Nithiin New Movie: పూజతో మొదలైన నితిన్ కొత్త సినిమా... మే రెండో వారంలో షూటింగ్ షురూ

Nithiin Ritika Nayak Movie: నితిన్ కథానాయకుడిగా సితార ఎంటర్‌టైన్‌మెంట్స్ సంస్థలో రూపొందుతున్న కొత్త సినిమా పూజా కార్యక్రమాలతో ఘనంగా ప్రారంభం అయ్యింది. ఇందులో రితికా నాయక్ హీరోయిన్.

నితిన్ - సితార ఎంటర్‌టైన్‌మెంట్స్ కలయికలో కొత్త సినిమా పూజా కార్యక్రమంతో ఘనంగా ప్రారంభం

Source : https://www.instagram.com/p/DX_aU7ZgcOB/?img_index=1

సితార ఎంటర్‌టైన్‌మెంట్స్‌ సంస్థది సూపర్ సక్సెస్ ఫుల్ జర్నీ. గాడ్ ఆఫ్ మాసెస్ నందమూరి బాలకృష్ణ 'డాకు మహారాజ్', పవర్ స్టార్ పవన్ కళ్యాణ్ 'భీమ్లా నాయక్', నాని 'జెర్సీ', దుల్కర్ సల్మాన్ 'లక్కీ భాస్కర్', ధనుష్ 'సార్', సిద్ధూ జొన్నలగడ్డ 'డీజే టిల్లు', 'టిల్లు స్క్వేర్', ఇంకా 'మ్యాడ్' ఫ్రాంచైజీ వంటి హిట్ సినిమాలు ప్రేక్షకులకు అందించింది. ఇప్పుడీ సంస్థలో మరో కొత్త సినిమా మొదలైంది. 

నితిన్ హీరోగా సితార సంస్థలో!
నితిన్ హీరోగా సితార ఎంటర్‌టైన్‌మెంట్స్ సంస్థ అధినేత సూర్యదేవర నాగవంశీ ఓ కొత్త సినిమా నిర్మిస్తున్నారు. వీళ్లిద్దరిదీ సూపర్ హిట్ కాంబో. ఇంతకు ముందు 'భీష్మ', 'రంగ్ దే' - ఇంతకు ముందు రెండు సినిమాలు చేశారు. ఇప్పుడు కొత్త సినిమా స్టార్ట్ చేశారు.

నితిన్ కథానాయకుడిగా సితార సంస్థ నిర్మిస్తున్న కొత్త చిత్రానికి నారి సిరిసవాడ, సోమశేఖర్ టి దర్శకత్వం వహిస్తున్నారు. శ్రీకర స్టూడియోస్ సమర్పణలో సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ పతకాలపై సూర్యదేవర నాగవంశీ, సాయి సౌజన్య నిర్మిస్తున్నారు. ''మే రెండో వారం నుంచి చిత్రీకరణ ప్రారంభం కానుంది. ఇప్పటికే అన్ని ఏర్పాట్లు పూర్తి చేశాం. చిత్రీకరణ ప్రారంభించడానికి సిద్ధం అవుతున్నాం'' అని నిర్మాతలు తెలిపారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Sithara Entertainments (@sitharaentertainments)

నితిన్ సరసన 'మిరాయ్' ఫేమ్ రితికా నాయక్ కథానాయికగా నటిస్తున్నారు. ఈ చిత్రానికి సురేష్ బొబ్బిలి సంగీత దర్శకుడు. ఇంకా ఛాయాగ్రహణం: అనిత్ మదాడి, కళా దర్శకుడు: జానీ షేక్, ఎగ్జిక్యూటివ్ నిర్మాత: ఎస్ వెంకటరత్నం (వెంకట్), సహ నిర్మాతలు: ఉప్పుటూరి వెంకట్ - వీఎంఆర్, నిర్మాతలు: సూర్యదేవర నాగవంశీ - సాయి సౌజన్య.