Peddi Collections Day 15: రెండో వారం తర్వాత రోజుకు రెండు కోట్లు... రామ్ చరణ్ 'పెద్ది' 15 రోజుల్లో ఎంత కలెక్ట్ చేసిందంటే?

Peddi Box Office Collection Day 15: రామ్ చరణ్ 'పెద్ది'కి రెండు వారాల తర్వాత బాక్సాఫీస్ బరిలో పరిస్థితి ఎలా ఉంది? 15వ రోజు సినిమా ఎన్ని కోట్లు కలెక్ట్ చేసింది? అనేది తెలుసుకోండి.

రామ్ చరణ్ 'పెద్ది' 15 రోజుల కలెక్షన్లు... బ్రేక్ ఈవెన్ కోసం కొత్త ప్లాన్!

Source : https://www.instagram.com/peddimovie/

Show Quick Read

Key points generated by AI, verified by newsroom

• 'పెద్ది' సినిమా 15 రోజుల్లో ప్రపంచవ్యాప్తంగా ₹322.65 కోట్లు వసూలు చేసింది.
• 15వ రోజు ₹2 కోట్ల నెట్; ఇండియాలో ₹228 కోట్లు చేరుకుంది.
• తెలుగులో పెద్ద హిట్‌గా నిలిచినా, బ్రేక్ ఈవెన్ ₹500 కోట్లు.
• ప్రేక్షకులను ఆకర్షించడానికి ఐదు నిమిషాల కొత్త సన్నివేశాలు చేర్చారు.

Ram Charan Peddi 15 Days Collections: రామ్ చరణ్ హీరోగా బుచ్చిబాబు సానా దర్శకత్వం వహించిన స్పోర్ట్స్ యాక్షన్ డ్రామా 'పెద్ది' థియేటర్లలో విడుదలై 14 రోజులు దాటింది. మిక్స్డ్ రివ్యూలు వచ్చినప్పటికీ... విజయవంతంగా రెండు వారాలు పూర్తి చేసుకుని మూడో వారంలో అడుగు పెట్టింది. బాక్సాఫీస్ బరిలో తన ప్రయాణాన్ని ఇంకా కొనసాగిస్తోంది. థియేటర్లలో విడుదలైన 15వ రోజు సినిమా ఎంత కలెక్ట్ చేసింది? మూడో గురువారం వసూళ్లు ఎలా ఉన్నాయి? అనేది చూస్తే...

రెండు వారాల తర్వాత రోజుకు రెండు కోట్లు!
Peddi 15th Day Collection: రెండు వారాల తర్వాత కూడా రోజుకు రెండు కోట్లు కలెక్ట్ చేస్తోంది రామ్ చరణ్ 'పెద్ది'. గురువారం కూడా సినిమా వసూళ్లు బావున్నాయి. ముందు రోజుతో కంపేర్ చేస్తే... కొంచెం తగ్గినప్పటికీ మూడో వారంలో రెండు కోట్లు రావడం గొప్ప అని చెప్పాలి. 15వ రోజు కలెక్షన్స్ వివరాల్లోకి వెళితే...

• ఇండియాలో 15వ రోజున 'పెద్ది' సినిమా నెట్ కలెక్షన్లు రూ. 2 కోట్లు. అంతకు ముందు రోజు కలెక్షన్లతో (2.45 కోట్ల)తో పోలిస్తే... 18.4 శాతం తగ్గాయి.
• ఇప్పటి వరకు ఇండియాలో రామ్ చరణ్ 'పెద్ది' టోటల్ నెట్ కలెక్షన్లు (15 రోజుల్లో) రూ. 228 కోట్లు. గ్రాస్ విషయానికి వస్తే... రూ. 270.05 కోట్లు.
• ఓవర్సీస్ మార్కెట్టులోనూ 'పెద్ది' ఇంకా కలెక్షన్లు రాబడుతోంది. 15వ రోజు 15 లక్షల గ్రాస్ రాబట్టింది. దాంతో ఇప్పటి వరకు కలెక్ట్ చేసిన ఓవర్సీస్ గ్రాస్ రూ. 52.60 కోట్లకు చేరుకుంది.
• ప్రపంచవ్యాప్తంగా కలెక్షన్స్ చూస్తే... 15 రోజుల్లో రూ. 322.65 కోట్ల గ్రాస్ కలెక్ట్ చేసిందీ సినిమా.

రెండో వారంలోనూ తెలుగులో తగ్గని జోరు
Ram Charan Peddi 15th Day Telugu Version Net Collection: రామ్ చరణ్ 'పెద్ది'కి విడుదలైనప్పటి నుంచి తెలుగు రాష్ట్రాల్లో భారీ కలెక్షన్లు వచ్చాయి. రెండో వారంలోనూ తెలుగులో జోరు తగ్గలేదు. 'పెద్ది' తెలుగు వెర్షన్ 15వ రోజు రూ. 1.63 కోట్ల నెట్ కలెక్ట్ చేయగా... హిందీలో 30 లక్షలు, కన్నడలో 5 లక్షలు, తమిళంలో 2 లక్షలు వసూలు చేసింది.

ఈ ఏడాది భారీ వసూళ్లు సాధించిన సూర్య 'కరుప్పు', మెగాస్టార్ చిరంజీవి 'మన శంకర వరప్రసాద్ గారు' కలెక్షన్లను బీట్ చేసి బిగ్గెస్ట్ టాలీవుడ్ గ్రాసర్‌గా నిలిచింది 'పెద్ది'. అయితే... 500 కోట్ల రూపాయలు కలెక్ట్ చేస్తే గానీ బ్రేక్ ఈవెన్ కాదని ట్రేడ్ వర్గాల టాక్. ప్రేక్షకులను థియేటర్లకు రప్పించేందుకు సుమారు ఐదు నిమిషాల నిడివి గల కొత్త సన్నివేశాలను యాడ్ చేశారు. మరి రీ ఎడిటెడ్ వెర్షన్ ప్రేక్షకులను ఏమేరకు థియేటర్లకు రప్పిస్తుందో చూడాలి.