Manchu Vishnu: హాలీవుడ్ నటుడు విల్ స్మిత్‌తో మంచు విష్ణు... ఎంటర్టైన్మెంట్ రంగంలో మరో కొత్త అడుగు

Manchu Vishnu New Business: ప్రముఖ నటుడు మంచు విష్ణు తాజాగా తరంగ వెంచర్ అనే కొత్త ప్రాజెక్టును చెప్పబోతున్నట్టుగా వెల్లడించారు. ఇందులో విష్ణుతో పాటు విల్ స్మిత్ కూడా భాగం కాబోతున్నారని సమాచారం.

మంచు విష్ణు

Source : twitter

ప్రముఖ నటుడు మంచు విష్ణు ప్రస్తుతం పాన్ ఇండియా ప్రాజెక్ట్ 'కన్నప్ప'తో బిజీగా ఉన్న సంగతి తెలిసిందే. అయితే ఇప్పుడు ఆయన పాన్ వరల్డ్ రేంజ్ లో బిజినెస్ చేయడానికి సిద్ధమవుతున్నాడు. అది కూడా హాలీవుడ్ యాక్టర్ విల్ స్మిత్ తో కలిసి. మంచి విష్ణు ఇప్పటికే నటుడిగా, నిర్మాతగా, విద్యాసంస్థల నిర్వహకుడిగా రాణిస్తున్నారు. ఇక ఇప్పుడు మరో అడుగు ముందుకు వేసి తరంగా వెంచర్స్ పేరుతో మీడియా, ఎంటర్టైన్మెంట్ టెక్నాలజీ రంగంలో ఎంట్రీ ఇవ్వడానికి సిద్ధంగా ఉన్నారు.

దాదాపు 50 మిలియన్ల డాలర్ల నిధులతో ఏర్పాటు అవుతున్న ఈ సంస్థలో హాలీవుడ్ ప్రముఖ నటుడు విల్ స్మిత్ కూడా భాగస్వామి కావడానికి రెడీగా ఉన్నారంటూ తాజాగా మంచు విష్ణు తెలిపారు. ఈ ప్రాజెక్టుకు సంబంధించిన చర్చలు ప్రస్తుతం చివరి దశలో ఉన్నాయని ఆయన వెల్లడించారు. అంతే కాకుండా త్వరలోనే దీనికి సంబంధించిన గుడ్ న్యూస్ వింటారు అంటూ చెప్పుకోచ్చారు మంచు విష్ణు. ఈ ప్రాజెక్ట్ లో భాగంగా ఓటీటీ ప్లాట్‌ఫామ్‌లు, యానిమేషన్, గేమింగ్, బ్లాక్‌ చెయిన్, ఏఆర్, వీఆర్, ఏఐ వంటి అభివృద్ధి చెందుతున్న సాంకేతికతలలో పెట్టుబడి పెట్టబోతున్నారు. 

తరంగ వెంచర్స్ లో భాగం కాబోతున్న టీం 
1. విష్ణు మంచు - నటుడు, నిర్మాత, వ్యవస్థాపకుడు
2. అద్దిశ్రీ - పెట్టుబడులలో మంచి ఎక్స్పీరియన్స్ ఉన్న ఆర్థిక నిపుణుడు
3. ప్రద్యుమాన్ ఝలా - రియల్ ఎస్టేట్, పెన్షన్ ఫండ్స్‌లో ప్రత్యేకత కలిగిన కెనడియన్ బిజినెస్ మాన్
4. వినయ్ మహేశ్వరి - టాప్ ఇండియన్ కంపెనీలలో పని చేసిన అనుభవజ్ఞుడైన మీడియా నిపుణుడు
5. విల్ స్మిత్ - హాలీవుడ్ లెజెండరీ యాక్టర్. 
6. దేవేష్ చావ్లా, సతీష్ కటారియా - ఇన్వెస్ట్ అండ్ ఫండ్ ఆపరేషన్ వంటి కార్యకలపాలల్లో ఎక్స్పర్ట్స్ 

భారతదేశం, డెలావేర్ రెండింటిలోనూ రిజిస్టర్ చేసిన ఈ వెంచర్ ఎంటర్టైన్మెంట్ రంగంలో స్టార్టప్‌లకు ఆర్థిక సహాయాన్ని అందించడమే కాకుండా, స్ట్రాటజిక్ మెంటార్షిప్ ను కూడా అందిస్తుంది. మొత్తానికి మంచు విష్ణు ఈ వెంచర్ ద్వారా సాంకేతికతో కూడిన ఎంటర్టైన్మెంట్ ను అందించడానికి ముందడుగు వేయడం విశేషం.

కొనసాగుతున్న మంచు వివాదం 
మరోవైపు మంచు మనోజ్, మంచు మోహన్ బాబుల మధ్య జరిగిన వివాదం ఇంకా కొనసాగుతోంది. ఈ గొడవ జరుగుతున్న క్రమంలో మోహన్ బాబు జర్నలిస్ట్ పై దాడి చేయడంతో జర్నలిస్ట్ సంఘాలు భగ్గుమన్నాయి. అలాగే మోహన్ బాబుపై హత్యాయత్నం కేసు నమోదైన సంగతి తెలిసిందే. ఈ కేసులో ముందస్తు బెయిల్ కు అప్లై చేసిన మోహన్ బాబుకు చుక్కెదురైంది. దీంతో ఆయన పరారీలో ఉన్నారు అనే వార్తలు చక్కర్లు కొట్టాయి. ఈ సందర్భంగా మోహన్ బాబు తాను ఎక్కడికీ పారిపోలేదని సోషల్ మీడియాలో ఓ పోస్ట్ చేసి క్లారిటీ ఇచ్చారు. ఈ కేసులో కంప్లయింట్ చేసిన ఎం. రంజిత్ కుమార్ కు నోటీసులు జారీ చేశారని, కౌంటర్ దాఖలు చేయాలని పోలీసులను ఆదేశించిన కోర్టు, కేసును ఈ నెల 19కి వాయిదా వేసిందని సమాచారం. ఈ కేసులో ఇప్పటికే మోహన్ బాబు క్షమాపణలు చెప్పిన సంగతి తెలిసిందే.