Mrunal Thakur: ధనుష్‌తో పెళ్ళి... అదీ ప్రేమికుల రోజున... ఇదీ మృణాల్ ఠాకూర్ రియాక్షన్ - ఆమె ఏం చెప్పిందంటే?

Mrunal Thakur On Dhanush Wedding Rumors: ధనుష్ తో తన ప్రేమ వ్యవహారంపై వస్తున్న వార్తలపై హీరోయిన్ మృణాల్ ఠాకూర్ స్పందించింది. పెళ్లి పుకార్లపై ఆమె రియాక్షన్ ఏమిటి? తాజా ఇంటర్వ్యూలో ఏం చెప్పిందంటే?

ధనుష్‌తో పెళ్లి పుకార్లపై స్పందించిన మృణాల్ ఠాకూర్

Source : instagram

హీరోయిన్ మృణాల్ ఠాకూర్ ప్రేమ వ్యవహారం కొన్ని రోజులుగా వార్తల్లో ఉంటోంది. కోలీవుడ్ స్టార్ హీరో ధనుష్ (Dhanush)తో ఆమె ప్రేమలో ఉందనే ప్రచారం చాలా బలంగా జరిగింది. అంతే కాదు... ప్రేమికుల దినోత్సవం సందర్భంగా ఫిబ్రవరి 14వ తేదీన పెళ్లి చేసుకుంటున్నారని ముహూర్తం కూడా ఖరారు చేశారు కొందరు. ప్రస్తుతం సిద్ధాంత్ చతుర్వేది సరసన నటించిన 'దో దివానే షహర్ మే' సినిమా ప్రమోషన్లలో మృణాల్ ఠాకూర్ బిజీగా ఉన్నారు. ఆ సినిమా ఫిబ్రవరి 20న విడుదల కానుంది. ఈ సందర్భంగా ఇచ్చిన ఇంటర్వ్యూలో ఇటీవల ధనుష్‌తో ప్రేమ, ఫిబ్రవరి 14న పెళ్లి చేసుకోబోతున్నారంటూ పుకార్లపై ఆమె స్పందించారు. Galatta Plusతో మాట్లాడుతూ పుకార్లకు స్పష్టత ఇచ్చారు.

ఏం చెప్పలేదు... కానీ నేను చెప్పినట్టు రాశారు - మృణాల్ ఠాకూర్

మృణాల్ ఠాకూర్‌ను పెళ్లి పుకార్ల గురించి ప్రశ్నించగా... ''నేనా? పెళ్లి చేసుకుంటున్నానా? లేదు. నాకు అయితే ఫిబ్రవరి 14న ఏప్రిల్ ఫూల్స్ డే జరుపుకుంటున్నట్లు అనిపించింది. నిజంగా వాళ్ళకు ఈ ఫిబ్రవరి 14న ఏప్రిల్ ఫూల్ డే. ఈ పుకార్లు ఎవరు ప్రారంభించారో నాకు తెలియదు. కానీ, నన్ను కోట్ చేస్తున్నారు. నేను ఎప్పుడూ ఏమీ చెప్పలేదు. కానీ మృణాల్ చెప్పిందని వారు రాస్తున్నారు, అంటున్నారు. 'వావ్, ఇదేమిటి?' అనుకున్నాను'' అని 'సీతారామం' హీరోయిన్ తెలిపింది. పెళ్లి చేసుకోవడం లేదని స్పష్టత ఇచ్చింది. అదే సమయంలో ప్రేమలో ఉన్నట్టూ ఖరారు చేయలేదు. మృణాల్ చెబుతున్నంత సేపూ సిద్ధాంత్ చతుర్వేది నవ్వు ఆపుకోలేకపోయాడు. సోషల్ మీడియాలో మృణాల్ వీడియో వైరల్ అవుతోంది.

Mrunal Thakur’s clarification on the wedding rumours with Dhanush🤝👍

pic.twitter.com/VvbXceFBz4

— Christopher Kanagaraj (@Chrissuccess) February 12, 2026

ధనుష్‌తో మృణాల్ ప్రేమ పుకార్లకు పునాది ఎక్కడ పడిందంటే?

ఇప్పటి వరకు అటు ధనుష్ గానీ, ఇటు మృణాల్ ఠాకూర్ గానీ ప్రేమ పుకార్లపై నేరుగా స్పందించింది లేదు. లేటెస్ట్ ఇంటర్వ్యూలో కూడా ధనుష్ పేరు ఎవరూ తీయలేదు. కానీ, అక్కడ మాట్లాడినది ధనుష్ గురించి అని అందరికీ తెలుసు. అసలు ధనుష్ - మృణాల్ ఠాకూర్ ప్రేమ పుకార్లు ఎక్కడ మొదలు అయ్యాయి? అనే వివరాల్లోకి వెళితే... ధనుష్ నటించిన 'తేరే ఇష్క్ మే' సినిమా పార్టీకి హాజరైనప్పుడు వారిద్దరి మధ్య ప్రేమ వ్యవహారం గురించి తొలుత పుకార్లు వచ్చాయి. ఆ పార్టీలో దిగిన మృణాల్, ధనుష్‌ల ఫోటోలు వైరల్ అయ్యాయి. ఆ తర్వాత మృణాల్ ఠాకూర్ నటించిన 'సన్ ఆఫ్ సర్దార్ 2' ప్రీమియర్‌కు ధనుష్ హాజరయ్యారు. ఇద్దరూ ఒకరినొకరు కౌగిలించుకున్నారు. ఆ తర్వాత వారి ప్రేమ వ్యవహారం గురించి పుకార్లు మరింత పెరిగాయి.

మృణాల్, ధనుష్‌లు ఫిబ్రవరి 14న వివాహం చేసుకోబోతున్నారనే 2026 ప్రారంభంలో పుకార్లు వచ్చాయి. అయితే, ఇప్పుడు ఆ పుకార్లను మృణాల్ ఖండించింది. వృత్తిపరంగా మృణాల్‌కు 'జవానీ తో ఇష్క్ హోనా హై', 'పూజా మేరీ జాన్', 'డెకాయిట్' సినిమాలు ఉన్నాయి.