Rana: ఆ హీరోయిన్‌పై ‘సీరియస్’ కామెంట్స్ - క్షమాపణలు చెప్పిన రానా

తాజాగా జరిగిన ఒక ఈవెంట్‌లో రానా చేసిన వ్యాఖ్యలు తనను ఇలాగే చిక్కుల్లో పడేశాయి. అందుకే ఈవెంట్ అయ్యి 24 గంటలు అవ్వకముందే అసలు తను మాట్లాడిన మాటలకు అర్థం ఏంటో క్లారిటీ ఇవ్వడానికి ముందుకొచ్చాడు.

Image Credit: Rana Daggubati/Instagram

తాజాగా జరిగిన ఒక ఈవెంట్‌లో రానా చేసిన వ్యాఖ్యలు చిక్కుల్లో పడేశాయి. ఈవెంట్ అయ్యి 24 గంటలు అవ్వకముందే అసలు తను మాట్లాడిన మాటలకు అర్థం అది కాదంటూ సోషల్ మీడియాలో క్లారిటీ ఇవ్వడానికి ముందుకొచ్చాడు.

‘జోయా ఫ్యాక్టర్’ సినిమా గురించే..
ఇటీవల దగ్గుబాటి అబ్బాయి రానా.. దుల్కర్ సల్మాన్ నటించిన ‘కింగ్ ఆఫ్ కోట’ ఈవెంట్‌కు గెస్ట్‌గా హాజరయ్యాడు. ఆ ఈవెంట్‌లో దుల్కర్ ఎలాంటివాడో చెప్తూ.. ఒక బాలీవుడ్ సినిమా చేస్తున్నప్పుడు షూటింగ్ సెట్స్‌లో ఓ హిందీ హీరోయిన్ ఫోన్ పట్టుకొని దుల్కర్ టైమ్ వేస్ట్ చేస్తూ కనిపించిందని, అప్పుడు తనకు కోపం వచ్చి నిర్మాతలపై సీరియస్ అయ్యానని చెప్పుకొచ్చాడు. ఇప్పటికీ దుల్కర్ కేవలం మూడే స్ట్రెయిట్ హిందీ సినిమాల్లో నటించాడు. అందులో పెద్ద హీరోయిన్ ఉన్న సినిమా అంటే ‘జోయా ఫ్యాక్టర్’ మాత్రమే. ఈ మూవీలో దుల్కర్.. సోనమ్ కపూర్‌తో జతకట్టాడు. దీంతో ప్రేక్షకులు అంతా రానా మాట్లాడింది సోనమ్ కపూర్ గురించే అని ఫిక్స్ అయిపోయారు. అంతే కాకుండా సోనమ్ గురించి కొందరు నెటిజన్లు కామెంట్స్ కూడా పాస్ చేయడం మొదలుపెట్టారు. దీంతో రానా రంగంలోకి దిగక తప్పలేదు.

క్షమాపణలు చెప్తూ ట్వీట్..
‘నా కామెంట్స్ వల్ల సోనమ్‌పై నెగిటివిటీ ఏర్పడడం వల్ల నాకు చాలా బాధగా ఉంది. అసలు తనపై వస్తున్న నెగిటివిటీలో ఏ మాత్రం నిజం లేదు. నేను మాట్లాడిన మాటలు ఏవీ సీరియస్‌గా కాదు, చాలా సరదాగా అన్నాను. మేము మంచి స్నేహితులుగా ఎప్పుడూ సరదాగా ఉంటాం. అలాంటిది నా మాటలు ఇలా తప్పుగా అర్థం చేసుకోవడం వల్ల ఇదంతా జరిగింది. అందుకే ఈ సందర్భంగా నేను సోనమ్‌కు, దుల్కర్‌కు సారీ చెప్పాలనుకుంటున్నాను. నేను ఇలా చెప్పడం వల్ల ఈ మనస్ఫర్థలకు ఒక ముగింపు వస్తుందని అనుకుంటున్నాను. థాంక్యూ’ అంటూ రానా ట్వీట్ చేశాడు. 

I am genuinely troubled by the negativity that has been aimed at Sonam due to my comments, that are totally untrue and were meant entirely in a light-hearted manner. As friends, we often exchange playful banter, and I deeply regret that my words have been misinterpreted.
I take…

— Rana Daggubati (@RanaDaggubati) August 15, 2023

రానా తప్పు లేదంటున్న ఫ్యాన్స్..
రానా.. తెలుగు హీరో అయినా కూడా బాలీవుడ్‌లో ఎన్నో చిత్రాల్లో హీరోగా నటించాడు. పైగా సౌత్ తారలతో తనకు ఎలాంటి స్నేహం ఉంటుందో.. బాలీవుడ్‌లో కూడా అలా తనకు చాలామంది బెస్ట్ ఫ్రెండ్స్ ఉన్నారు. అందుకే సోనమ్‌తో తనకు ఉన్న చనువుతోనే ‘కింగ్ ఆఫ్ కోథా’ ఈవెంట్‌లో అలా మాట్లాడాను అంటూ రానా ఇప్పటికే క్లారిటీ ఇచ్చేశాడు. దీంతో సోనమ్‌పై వస్తున్న నెగిటివిటీ కొంతవరకు ఆగిపోయింది. మామూలుగా సినీ సెలబ్రిటీలు ఒకరి పేరు చెప్పకుండా వారిపై కామెంట్స్ చేసినా కూడా వారు ఎవరు అనేది ప్రేక్షకులు కనుక్కోవడం పెద్ద కష్టమైన విషయం కాదు. అందుకే రానా కామెంట్స్ చేసింది సోనమ్‌పైనే అని తెలుసుకోవడానికి కూడా పెద్దగా సమయం పట్టలేదు. మొత్తానికి ఇందులో రానా తప్పు కూడా ఏమీ లేదని, అనవసరంగా తన మాటలను తప్పుగా అర్థం చేసుకున్నారని ఫ్యాన్స్ అంటున్నారు.

Join Us on Telegram: https://t.me/abpdesamofficial