RC15: మొన్న 'అధికారి', ఇప్పుడు 'సిటిజెన్' - శంకర్ త్వరగా టైటిల్ చెప్పవయ్యా!

రామ్ చరణ్, శంకర్ సినిమాకి సంబంధించి చాలా టైటిల్స్ వినిపిస్తున్నాయి.

మొన్న 'అధికారి', ఇప్పుడు 'సిటిజెన్'

మెగా పవర్ స్టార్ రామ్ చరణ్ హీరోగా దర్శకుడు శంకర్ ఓ సినిమాను రూపొందిస్తోన్న సంగతి తెలిసిందే. 'ఆర్ఆర్ఆర్' తరువాత రామ్ చరణ్ నటిస్తోన్న సినిమా కావడంతో దీనిపై భారీ అంచనాలు నెలకొన్నాయి. కియారా అద్వానీని హీరోయిన్ గా నటిస్తోన్న ఈ సినిమాను దిల్ రాజు నిర్మిస్తున్నారు. ఇప్పటికే ఈ సినిమాకి సంబంధించిన షూటింగ్ పూణే, హైదరాబాద్, రాజమండ్రిలలో చిత్రీకరించారు. ఇదిలా ఉండగా.. ఈ సినిమాకి టైటిల్ గా చాలా పేర్లు వినిపిస్తున్నాయి. 

సినిమా మొదలైన కొత్తలో 'విశ్వంభర' అనే టైటిల్ పెడుతున్నట్లు వార్తలు వచ్చాయి. ఆ తరువాత 'సర్కారోడు', 'ఆఫీసర్' ఇలా చాలా టైటిల్స్ వినిపించాయి. రీసెంట్ గా 'అధికారి' అనే టైటిల్ ను ఖాయం చేశారని అన్నారు. ఇప్పుడు 'సిటిజెన్' అనే మరో పేరు వినిపిస్తోంది. దర్శకుడు శంకర్ సినిమా టైటిల్ అనౌన్స్ చేసేవరకు ఈ టైటిల్ లిస్ట్ పెరుగుతూనే ఉండేలా ఉంది. దీంతో అభిమానులు త్వరగా టైటిల్ అనౌన్స్ చేయమని సోషల్ మీడియా వేదికగా కోరుతున్నారు.

ఈ సినిమాలో రామ్ చరణ్ గవర్నమెంట్ ఆఫీసర్ గా కనిపించనున్నారు. షూటింగ్ దశలో ఉన్న ఈ సినిమా అక్టోబర్ నాటికి పూర్తవుతుందని అంటున్నారు. ఈ సినిమా నిర్మాణం విషయంలో ఎక్కడా కాంప్రమైజ్ అవ్వడం లేదు నిర్మాత దిల్ రాజు. తన బ్యానర్ లో వస్తోన్న 50వ సినిమా కావడంతో ఎంతో ప్రతిష్టాత్మకంగా సినిమాను నిర్మిస్తున్నారు. 

ఈ సినిమాలో రామ్ చరణ్ రెండు గెటప్స్ లో కనిపిస్తారట. ఒకటి స్టూడెంట్ గెటప్ కాగా.. మరొకటి ప్రభుత్వ ఉద్యోగి అని తెలుస్తోంది. శ్రీకాంత్, అంజలి, సునీల్, జయరామ్, నవీన్ చంద్ర వంటి తారలు ఈ సినిమాలో కీలక పాత్రలు పోషిస్తున్నారు. తమన్ సంగీతం అందిస్తోన్న ఈ సినిమాకి తిరు సినిమాటోగ్రాఫర్ గా వ్యహరించనున్నారు. తెలుగు, తమిళం, మలయాళం, కన్నడ, హిందీ భాషల్లో ఈ సినిమాను రిలీజ్ చేయబోతున్నారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Ram Charan (@alwaysramcharan)