RRV on July 1st: ఓ నెల వెనక్కి వెళ్ళిన మెగా మేనల్లుడి సినిమా, న్యూ రిలీజ్ డేట్ ఇదిగో

Panja Vaisshnav Tej, Kethika Sharma starrer Ranga Ranga Vaibhavanga movie release postponed to July: మెగా మేనల్లుడు పంజా వైష్ణవ్ తేజ్ హీరోగా నటించిన 'రంగ రంగ వైభవంగా' ఒక నెల వెనక్కి వెళ్ళింది.

వైష్ణవ్ తేజ్, కేతికా శర్మ

కరోనా కారణంగా సినిమాలు అనుకున్న సమయానికి విడుదల అయ్యే పరిస్థితులు లేవు. సినిమా సిద్ధంగా ఉన్నప్పటికీ... పరిస్థితుల వల్ల వాయిదా పడుతున్నాయి. బహుశా... 'రంగ రంగ వైభవంగా' సినిమా వాయిదా పడటానికి కూడా ఆ పరిస్థితులే కారణం కావచ్చు. బ్లాక్ బస్టర్ 'ఉప్పెన', ఫీల్ గుడ్ ఫిల్మ్ 'కొండపొలం' తర్వాత మెగా మేనల్లుడు పంజా వైష్ణవ్ తేజ్ (Panja Vaisshnav Tej) నటించిన చిత్రమిది. తొలుత మే 27న విడుదల చేయాలని అనుకున్నారు. అయితే... సినిమా విడుదల వాయిదా పడింది. ఇప్పుడు జూలై 1న (Ranga Ranga Vaibhavanga Movie New Release Date) థియేటర్లలో విడుదల చేయనున్నట్టు ప్రకటించారు.

శ్రీ వెంకటేశ్వర సినీ చిత్ర పతాకంపై ప్రముఖ నిర్మాత బి.వి.ఎస్.ఎన్ ప్రసాద్ 'రంగ రంగ వైభవం'గా సినిమాను నిర్మిస్తున్నారు. ఇందులో కేతికా శర్మ కథానాయిక. గిరీశయ్య దర్శకత్వం వహిస్తున్నారు. ఆల్రెడీ విడుదలైన ఫస్ట్ లుక్స్, టీజర్, 'తెలుసా తెలుసా' పాట ప్రేక్షకులను ఆకట్టుకున్నాయి. ఈ సినిమాలో వైష్ణవ్ తేజ్, కేతికా శర్మ... ఇద్దరూ డాక్టర్లుగా కనిపించనున్నారు. ఈ చిత్రానికి దేవిశ్రీ ప్రసాద్ సంగీతం అందిస్తున్నారు.

 

 

 

 

 

Δείτε αυτή τη δημοσίευση στο Instagram.

 

 

 

 

 

 

 

 

 

 

 

Η δημοσίευση κοινοποιήθηκε από το χρήστη SVCC (@svccofficial)