Kajal Aggarwal: చందమామ తల్లి కాబోతోందా? అందుకే కొత్త సినిమాలు ఒప్పుకోవడం లేదా?

టాలీవుడ్ టాప్ బ్యూటీ కాజల్ అగర్వాల్ తన లాంగ్ టైమ్ బాయ్ ఫ్రెండ్ గౌతమ్ ను పెళ్లాడి అక్టోబర్ వస్తే ఏడాది పూర్తవుతుంది. ఇప్పటికే కాజల్ ప్రెగ్నెంట్ అంటూ రూమర్లు మొదలయ్యాయి.

కాజల్ అగర్వాల్

కాజల్ అగర్వాల్ పెళ్లయ్యాక కూడా సినిమాలకు బ్రేక్ ఇవ్వకుండా చేస్తూనే ఉంది. ప్రస్తుతం చిరంజీవి సినిమా ‘ఆచార్య’, నాగార్జున సినిమా ‘ఘోస్ట్’లో నటిస్తోంది. ఈ సినిమాల షూటింగ్ త్వరగా పూర్తి చేయాలని భావిస్తోందట కాజల్. ఆ తరువాత ఏ సినిమా ఒప్పుకోవడానికి సిద్ధంగా లేదట అందాల చందమామ. దానికి కారణం ఆమె ప్రెగ్నెన్సీ అని రూమర్లు వస్తున్నాయి. ఇప్పటికే నెటిజన్లు ఈ విషయంపై ప్రశ్నలు సంధిస్తూనే ఉన్నారు. సోషల్ మీడియాలో కూడా ఈ రూమర్లు చక్కర్లు కొడుతున్నా కాజల్ నోరు విప్పడం లేదు. నిజానికి ఆమె సోషల్ మీడియాలో చాలా యాక్టివ్ గా ఉంటుంది. ఈ రూమర్లను చూస్తూ కూడా కాజల్ స్పందించడం లేదు. దీంతో ఆ వార్తలు నిజమేనా అని అనుమానిస్తున్నారు కాజల్ అభిమానులు. 

గతంలో పెళ్లి అయిన తరువాత కొంతమంది ఆమె అభిమానులు ‘మీరు ఎప్పుడు తల్లి కావాలనుకుంటున్నారు?’ అని ప్రశ్నించారు. దానికి కాజల్ తన వ్యక్తిగత వ్యవహారాలను బయటపెట్టుకోవడం ఇష్టం లేదని చెప్పింది. పెళ్లి అయ్యాక కాజల్ తో పాటూ భర్త గౌతమ్ కూడా కొన్ని షూటింగులకు తోడుగా వచ్చాడు. తన భర్త ఎప్పుడు సినిమాలు ఆపమంటే అప్పుడు ఆపేస్తానని చెప్పింది కాజల్. వీరిద్దరి తొలి మ్యారేజ్ యానివర్సిరీ అక్టోబర్ 20న జరగనుంది. 

‘లక్ష్మీ కళ్యాణం’ సినిమాతో తెలుగు సినిమాల్లోకి ఎంట్రీ ఇచ్చింది కాజల్. ఆ సినిమా పెద్దగా ఆడకపోయినా... కాజల్ అందానికి, నటనకు నమంచి మార్కులే పడ్డాయి. ఆ తరువాత ఆమె చేసినా ‘చందమామ’ సినిమా సూపర్ హిట్ కొట్టింది. దీంతో ఆమెకు సినిమా అవకాశాలు వరుసకట్టాయి. ఇండస్ట్రీలో ఉన్న పెద్ద హీరోలందరితోనూ జతకట్టి టాప్ హీరోయిన్ గా మారింది. మగధీర, డార్లింగ్, బాద్షా, గోవిందుడు అందరి వాడేలే.. లాంటి చాలా హిట్ మూవీల్లో నటించింది. పదేళ్ల క్రితం పరిచయమై స్నేహితుడిగా ఆపై ప్రేమికుడిగా మారిన గౌతమ్ ను పెద్దల సమక్షంలో పెళ్లి చేసుకుంది. మాల్టీవులకు హనీమూన్ కు కూడా వెళ్లారు.