యంగ్ హీరో రోషన్ మేక లేటెస్ట్ పీరియాడికల్ యాక్షన్ డ్రామా 'ఛాంపియన్' ఓటీటీలోకి వచ్చేందుకు రెడీ అవుతోంది. తెలుగు, తమిళం, కన్నడ, మలయాళం భాషల్లో అందుబాటులోకి రానుంది.

ఛాంపియన్ ఓటీటీ రిలీజ్ డేట్

Source : https://www.instagram.com/p/DTj1RK7knO9/?hl=en

Roshan Meka's Champion Movie OTT Release Date : సీనియర్ హీరో శ్రీకాంత్ తనయుడు, టాలీవుడ్ యంగ్ హీరో రోషన్ మేక లేటెస్ట్ పీరియాడికల్ యాక్షన్ డ్రామా 'ఛాంపియన్'. డిసెంబర్ 25న ప్రేక్షకుల ముందుకు వచ్చిన ఈ మూవీ బాక్సాఫీస్ వద్ద మిక్స్‌డ్ టాక్ సొంతం చేసుకుంది. సంక్రాంతి తర్వాత ఇప్పుడు ఓటీటీ రిలీజ్‌కు రెడీ అవుతోంది.

ఎప్పటి నుంచి స్ట్రీమింగ్ అంటే?

ఈ మూవీ డిజిటల్ రైట్స్‌ను ప్రముఖ ఇంటర్నేషనల్ ఓటీటీ 'నెట్ ఫ్లిక్స్' సొంతం చేసుకోగా... ఈ నెల 29 నుంచి స్ట్రీమింగ్ కానుంది. తెలుగుతో పాటు తమిళం, మలయాళం, కన్నడ భాషల్లో అందుబాటులోకి రానున్నట్లు నెట్ ఫ్లిక్స్ అఫీషియల్‌గా అనౌన్స్ చేసింది. మరోవైపు, ఈ మూవీ శాటిలైట్ రైట్స్ 'జీ తెలుగు' సొంతం చేసుకోగా... ఓటీటీ స్ట్రీమింగ్ తర్వాత టీవీల్లోకిి వచ్చే ఛాన్స్ ఉంది.

ఈ మూవీకి ప్రదీప్ అద్వైతం దర్శకత్వం వహించగా... రోషన్ సరసన అనస్వర రాజన్ హీరోయిన్‌గా నటించారు. సీనియర్ హీరో కల్యాణ్ చక్రవర్తి, అర్చన, కోవై సరళ, హర్షవర్దన్, నరేష్, వెన్నెల కిశోర్ తదితరులు కీలక పాత్రలు పోషించారు. జీ స్టూడియోస్ సమర్పణలో స్వప్న సినిమాస్, ఆనంది ఆర్ట్ క్రియేషన్స్, కాన్సెప్ట్ ఫిలిం బ్యానర్లపై సంయుక్తంగా నిర్మించారు. స్వప్న దత్ నిర్మాతగా వ్యవహరించగా... మిక్కీ జే మేయర్ మ్యూజిక్ అందించారు.

స్టోరీ ఏంటంటే?

1947 ఆగస్ట్ 15 దేశానికి స్వాతంత్ర్యం వచ్చినా నిజాం నిరంకుశ పాలనలో హైదరాబాద్ సంస్థానం మగ్గిపోతున్న కాలం. ప్రజలను బానిసలుగా చూస్తూ నిజాం ప్రభువులు తీవ్ర ఇబ్బందుల పాలు చేస్తుంటారు. రజాకార్ల క్రూరత్వానికి తెలంగాణలో పల్లెలన్నీ వణికిపోతుంటాయి. అయితే, భైరాన్పల్లి వాసులు మాత్రం రజాకార్లకు లొంగరు. వారిని ఎదిరించి వీరోచితంగా పోరాడుతూ అందరిలోనూ స్వాతంత్ర్య కాంక్ష రగిలిస్తుంటారు. ఇదే టైంలో సికింద్రాబాద్‌కు చెందిన ఆంగ్లో ఇండియన్ యువకుడు మైఖేల్ సి విలియమ్స్ (రోషన్) ఫుట్ బాల్ ఆటగాడిగా పేరు తెచ్చుకుంటాడు. తన టాలెంట్‌తో ఇంగ్లాండ్ మాంచెస్టర్ ఫుట్ బాల్ క్లబ్‌లో ఆడే ఛాన్స్ అందుకుంటాడు.

అయితే, మైఖేల్ తండ్రి నేపథ్యంతో అతను ఇంగ్లండ్ వెళ్లే దారులన్నీ మూసుకుపోతాయి. దీంతో అక్రమ మార్గంలో ఆ దేశం వెళ్లాలని డిసైడ్ అయ్యి... విదేశాల నుంచి వచ్చిన ఆయుధాల్ని  హైదరాబాద్ నుంచి బీదర్‌కు చేర్చేందుకు ఒప్పుకొంటాడు. ఆ పని చేస్తున్న క్రమంలో దారి తప్పి భైరాన్పల్లి వెళ్తాడు. ఆ తర్వాత అక్కడ ఏం జరిగింది? యుద్ధమంటే నచ్చని మైఖేల్ రజాకార్లతో ఎందుకు పోరాడాడు? రజాకార్ల సైన్యానికి నాయకత్వం వహించే బాబు దేశ్ ముఖ్ (సంతోష్ ప్రతాప్)కు మైఖేల్‌కు ఉన్న విరోధం ఏంటి? బైరాన్పల్లి వాసులకు నాయకుడిగా రాజి రెడ్డి (కల్యాణ్ చక్రవర్తి) ఏం చేశాడు? ఈ ప్రశ్నలకు సమాధానం తెలియాలంటే మూవీ చూడాల్సిందే.

 

మరిన్ని చదవండి

మెగాస్టార్ మళ్ళీ కొట్టాడ్రా... ఆల్రెడీ చిరు ఖాతాలో నాలుగు రికార్డులు!