Pushpa 2: "పుష్ప 2" ట్రైలర్ లాంచ్ కు ముహూర్తం ఫిక్స్ - ఆల్ టైమ్ రికార్డుపై కన్నేసిన "పుష్ప"!

Pushpa 2 Trailer: "పుష్ప 2" ట్రైలర్ లాంచ్ ఈవెంట్ భారీ ఎత్తున జరగబోతున్నట్టు సమాచారం. మరి ఈ మోస్ట్ అవైటెడ్ మూవీ ట్రైలర్ ను ఎప్పుడు, ఎక్కడ లాంచ్ చేయబోతున్నారో తెలుసుకుందాం పదండి.

"పుష్ప 2" ట్రైలర్ లాంచ్

Source : twitter

Pushpa 2 Trailer Launch: మోస్ట్ అవైటింగ్ పాన్ ఇండియా సినిమా 'పుష్ప 2'కు ఆల్రెడీ కౌంట్ డౌన్ మొదలైన విషయం తెలిసిందే. అయితే తాజాగా ఈ మూవీ ట్రైలర్ రిలీజ్ డేట్ ఫిక్స్ అయ్యిందని, అలాగే సినిమా ప్రమోషన్స్ కోసం మేకర్స్ ఇదివరకు కనీవినీ ఎరగని ప్రమోషన్స్ ప్లాన్ చేస్తున్నారనే సమాచారం తాజాగా బయటకు వచ్చింది. 

సుకుమార్ దర్శకత్వంలో ఐకాన్ స్టార్ అల్లు అర్జున్ హీరోగా, రష్మిక మందన్న ఫిమేల్ లీడ్ గా, ఫాహద్ ఫాజిల్ విలన్ గా నటిస్తున్న భారీ బడ్జెట్ పాన్ ఇండియా మూవీ 'పుష్ప 2 : ది రూల్'. ఈ సీక్వెల్ కోసం చాలా కాలం నుంచి మూవీ లవర్స్ కళ్ళు కాయలు కాసేలా ఎదురుచూస్తున్నారు. ఇక రీసెంట్ గా మేకర్స్ సినిమాను డిసెంబర్ 5న రిలీజ్ చేయబోతున్నామంటూ అఫీషియల్ గా అనౌన్స్ చేసిన సంగతి తెలిసిందే. ఈ నేపథ్యంలోనే ప్రపంచ వ్యాప్తంగా ఈ మూవీ స్పెషల్ ప్రీమియర్లను డిసెంబర్ 4 నుంచి బిగ్ స్క్రీన్ పైకి తీసుకురాబోతున్నారు. కాగా "పుష్ప 2" టీం ఈ యాక్షన్ ప్యాక్డ్ ఎంటర్టైనర్ కోసం భారీ మార్కెటింగ్ ప్లాన్ ను సిద్ధం చేసినట్టుగా తెలుస్తోంది. నవంబర్ మిడిల్ నుండి "పుష్ప 2" మూవీ ప్రమోషన్స్ స్టార్ట్ కాబోతున్నాయని సమాచారం. 

ఇన్సైడ్ వర్గాల సమాచారం ప్రకారం "పుష్ప 2" ప్రమోషన్స్ నవంబర్ 15 నుంచి స్టార్ట్ కాబోతున్నాయి. ఆ తర్వాత 15 రోజుల వ్యవధిలోనే అల్లు అర్జున్ పాట్నా, కొచ్చి, చెన్నై, బెంగళూరు, ముంబై, హైదరాబాద్ లను సందర్శించబోతున్నారు. "పుష్ప 2" టీం ప్రమోషన్ల కోసం భారతదేశంలోని ముఖ్యమైన సిటీలన్నింటిని కవర్ చేయబోతోంది. ఇక నవంబర్ 15న ఈ మూవీ మెగా ట్రైలర్ లాంచ్ ఈవెంట్ తో ఈ ప్రమోషనల్ ఈవెంట్లు స్టార్ట్ అవుతాయి. ఒకవేళ అంతా అనుకున్నట్టుగా జరిగితే ట్రైలర్ లాంచ్ ఈవెంట్ పాట్నాలో జరిగే ఛాన్స్ ఉంది. ఆ తర్వాత స్పెషల్ ఈవెంట్స్ పేరుతో చిత్ర బృందం దేశం మొత్తం పర్యటించబోతున్నారు. 

నిజానికి 'బాహుబలి 2' తర్వాత అదే రేంజ్ హైప్ ఉన్న సినిమా 'పుష్ప 2'. కాబట్టి ఈ సినిమాకు అదే రేంజ్ లో ప్రమోషన్స్ చేయడం కూడా ముఖ్యమే. అయితే రానున్న 30 రోజుల్లో అంతా ప్లాన్ ప్రకారం జరిగితే 'పుష్ప 2' మూవీ ఆల్ టైం బిగ్గెస్ట్ ఓపెనర్ గా అవతరించడం ఖాయమని అంటున్నారు సినీ విశ్లేషకులు. ప్రత్యేకంగా హిందీ బెల్ట్ లలో ఈ మూవీ సరికొత్త రికార్డులను సెట్ చేస్తుందని నమ్ముతున్నారు. అలాగే భారతీయ సినిమా చరిత్రలో భారీ వసూల్లు రాబట్టిన సినిమాగా ఈ మూవీ నిలుస్తుందని టాక్ నడుస్తోంది. ప్రస్తుతానికైతే నవంబర్ 15న జరగబోయే 'పుష్ప 2' థియేట్రికల్ ట్రైలర్ లాంచ్ ఈవెంట్ పైనే అందరి దృష్టి ఉంది. దీనికి సంబంధించి మేకర్స్ నుంచి ఇంకా అఫిషియల్ అనౌన్స్మెంట్ రావాల్సి ఉంది. నిర్మాతలు భారీ ఈవెంట్స్ ప్లాన్ చేస్తున్నామని రిలీజ్ డేట్ అనౌన్స్మెంట్ రోజే క్లారిటీ ఇచ్చారు. కానీ ట్రైలర్ లాంచ్ ఎప్పుడు అనేది మాత్రం స్పష్టం చేయలేదు.