Actor Injured: గోవాలో యాక్సిడెంట్ - తీవ్ర గాయాలైన నటుడిని హెలికాప్టర్‌లో బెంగళూరుకు తరలించిన కుటుంబ సభ్యులు

గోవాకు విహారయాత్రకు వెళ్లిన కన్నడ నటుడికి తీవ్ర గాయాలు అయ్యాయని, అక్కడ నుంచి బెంగళూరుకు హెలికాప్టర్‌లో తరలించారు. 

దిగంత్, ఐంద్రితా రే

Kannada Actor Diganth Manchale suffers neck injury in Goa vacation: ప్రముఖ కన్నడ నటుడు దిగంత్ మంచలే (38) ఆరోగ్య పరిస్థితి ఆందోళనకరంగా ఉన్నట్లు తెలుస్తోంది. కుటుంబంతో కలిసి ఆయన గోవాకు విహారయాత్రకు వెళ్లారు. అక్కడ ఒక అడ్వెంచర్ చేస్తుండగా... తీవ్ర గాయాలు అయ్యాయి. 

విశ్వసనీయ వర్గాలు సమాచారం ప్రకారం... గోవాలో ఒక ట్రామ్‌పోలిన్‌ (trampoline) మీద బ్యాక్ ఫ్లిప్ చేయడానికి ట్రై చేశారు. అప్పుడు సరిగా ల్యాండ్ అవ్వకపోవడంతో మెడ, వెన్నుముకకు గాయాలు అయ్యాయట. ఆ సమయంలో దిగంత్ భార్య, నటి ఐంద్రితా రే కూడా ఉన్నారట.

తొలుత గోవాలోని ఒక ఆస్పత్రిలో దిగంత్‌ను అడ్మిట్ చేశారు. పరిస్థితి ఆందోళనకరంగా ఉండటంతో మెరుగైన చికిత్స కోసం అక్కడ నుంచి బెంగళూరులోని ప్రయివేట్ ఆస్పత్రికి హెలికాప్టర్‌లో తరలించారు. 

ప్రస్తుతం బెంగళూరులోని మణిపాల్ ఆస్పత్రిలో చికిత్స జరుగుతోందని తెలిసింది. ప్రస్తుతం ఆయన ఆరోగ్యం నిలకడగా ఉందట. గోవా ఆస్పత్రిలోని వైద్యులు సర్జరీ చేయడానికి రెడీ అవుతుండగా... దిగంత్ కుటుంబ సభ్యులు బెంగళూరు తీసుకు వెళతామని చెప్పడంతో హుటాహుటిన బెంగళూరుకు తరలించారు. గోవా ముఖ్యమంత్రి వీలైనంత త్వరగా తీసుకు వెళ్లే ఏర్పాట్లు చేయమని అధికారులకు, వైద్యులకు సూచించారట.

కన్నడలో పలు చిత్రాల్లో నటించిన దిగంత్, తెలుగులో 'వాన' సినిమాలో ఒక పాత్ర చేశారు. ఆయన భార్య ఐంద్రితా రే కన్నడ, బెంగాలీ, హిందీ సినిమాల్లో నటిస్తున్నారు. 'స్కామ్' ఫేమ్ ప్రతీక్ గాంధీతో 'Bhavai'లో నటించారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Aindrita Ray (@aindrita_ray)