అన్వేషించండి

Aamir Khan: హీరోయిన్ తో ఆమిర్ ఖాన్ సీక్రెట్ మ్యారేజ్.. అసలు నిజమిదే..

ఆమిర్ ఖాన్ తన మాజీ భార్య కిరణ్ రావుతో కలిసి ఈవెంట్ కి వెళ్లాడు. ఆ సమయంలో తీసుకున్న ఫొటోను కావాలనే కొందరు మార్ఫింగ్ చేసి ఆన్ లైన్ లో పోస్ట్ చేశారు.

By : ABP Desam | Updated at : 25 Dec 2021 11:52 AM (IST)

హీరోయిన్ తో ఆమిర్ ఖాన్ సీక్రెట్ మ్యారేజ్..

బాలీవుడ్ స్టార్ హీరో ఆమిర్ ఖాన్.. నటి ఫాతిమా సనా షేక్ ను మూడో పెళ్లి చేసుకున్నారని సోషల్ మీడియాలో ఓ ఫొటో చక్కర్లు కొడుతున్నాయి. ఈ ఫొటో చూసిన కొందరు నిజంగానే ఆమిర్ ఖాన్ మూడో పెళ్లి చేసుకున్నాడా అంటూ ఆశ్చర్యం వ్యక్తం చేశారు. కానీ అందులో నిజం లేదని తెలుస్తోంది. ఇదొక ఫేక్ ఫొటో. ప్రముఖ వ్యాపారవేత్త ముఖేష్ అంబానీ కుమారుడు ఆకాష్ అంబానీ ఎంగేజ్మెంట్ సమయంలో తీసిన ఫొటో అది.

ఆమిర్ ఖాన్ తన మాజీ భార్య కిరణ్ రావుతో కలిసి ఆ ఈవెంట్ కి వెళ్లాడు. ఆ సమయంలో తీసుకున్న ఫొటోను కావాలనే కొందరు మార్ఫింగ్ చేసి ఆన్ లైన్ లో పోస్ట్ చేశారు. దీంతో ఈ ఫొటో నెట్టింట్లో వైరల్ అవుతోంది. నిజానికి ఆమిర్ ఖాన్.. కిరణ్ రావుతో విడాకులు తీసుకుంటున్నట్లు ప్రకటించగానే అభిమానులంతా షాకయ్యారు. వీరిద్దరూ ఎంతో అన్యోన్యంగా ఉండేవారు. దాదాపు 15 ఏళ్ల తమ వైవాహిక జీవితానికి ఫుల్ స్టాప్ పెట్టడం హాట్ టాపిక్ అయింది.

విడిపోయినప్పటికీ.. ఇప్పటికీ స్నేహితుల్లానే కొనసాగుతామని.. తమ కొడుకు ఆజాద్ రావ్ ఖాన్ కి తల్లితండ్రులుగా ఉంటామని తెలిపారు. అయితే ఈ విడాకులకు కారణం.. నటి ఫాతినా సనా ఖాన్ అంటూ అప్పట్లో వార్తలు వినిపించాయి. ఆమిర్ ఖాన్ ఈ నటితో ఎఫైర్ పెట్టుకున్నాడని.. ఇద్దరూ పెళ్లి కూడా చేసుకుంటారని వార్తలు వినిపించాయి. కానీ వీటిపై ఎప్పుడూ ఆమిర్ కానీ.. ఫాతిమా కానీ స్పందించింది లేదు.

బాలీవుడ్ లో తెరకెక్కిన 'దంగల్' సినిమాలో ఆమిర్ ఖాన్, ఫాతిమా కలిసి నటించారు. అందులో ఆమిర్ ఖాన్ కి కూతురిగా నటించింది ఫాతిమా సనా షేక్. బయట వీరిద్దరూ చాలా ఫ్రెండ్లీగా మూవ్ అవ్వడంతో ఇద్దరి మధ్య ఏదో నడుస్తుందంటూ బాలీవుడ్ మీడియాలో వార్తలు ప్రచురించడం మొదలుపెట్టింది.

Aamir Khan: హీరోయిన్ తో ఆమిర్ ఖాన్ సీక్రెట్ మ్యారేజ్.. అసలు నిజమిదే..