OTT Releases This Week: ఓటీటీ లవర్స్‌కు అదిరిపోద్దీ వారం... బ్లాక్‌బస్టర్ హిట్స్ & ఒరిజినల్ ఫిలిమ్స్... ఈ వారం సందడి చేసే సినిమాలు ఇవే

OTT Releases Telugu Movies This Week: ఫిబ్రవరి 9వ తేదీ నుంచి 15 వరకు... ఓటీటీల్లో స్ట్రీమింగ్ కాబోయే సినిమాలు, వెబ్ సిరీస్‌ల లిస్ట్ చూడండి. సంక్రాంతి హిట్స్ నుంచి ఒరిజినల్ సినిమాల వరకు... ఏమున్నాయంటే?

OTTలో సంక్రాంతి సినిమాల సందడి... ఈ వారం విడుదలయ్యే మూవీస్ లిస్ట్, రిలీజ్ డేట్స్ ఇవే

Source : ABPLIVE AI

థియేటర్లలో సంక్రాంతి సినిమాలు చూడటం మిస్ అయ్యారా? డోంట్ వర్రీ... ఈ వారం ఓటీటీ వేదికల్లోకి వస్తున్నాయి. ప్రైమ్ వీడియోలో శర్వానంద్ 'నారి నారి నడుమ మురారి', జియో హాట్ స్టార్‌లో 'ది రాజా సాబ్' స్ట్రీమింగ్ అవుతున్నాయి. ఈ వారం మరో రెండు సంక్రాంతి హిట్స్ స్ట్రీమింగ్ కానున్నాయి. మరొక సినిమా డైరెక్టుగా ఓటీటీలోకి రానుంది. అసలు ఈ వారం ఓటీటీల్లో ఏయే సినిమాలు సందడి చేయనున్నాయో తెలుసుకోండి.

ఫిబ్రవరి 11న 'జీ5'లో చిరంజీవి సినిమా
Mana Shankara Vara Prasad Garu OTT Release Date: మెగాస్టార్ చిరంజీవి కథానాయకుడిగా నటించిన 'మన శంకర వరప్రసాద్ గారు' భారీ విజయం సాధించింది. బాక్సాఫీస్ బరిలో 375 కోట్లకు పైగా గ్రాస్ కలెక్ట్ చేసింది. నయనతార కథానాయికగా, విక్టరీ వెంకటేష్ ప్రత్యేక పాత్రలో నటించిన చిత్రమిది. అనిల్ రావిపూడి దర్శకత్వం వహించారు. ఫిబ్రవరి 11వ తేదీ నుంచి 'జీ5' ఓటీటీలో స్ట్రీమింగ్ కానుంది. తెలుగుతో పాటు తమిళ్, హిందీ, మలయాళం, కన్నడ, బెంగాలీ, మరాఠీ - ఏడు భాషల్లో స్ట్రీమింగ్ కానుంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by ZEE5 Telugu (@zee5telugu)

నెట్‌ఫ్లిక్స్ ఓటీటీలో నవీన్ పోలిశెట్టి సినిమా
Anaganaga Oka Raju OTT Release Date: నవీన్ పోలిశెట్టి కథానాయకుడిగా నటించిన తాజా సినిమా 'అనగనగా ఒక రాజు'. ఆయనకు జంటగా మీనాక్షి చౌదరి, కీలక పాత్రలో రావు రమేష్ నటించారు. నెట్‌ఫ్లిక్స్‌ ఓటీటీలో ఫిబ్రవరి 11వ తేదీ నుంచి ఈ సినిమా స్ట్రీమింగ్ కానుంది. తెలుగుతో పాటు తమిళ, మలయాళ, కన్నడ, హిందీ భాషల్లో స్ట్రీమింగ్ కానుంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Netflix India (@netflix_in)

ఈటీవీ విన్ ఓటీటీలో శివాజీ సినిమా ప్రీమియర్
Sampradayini Suppini Suddapoosani OTT Premiere Date: ఈటీవీ విన్ ఒరిజినల్ వెబ్ సిరీస్ '90స్: ఏ మిడిల్ క్లాస్ బయోపిక్'తో శివాజీ ఓటీటీలోకి ఎంట్రీ ఇచ్చారు. ఓ విధంగా ఆయన రీ ఎంట్రీ కూడా అది! అందులో 'సాంప్రదాయిని సుప్పిని సుద్ద పూసని' పాట సూపర్ హిట్. ఇప్పుడు దాన్ని టైటిల్‌గా తీసుకుని శివాజీ సినిమా చేశారు. ప్రధాన పాత్రలో నటించడంతో పాటు నిర్మించారు. ఆయనకు జంటగా హిట్ పెయిర్ లయ నటించారు. ఫిబ్రవరి 12వ తేదీ నుంచి ఈటీవీ విన్ ఓటీటీలో ప్రీమియర్ కానుందీ ఒరిజినల్ సినిమా. 

 

 

 

 

 

View this post on Instagram

 

 

 

 

 

 

 

 

 

 

 

A post shared by ETV Win (@etvwin)

సోనీలివ్ ఓటీటీలోకి మలయాళీ మెడికో థ్రిల్లర్
Baby Girl OTT Release Date SonyLiv: జియో హాట్‌స్టార్ ఓటీటీలో నివిన్ పౌలి హీరోగా నటించిన 'సర్వం మాయ' స్ట్రీమింగ్ అవుతోంది. వీక్షకులను ఆకట్టుకుంటూ ట్రెండ్ అవుతోంది. ఇప్పుడు నివిన్ పౌలీ ఓ ప్రత్యేక పాత్ర చేసిన మలయాళ సినిమా 'బేబీ గర్ల్' సోనీలివ్ ఓటీటీలో స్ట్రీమింగ్ అయ్యేందుకు రెడీ అయ్యింది. మెడికో థ్రిల్లర్‌గా తెరకెక్కిన ఈ సినిమా ఫిబ్రవరి 12వ తేదీ నుంచి వీక్షకులకు అందుబాటులో ఉంటుంది. సంగీత ప్రతాప్, లిజి మోల్ జోస్, రుద్ర నటించిన ఈ సినిమాను తెలుగు వెర్షన్ కూడా స్ట్రీమింగ్ కానుంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Sony LIV (@sonylivindia)

సోనీలివ్‌లో సౌబిన్ షాహిర్ కొత్త సినిమా కూడా
Pathirathri OTT Release Date: 'మంజుమ్మల్ బాయ్స్', రజనీకాంత్ 'కూలీ'తో మన తెలుగు ప్రేక్షకుల్లోనూ పాపులరైన మలయాళ నటుడు సౌబిన్ షాహిర్. ఆయన ఓ ప్రధాన పాత్రలో నటించిన మలయాళ సినిమా 'పాతి రాత్రి'. సోనీలివ్ ఓటీటీలో ఫిబ్రవరి 13వ తేదీ నుంచి స్టీమింగ్ కానుంది. మలయాళంతో పాటు తమిళ్, హిందీ, తెలుగు భాషల్లోనూ స్ట్రీమింగ్ అయ్యే అవకాశాలు ఉన్నాయి. సన్ నెక్స్ట్ ఓటీటీలో 'నీలకంఠ' సైతం ఈ వారం నుంచి స్ట్రీమింగ్ కానుంది.

రెండు హాలీవుడ్ సినిమాలు, ఇటాలియన్ సిరీస్
ఓటీటీల్లోకి ఈ వారం వస్తున్న సినిమాల్లో రెండు హాలీవుడ్ హిట్స్ ఉన్నాయి. హారర్ థ్రిల్లర్ 'ది కంజూరింగ్: లాస్ట్ రైట్స్' జియో హాట్ స్టార్ ఓటీటీలో ఫిబ్రవరి 13వ తేదీ నుంచి స్ట్రీమింగ్ కానుంది. దానికి ఒక్క రోజు ముందు ఫిబ్రవరి 12వ తేదీ నుంచి అదే ఓటీటీలో మరొక హాలీవుడ్ ఫిల్మ్ 'ప్రెడేటర్: బ్యాడ్ ల్యాండ్స్' స్ట్రీమింగ్ కానుంది. నెట్‌ఫ్లిక్స్‌ ఓటీటీలో ఫిబ్రవరి 10వ తేదీ నుంచి ఇటాలియన్ డ్రామా సిరీస్ 'మోటార్ వ్యాలీ' స్ట్రీమింగ్ కానుంది.