Naga Chaithanya: నా సినిమాల ఎంపికలో నాన్న ప్రమేయం ఉండదు

స్టార్ హీరో కొడుకుగా అడుగుపెట్టాడు నాగ చైతన్య. ఇప్పుడు మాత్రం తన కంటూ సొంతగుర్తింపుతో ముందుకు సాగుతున్నాడు.

నాగ చైతన్య

అక్కినేని నట వారసుడిగా సినిమాల్లో అడుగుపెట్టాడు నాగచైతన్య. ఆ వంశంలో మూడో తరం హీరోలు చైతూ, అఖిల్. వారిద్దరి సినిమాలు తండ్రి నాగార్జున విని చేయాలో తుదినిర్ణయం తీసుకుంటారని అభిమానులు భావించే వారు. కానీ అది నిజం కాదు అంటున్నాడు నాగ చైతన్య. సినిమాలు చేసే నాన్న ప్రమేయం ఎక్కువగా ఉండేదని, ఇప్పుడు మాత్రం పూర్తిగా నా విచక్షణ తోనే నిర్ణయం తీసుకుంటున్నాని తెలిపాడు. ఆయన ఈ మధ్య ఓ ఆంగ్ల పత్రికకు ఇచ్చిన ఇంటర్వ్యూలో ఈ విషయాలను పంచుకున్నాడు. గైడెన్స్ విషయంలో తన తండ్రి నాగార్జున ఎప్పుడూ అంగా ఉంటాడని చెప్పుకొచ్చాడు. 

నాగచైతన్య 2009లో జోష్ సినిమాతో తెరంగేట్రం చేశాడు. అందులో కార్తీక హీరోయిన్ గా చేసింది. ఆ సినిమా పెద్దగా ఆడలేదు. 2010లో చేసిన ఏ మాయ చేశావే సినిమా పెద్ద హిట్ కొట్టింది.  అదే ఏడాది విడుదలై 100 పర్సంట్ లవ్ కూడా భారీ విజయం సాధించడంతో చైతూ వెనక్కి తిరిగి చూసుకోవాల్సిన అవసరం రాలేదు. ఆ తరువాత చేసిన తడాఖా, ఆటోనగర్ సూర్య, సాహసం శ్వాసగా సాగిపో, యుద్ధం శరణం... ఇలా చాలా సినిమాలు థియేటర్ దగ్గర బోల్తా పడ్డాయి. కానీ చైతూ క్రేజ్ ఏ మాత్రం తగ్గలేదు. ప్రస్తుతం అతను నటించిన లవ్ స్టోరీ సినిమా విడులవ్వబోతోంది. ఇందులో సాయి పల్లవితో తొలిసారి నటించాడు. ఈ సినిమాపై చాలా అంచాలు పెట్టుకున్నాడు చైతూ. 

చైతూ నేరుగా బాలీవుడ్ లో తొలిసినిమా చేస్తున్నాడు. అమీర్ ఖాన్, కరీనా కపూర్ లు ప్రధాన పాత్రలుగా తెరకెక్కుతున్న ‘లాల్ సింగ్ చద్ధా’లో ఓ కీలక పాత్ర చేస్తున్నాడు. ఈ సినిమా ఏడాది క్రిస్మస్ కు విడుదలయ్యే అవకాశం ఉంది. ఈ సినిమాతో పాటూ తెలుగులో బంగార్రాజు, థ్యాంక్యూ సినిమాలలో కూడా నటిస్తున్నాడు. బిజీగా ఉండే హీరోలలో చైతూ కూడా ఒకరు.