Naga Vamsi : మాకు క్లాసులు పీకావ్... ప్రొడ్యూసర్ కష్టాలు తెలిశాయా! - సుప్రియపై నాగవంశీ, మైత్రీ రవి ఫన్ ర్యాగింగ్

Supriya Yarlagadda : డెకాయిట్ ప్రీ రిలీజ్ ఈవెంట్‌లో ప్రొడ్యూసర్ సుప్రియను సితార అధినేత నాగవంశీ ఫన్ ర్యాగింగ్ చేశారు. ప్రొడ్యూసర్స్ కష్టాలు బాగా తెలిశాయంటూ సరదాగా ఆట పట్టించారు.

సుప్రియపై నాగవంశీ మాస్ ర్యాగింగ్

Source : https://www.youtube.com/watch?v=ETROJcAcTDo

Naga Vamsi Fun Teases Producer Supriya Yarlagadda : యంగ్ హీరో అడివి శేష్, మృణాల్ ఠాకూర్ జంటగా నటించిన లేటెస్ట్ రొమాంటిక్ ఎంటర్టైనర్ డెకాయిట్ ఈ నెల 10న ప్రేక్షకుల ముందుకు రానుంది. ప్రమోషన్లలో భాగంగా హైదరాబాద్‌లో నిర్వహించిన ప్రీ రిలీజ్ ఈవెంట్‌ ఘనంగా నిర్వహించారు. ఈ వేడుకకు మూవీ టీంతో పాటు టాలీవుడ్ టాప్ ప్రొడ్యూసర్స్ ముఖ్య అతిథులుగా హాజరయ్యారు.

స్టేజ్‌పై ఏకంగా ఆరుగురు స్టార్ ప్రొడ్యూసర్స్ సందడి చేశారు. సితార ఎంటర్టైన్మెంట్స్ అధినేత నాగవంశీ, మైత్రీ మూవీ మేకర్స్ ప్రొడ్యూసర్ రవి, స్వప్న దత్, అభిషేక్ అగర్వాల్ వంటి దిగ్గజాలు డెకాయిట్ ప్రొడ్యూసర్ సుప్రియ యార్లగడ్డను సరదాగా ఆటపట్టించారు.

'మాకు క్లాస్ పీకేవారు'

సినిమా ఎక్కువ రోజులు తీస్తున్నామని సుప్రియ ఎప్పుడూ తమకు క్లాస్ పీకేవారని... ఇప్పుడు రెండేళ్లు కష్టపడి డెకాయిట్ కంప్లీట్ చేశారని సరదాగా కామెంట్ చేశారు నిర్మాత నాగవంశీ. 'సినిమాలు ఇంత ఖర్చు పెట్టి ఇన్ని రోజులు తీస్తున్నారని సుప్రియ అనేవారు. ఇప్పుడు ఆమె రెండేళ్లు సినిమా తీసి ఎన్ని కష్టాలు పడ్డారో చూద్దామని అందరం వచ్చాం. బ్యాక్ బెంచ్ స్టూడెంట్స్‌లా ఆమెను కామెంట్ చేస్తూ ఎంజాయ్ చేస్తున్నాం. డెకాయిట్ మూవీ కోసం 147 డేస్ వర్క్ చేశారు.

ఇకపై మమ్మల్ని తిట్టే హక్కు లేదని ఆమెను ఆట పట్టించడానికే వచ్చాం. ప్రొడ్యూసర్ కష్టాలేంటో శేష్ గారు చూపించినందుకు నేను థాంక్స్ చెబుతున్నా. హీరోల్ని నెత్తిన ఎక్కించుకుంటున్నారని మాకు క్లాస్ పీకేవారు. మీరు రెండేళ్లు ఆవిడను హింస పెట్టి ప్రొడ్యూసర్ కష్టాలేంటో చూపించారు. ఫస్ట్ టైం బయట హీరోతో సినిమా తీస్తే ఎలా ఉంటుందో ఎక్స్‌పీరియన్స్ చేశారు. ఇంతకు ముందు కేవలం తన ఫ్యామిలీ హీరోలతోనే మూవీస్ తీసిన సుప్రియకు ఈ ఎక్స్‌పీరియన్స్ చాలా ఉపయోగపడుతుంది. డెకాయిట్ సినిమా హిట్ కావాలని కోరుకుంటున్నా. మరింత మంది స్టార్ హీరోలతో సినిమాలు చేసి మాలాగే సుప్రియ కష్టపడాలి.' అంటూ సరదాగా కామెంట్స్ చేశారు. ఈ కామెంట్స్‌కు నిర్మాత సురేష్ బాబు పగలబడి నవ్వారు.

ప్రొడ్యూసర్ కష్టాలు ప్రాక్టికల్‌గా అర్థం చేసుకున్నందుకు చాలా థాంక్స్ అంటూ మైత్రీ రవి అన్నారు. 'ఓ క్వాలిటీ సినిమా కోసం అడివి శేష్ ఎక్కడా కాంప్రమైజ్ కారు అనేది జగమెరిగిన సత్యం. ఈ మూవీలో మృణాల్ పెర్ఫార్మెన్స్ గురించి ప్రత్యేకంగా చెప్పాల్సిన పని లేదు. ఇలాంటి క్వాలిటీ సినిమా తీయాలంటే కచ్చితంగా అన్ని రోజులు టైం పడుతుంది. మా ప్రొడ్యూసర్స్ మీటింగ్స్‌లో అన్ని రోజులు ఎందుకు అనే వారు. ఇప్పుడు మా బాధలు  మీకు అర్థమయ్యాయి. మీరు కూడా మా జానర్‌లోకి వచ్చేశారు. ఇక్కడితో ఆగకుండా మరిన్ని సక్సెస్‌లు సాధించాలి.' అని చెప్పారు.

సినిమాకు షానిల్ డియో దర్శకత్వం వహించగా... అడివి శేష్, మృణాల్‌లతో పాటు ప్రకాష్ రాజ్, జైన్ మేరీ ఖాన్, కామాక్షి భాస్కర్ల, సునీల్, అనురాగ్ కశ్యప్, అతుల్ కులకర్ణి తదితరులు కీలకపాత్రలు పోషించారు. అన్నపూర్ణ స్టూడియోస్ సమర్పణలో ఎస్ఎస్ క్రియేషన్స్, సునీల్ నారంగ్ ప్రొడక్షన్ సంస్థలపై కింగ్ నాగార్జున మేనకోడలు సుప్రియ యార్లగడ్డ నిర్మించారు.

మరిన్ని చదవండి

అల్లు అర్జున్, అట్లీ మూవీ టైటిల్ అదేనా? - ఇంట్రెస్టింగ్ ఫ్యాక్ట్ ఏంటో తెలుసా!