Guppedantha Manasu : గౌతమ్ కి క్లారిటీ ఇచ్చిన రిషి - ఈగో మాస్టర్ కి షాక్ ఇచ్చిన వసుధార.. గుప్పెండత మనసు డిసెంబరు 29 బుధవారం ఎపిసోడ్

గౌతమ్- వసు- రిషి ట్రయాంగిల్ లవ్ స్టోరీ ఓ వైపు ..కొడుకు మాట కాదనలేక-వసుని బయటకు పంపలేక సతమతమవుతోన్న జగతి మరోవైపు... గుప్పెడంత మనసు సీరియల్ డిసెంబరు 29 బుధవారం ఎపిసోడ్ లో ఏ జరిగిందంటే.

Guppedantha Manasu 29 December Episode (Image Credit: Star Maa/Hot Star)

గుప్పెడంత మనసు డిసెంబరు 29 బుధవారం ఎపిసోడ్

గౌతమ్-వసు-రిషి
మంగళవారం రెస్టారెంట్లో క్లోజ్ అయిన ఎపిసోడ్.. బుధవారం రెస్టారెంట్లోనే ఓపెన్ అయింది. వసు కోసం రెస్టారెంట్ కి వెళ్లిన గౌతమ్ అక్కడే ఎదురుచూస్తుంటాడు. నేను వెళతాను సార్ అని గౌతమ్ తో వసు అంటే.. నేను కూడా వస్తాఅంటాడు. ఇంతలో అక్కడకు ఎంట్రీ ఇచ్చిన రిషి నేను కూడా వస్తా అంటాడు. అక్కడి నుంచి ముగ్గురూ కలసి కారులో బయలుదేరుతారు. వసుధారతో హ్యాపీగా టైమ్ స్పెండ్ చేయాలి అనుకుంటే వీడు విలన్ లా తయారయ్యాడని మనసులో తిట్టుకుంటాడు గౌతమ్.  వసుధార మనసులో థ్యాంక్యూ రిషి సర్.. కరెక్ట్ టైమ్ కి వచ్చి నన్ను కాపాడారు, లేదంటే గౌతమ్ ని వదిలించుకునేందుకు టైం పట్టేది అనుకుంటుంది. అటు రిషి కూడా వీడికి సరైన టైంలో అర్థమయ్యేలా చెప్పాలి లేదంటే ఇంకా ఎక్కువ చేసేలా ఉన్నాడని మనసులో అనుకుంటాడు రిషి. వసుని జగతి ఇంటిదగ్గర దించేసి అక్కడి నుంచి వెళ్లిపోతారు. 

జగతి-వసుధార
వసుధార రాగానే రిషి గురించి చెబుతుంటే..మనం మన ఆలోచనలు స్ట్రాంగ్ గా ఉండాలి, మాటలు మాత్రమే కాదని క్లాస్ వేస్తుంది జగతి. షార్ట్ ఫిలిం కాన్సెప్ట్ వర్క్ చేశావా.. వనభోజనాలు, ఉయ్యాలలు, మెసేజ్ లు , కబుర్లు ఇవేనా అని మనసులో బాధపడుతూనే క్లాస్ వేస్తుంది జగతి.ఇంతకు ముందులా చదువుపై, జీవితంపై శ్రద్ధ ఏకాగ్రత లేదంటుంది. నీ క్రమశిక్షణ , పట్టుదల ఉప్పులా కరిగిపోతున్నాయి.. రెస్టారెంట్ డ్యూటీ అయిపోగానే ఇంటికి వస్తే బావుంటుంది, ఇష్టం వచ్చినప్పుడు వచ్చే దాన్ని ఇల్లు అనరు..నేను తినేశాను, నువ్వు వంట చేసుకుని తిను అనేసి కోపంగా అక్కడి నుంచి వెళ్లిపోయిన జగతి డోర్ వేసుకుని బాధపడుతుంది. సారీ వసు.. రిషి చెప్పినట్టు నిన్ను ఇంట్లోంచి పంపించేయడానికి ఇంతకన్నా నాకు వేరే మార్గం లేదంటుంది.  మరోవైపు వసుధార కూడా మేడం ఇలా ఎప్పుడూ ప్రవర్తించలేదని బాధపడుతుంది. 

కారులో రిషి-గౌతమ్
వసుని ఇంట్లోంచి పంపించేయమన్నా కదా..జగతి మేడం ఆ పనిలో ఉన్నారా లేదా అనే ఆలోచనలో పడతాడు రిషి. మరోవైపు గౌతమ్ ఇంత సైలెంట్ గా ఉండడం నావల్ల కాదంటాడు. పాటలు పెడతా అని గొడవ పెట్టుకోవడంతో కారు రోడ్డుపక్కన ఆపేసి కిందకు దిగి మాట్లాడుకుంటారు. వసుని ఈ టైమ్ లో కలిసే అవసరం ఏంటి.. ఆ అమ్మాయిని ఇబ్బంది పెట్టొద్దు, ఆ అమ్మాయి విషయంలో జాగ్రత్తగా ఉండని చెబుతాడు. రోడ్డుమీద యాక్సిడెంట్ తో యాక్సిడెంటల్లీ కలిశాం.. నేను వెళ్లి ఆమెను పరిచయం చేసుకున్నానా అని రివర్స్ లో క్వశ్చన్ చేస్తాడు గౌతమ్. నీ స్టూడెంట్ అని తెలియకముందే నాకు పరిచయమైంది..దీనికి నువ్వెందుకు ఫీలవుతున్నావ్ అంటాడు గౌతమ్. తనకో గోల్ ఉంది, తనని డిస్ట్రబ్ చేయకు అని చెబుతాడు రిషి.  వసుధార తెలివైన అమ్మాయి.. తను అధ్బుతాలు చేస్తుంది నీ మైండ్ లో ఏమైనా ఉంటే తీసెయ్ అంటాడు. 

జగతి ఇంట్లో:
తన రూమ్ లో కూర్చుకున్న వసుధార.. జగతి తనని అన్న మాటలన్నీ గుర్తుచేసుకుని బాధపడుతుంది. నేను ఏదైనా తప్పు చేశానా, మేడంని నొప్పించానా, అలా చేయలేదు కదా మరి ఎందుకిలా మాట్లాడుతున్నారు, తన తత్వానికి విరుద్ధంగా ఎందుకిలా బిహేవ్ చేస్తున్నారని ఆలోచిస్తుంది వసుధార. కట్ చేస్తే ఫణీంద్ర-మహేంద్ర-గౌతమ్ ముగ్గురూ కూర్చుని మాట్లాడుకుంటుండగా .. మహేంద్రకి వసుధార కాల్ చేసి ఏం జరిగిందో చెబుతుంది. మేడం ఇలా ఉండరు.. ఎందుకిలా ప్రవర్తిస్తున్నారని అడిగితే..నాక్కూడా అర్థం కావడం లేదంటాడు మహేంద్ర. నా ప్రయత్నం నేను చేస్తున్నాను..ఏంటో తెలుసుకుంటా నువ్వు బాధపడొద్దని చెబుతాడు మహేంద్ర. ఇదంతా రిషి వింటాడు.

జగతి-వసుధార
 కట్ చేస్తే ఉదయం నిద్రలేచి మళ్లీ వసుధార అదే ఆలోచనలో పడుతుంది. ఎందుకిలా ప్రవర్తిస్తున్నారో డైరెక్ట్ గా అడుగుతా అని అడిగేస్తుంది. రాత్రి మీరెందుకు అలా ప్రవర్తించారు, నావల్ల పొరపాటు జరిగితే ఇదిగో నువ్వు ఈ తప్పు చేశావ్ అని అడగండి, నన్ను అడిగే హక్కు, నిలదీసే హక్కు మీకున్నాయి చెప్పండి మేడం ప్లీజ్ అంటుంది. అప్పుడు ఓపెన్ అయిన జగతి నువ్వు ఇంట్లోంచి వెళ్లిపోవాలి వసు అని బాంబ్ పేలుస్తుంది. కారణాలు అడగొద్దు, హాస్టల్ కి వెళ్లిపో అంటుంది. తప్పేంటి అని అడిగితే.. తప్పొప్పులు అనవసరం వెళ్లిపో అన్నాను వెళ్లిపో అంటుంది. నా వల్ల తప్పేంటని మళ్లీ అడగడంతో రిషి పంపించమన్నాడు అని చెబుతుంది జగతి. అవునా..అయితే రిషి సర్ తోనే తేల్చుకుంటా అని అక్కడి నుంచి వెళ్లిపోతుంది. ట్విస్ట్ ఏంటంటే ఇదంతా జగతి ఊహించుకుంటుందన్నమాట. వసు అడగలేదా అనుకుంటుంది. సమాధానం చెప్పండి మేడం అని వసు అడిగితే కాసేపు నన్ను వదిలెయ్ ప్లీజ్ అనేసి జగతి అక్కడి నుంచి వెళ్లిపోతుంది.

రేపటి ఎపిసోడ్ లో
మేడం కొత్తగా మాట్లాడుతున్నారు, నేను తన దగ్గర ఉండడం ఇష్టం లేదన్నట్టు ప్రవర్తిస్తున్నారని రిషి తో చెబుతుంది వసుధార.  తనికి ఇష్టం లేనప్పుడు ఏదైనా హాస్టల్ లో ఉండొచ్చు కదా అంటాడు రిషి. అయితే ఎవరో ఏదో అన్నారు.. కానీ చెప్పడం లేదన్న వసుధార.. నేను ఎక్కడికైనా వెళ్లిపోతా అంటుంది. ఇది ఈగో మాస్టర్ కి షాకేమరి..

Also Read: మోనితని ఇంట్లోంచి గెెంటేసిన సౌందర్య, రుద్రాణి దగ్గరకు చేరిన మోనిత బిడ్డ, కార్తీకదీపం డిసెంబరు 28 మంగళవారం ఎపిసోడ్

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి