AA22xA6 Title : అల్లు అర్జున్, అట్లీ మూవీ టైటిల్ అదేనా? - ఇంట్రెస్టింగ్ ఫ్యాక్ట్ ఏంటో తెలుసా!
Allu Arjun Birthday : అల్లు అర్జున్, అట్లీ మూవీ టైటిల్ కోసం యావత్ సినీ ప్రపంచం ఎంతో ఆసక్తిగా ఎదురు చూస్తోంది. అప్పుడే సోషల్ మీడియాలో కొన్ని టైటిల్స్ ప్రచారంలోకి వచ్చాయి. అవేంటో చూస్తే...
Allu Arjun Atlee Movie AA22xA6 Title : యావత్ సినీ ప్రపంచం ఎంతో ఆసక్తిగా ఎదురు చూస్తోన్న అప్డేట్ మరికొద్ది గంటల్లో రానుంది. ఐకాన్ స్టార్ అల్లు అర్జున్ బర్త్ డే సందర్భంగా... స్టార్ డైరెక్టర్ అట్లీ కాంబోలో రాబోతోన్న పాన్ వరల్డ్ రేంజ్ సైన్స్ ఫిక్షన్ మూవీ 'AA22xA6' ప్రాజెక్ట్ టైటిల్ రివీల్ కానుంది.
ఇప్పటివరకూ ఈ మూవీ నుంచి అనౌన్స్మెంట్ వీడియో తప్ప ఎలాంటి అప్డేట్ రాలేదు. అటు, సినీ వర్గాల నుంచి ఇటు సోషల్ మీడియాలో కానీ రూమర్స్ తప్ప ఎలాంటి అధికారిక ప్రకటన కూడా చేయలేదు. పాన్ వరల్డ్ స్థాయిలో తెరకెక్కుతోన్న ఈ సినిమా టైటిల్ ఏమై ఉంటుందా? అని అందరిలోనూ ఆసక్తి నెలకొంది.
ఒక్క పోస్టర్తోనే...
ఈ మూవీ టైటిల్ అనౌన్స్ చేయబోతున్నామంటూ షేర్ చేసిన ఒక్క పోస్టర్ సినిమా ఏ లెవల్లో ఉండబోతుందో చెప్పకనే చెప్పింది. తోడేలు వంటి జంతువు చేతికి బలమైన గోళ్లతో పైకి వచ్చినట్లు ఉన్న ఆ పోస్టర్ భారీ హైప్ క్రియేట్ చేస్తోంది. ఇక, టైటిల్తో పాటు ఫస్ట్ లుక్ కూడా రివీల్ చేస్తే బాగుంటుందని బన్నీ ఫ్యాన్స్ ట్వీట్స్ చేస్తున్నారు.
టైటిల్ అదేనా?
సాధారణంగా ఇలాంటి భారీ బడ్జెట్ సినిమాల షూటింగ్ టైంలో ఏదో ఒక అప్డేట్ లీక్ అయ్యే ఛాన్స్ ఉంది. కానీ, ఈ మూవీ విషయానికి వచ్చే సరికి కనీసం ఒక్క లుక్ కాదు కదా... టైటిల్ ఏంటి అనేది కూడా లీక్ కాకుండా మేకర్స్ జాగ్రత్తలు తీసుకున్నారు. అయితే, సోషల్ మీడియాలో 'AA22xA6' ప్రాజెక్ట్ టైటిల్ ఇదేనంటూ కొన్ని పేర్లు వైరల్ అవుతున్నాయి.
ఈ మూవీకి 'ఐకాన్' అనే టైటిల్ ఫిక్స్ చేస్తారని అప్పట్లో ప్రచారం సాగింది. అలాగే, ఆ తర్వాత వైల్డ్ ఫైర్, లెగసీ, అయాన్, స్పార్క్ అనే పేర్లు కూడా ప్రచారంలోకి వచ్చాయి. కానీ, అధికారిక టైటిల్ మాత్రం మరికొద్ది సేపట్లోనే తెలియనుంది. మరో ఇంట్రెస్టిగ్ విషయం ఏంటంటే... సినిమా టైటిల్ ఏంటి అనే దానిపై అట్లీ, బన్నీకి తప్ప వేరెవరికీ తెలియదట. ఆడియన్స్ అందరితో పాటే మూవీ టీం కూడా అనౌన్స్ చేసే వరకూ వెయిట్ చేయాల్సిందే.
Also Read : ఎవరీ ప్రియాంక? తమిళ తెరపైకి వారసురాలు... పవన్తో సినిమా చేసిన హీరోయిన్ కుమార్తె
సమాంతర ప్రపంచం, పునర్జన్మల కాన్సెప్ట్ ఆధారంగా తెరకెక్కుతోన్న ఈ మూవీలో బన్నీ మూడు డిఫరెంట్ రోల్స్లో నటించనున్నట్లు తెలుస్తోంది. బాలీవుడ్ హీరోయిన్ దీపికా పదుకోన్ కీలక పాత్ర పోషిస్తున్నారు. ఆమె నటన అందరినీ కట్టి పడేస్తుందని రీసెంట్ ఇంటర్వ్యూలో అట్లీ తెలిపారు. నేషనల్ క్రష్ రష్మిక నెగిటివ్ రోల్లో నటించనున్నట్లు టాక్.
అలాగే, మృణాల్ ఠాకూర్, జాన్వీ కపూర్ సైతం ఉన్నట్లు తెలుస్తోంది. ఇప్పటికే పలు షెడ్యూల్స్ కంప్లీట్ చేసుకుంది. సన్ పిక్చర్స్ బ్యానర్పై కళానిధి మారన్ భారీ బడ్జెట్తో మూవీని నిర్మిస్తున్నారు. వచ్చే ఏడాది ఈ సినిమా ప్రేక్షకుల ముందుకు రానుంది.
టాప్ హెడ్ లైన్స్
ట్రెండింగ్ వార్తలు
