Ranbir Kapoor : క్రిస్మస్ వేడుకల్లో ‘జై మాతాజీ’ అంటూ విష్ చేసిన రణబీర్, వీడియో వైరల్

Ranbir Kapoor : రణ్ బీర్ కపూర్ క్రిస్మస్ సెలబ్రేషన్స్ వీడియో నెట్టింట వైరల్ గా మారింది. కేక్ కోస్తూ జైమతాది అని నినాదించడం వైరల్ అవుతోంది.

రణ్ బీర్ కపూర్(Photo Credit: Ranbir Kapoor/Instagram)

Bollywood Actor Ranbir Kapoor Christmas Celebrations : ప్రపంచ వ్యాప్తంగా నిన్న (డిసెంబర్ 25) క్రిస్మస్ సెలబ్రేషన్స్ గ్రాండ్‏గా జరిగాయి. చిన్నారుల నుంచి పెద్దవాళ్ల వరకు ఈ పండగ సంబరాల్లో మునిగి తేలారు. ఇండియాలోనూ క్రిస్మస్ సెలబ్రేషన్స్ పెద్ద ఎత్తున జరిగాయి. ఈ క్రిస్మస్ సెలెబ్రేషన్స్ లో సినీతారల సందడి గురించి చెప్పక్కర్లేదు. చాలామంది స్టార్స్ ఫ్యామిలీతో క్రిస్మస్ పండగ జరుపుకుని.. అందుకు సంబంధించిన ఫోటోలను సోషల్ మీడియాలో షేర్ చేస్తూ.. అభిమానులకు పండగ శుభాకాంక్షలు తెలిపారు. సోమవారం నెట్టింట క్రిస్మస్ పండగ సందర్భంగా తారల సంబరాల ఫోటోలు, వీడియోలు తెగ వైరలయ్యాయి.

ఈ క్రమంలోనే బాలీవుడ్ స్టార్ రణబీర్ కపూర్ కు సంబంధించిన క్రిస్మస్ సెలబ్రేషన్ వీడియో ఒకటి నెట్టింట హాట్ టాపిక్ గా మారింది. ఈ వీడియోలో రణ్ బీర్ కపూర్ ఆల్కహాల్ కలిపిన క్రిస్మస్ కేక్ కు నిప్పు అంటించి మంట రాగానే జై మాతాజీ అనే నినాదం చేశాడు. దీంతో ఈ వీడియో కాస్త సోషల్ మీడియాలో వైరల్ గా మారుతుంది. క్రిస్మస్ సెలబ్రేషన్స్ లో కేక్ పై ఆల్కహాల్ పోయడం, దాన్ని అంటించిన రణ్ బీర్ జై మాతాజీ అని అనడంతో ఈ వీడియో చూసిన నెటిజన్స్ రణ్ బీర్ ఏం చేసినా స్పెషల్ గానే ఉంటుందంటూ కామెంట్స్ చేస్తున్నారు. కాగా రణ్ బీర్ కపూర్ తన ఫ్యామిలీ మెంబర్స్ తో కలిసి క్రిస్మస్ సెలెబ్రేషన్స్ చేసుకున్నారు. ముంబైలోని జుహులో కపూర్ కుటుంబం లంచ్ పార్టీ జరిగింది.

ఇందుకు సంబంధించిన ఫోటోలు ఇప్పటికే నెట్టింట ఫాన్స్ ని ఆకట్టుకుంటున్నాయి. ఇదిలా ఉంటే ఇదే క్రిస్మస్ ఫెస్టివల్ సందర్భంగా రణ్ బీర్, ఆలియా దంపతులు తమ కూతురు రాహాను తొలిసారి ప్రపంచానికి చూపించారు. రాహా పింక్, వైట్ డ్రెస్ వేసుకోగా.. ఆమెను రణ్‍బీర్, ఆలియా ఎత్తుకొని ఫొటోలకు పోజులు ఇచ్చారు. క్రిస్మస్ థీమ్ ఉన్న డ్రెస్‍ను ఆలియా ధరించారు. క్రిస్మస్ హెడ్ బ్యాండ్‍ను కూడా పెట్టుకున్నారు. బ్లాక్ ఔట్‍ఫిట్‍లో రణ్‍బీర్ కపూర్ స్టైలిష్‍గా కనిపించారు. రణ్‍బీర్, ఆలియా దంపతుల కూతురు రాహా ఫొటోలు సోషల్ మీడియాలో వైరల్ అవుతున్నాయి. ఈఫోటోలు చూసిన ఫ్యాన్స్, నెటిజన్స్ రాహా చాలా క్యూట్‍‍గా ఉందని కామెంట్లు చేస్తున్నారు.

ఇక రణ్ బీర్ సినిమాల విషయానికి వస్తే.. సందీప్ రెడ్డి వంగా దర్శకత్వంలో రణ్ బీర్ నటించిన 'యానిమల్' మూవీ  బ్లాక్ బస్టర్ హిట్ అయ్యింది సినిమా విడుదలై మూడు వారాలు అవుతున్నా ఇప్పటికీ థియేటర్స్ లో డీసెంట్ కలెక్షన్స్ అందుకుంటుంది. ఇప్పటివరకు వరల్డ్ వైడ్ గా రూ.860 కోట్లకు పైగా కలెక్షన్స్ అందుకని రూ.1000 కోట్ల దిశగా పరుగులు పెడుతోంది. రష్మిక మందన హీరోయిన్‌గా నటించిన ఈ చిత్రంలో బాలీవుడ్ సీనియర్ యాక్టర్స్ అనిల్ కపూర్, బాబీ డియోల్ కీలక పాత్రలు పోషించారు.