Chinmayi Rahul Blessed With Twins : కవలలు పుట్టారు, అప్పుడే పేర్లు కూడా పెట్టేశారు - తల్లిదండ్రులైన చిన్మయి, రాహుల్ రవీంద్రన్ దంపతులు

Singer Chinmayi Sripada and Hero Rahul Ravindran blessed with twins: హీరో కమ్ డైరెక్టర్ రాహుల్ రవీంద్రన్, ప్రముఖ గాయని కమ్ డబ్బింగ్ ఆర్టిస్ట్ చిన్మయి దంపతులకు కవలలు జన్మించారు.

చిన్మయి, రాహుల్ రవీంద్రన్

రాహుల్ రవీంద్రన్, చిన్మయి దంపతులు సోషల్ మీడియాలో ఒక శుభవార్తను షేర్ చేశారు. తమకు కవలలు జన్మించినట్టు పేర్కొన్నారు. పిల్లలు ఇద్దరికీ ఏం పేర్లు పెట్టారో కూడా చెప్పారు. 

దృప్త & శర్వాస్ (Driptah and Sharvas - Chinmayi Children Names)... చిన్మయి, రాహుల్ పిల్లల పేర్లు. కవలల్లో ఒకరు అబ్బాయి, మరొకరు అమ్మాయి అని చిన్మయి పేర్కొన్నారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Rahul Ravindran (@rahulr_23)

చిన్మయి ఈ విషయాన్ని సోషల్ మీడియాలో షేర్ చేసిన వెంటనే చాలా మంది సరోగసీ ద్వారా పిల్లలకు జన్మనిచ్చారా? అని అడుగుతున్నారట. ఇన్‌స్టాగ్రామ్‌లో డైరెక్ట్ మెసేజ్‌లు చేస్తున్నారని చిన్మయి తెలిపారు.
 
''నేను గర్భవతిగా ఉన్న ఫోటోలు సోషల్ మీడియాలో పోస్ట్ చేయని కారణంగా చాలా మంది సరోగసీనా? అని అడుగుతున్నారు. నన్ను నేను కాపాడుకుంటున్నాను కాబట్టి... నాకు అత్యంత సన్నిహితులకు మాత్రమే అసలు విషయం తెలుసు. నా వ్యక్తిగత జీవితం, నా కుటుంబం, నా స్నేహితుల విషయంలో ఇంతకు ముందు, ఇప్పుడు, ఎప్పుడూ నేను చాలా జాగ్రత్తగా ఉంటాను. చాలా రోజుల వరకూ మా పిల్లల ఫోటోలు సోషల్ మీడియాలోకి రావు. ఒకవేళ మీరు నిజంగా తెలుసుకోవాలని అనుకుంటే... సిజేరియన్ జరుగుతున్నప్పుడు నేను భజన కీర్తన పాడాను. ఆ ప్రేమను పొందాను. ఇప్పటికి ఇది చాలు. దీని గురించి తర్వాత చెబుతా'' అని చిన్మయి పేర్కొన్నారు. రాహుల్ రవీంద్రన్, చిన్మయి శ్రీపాద వివాహం 2014లో జరిగింది.

తెలుగు, తమిళ, హిందీతో పాటు పలు భాషల్లో చిన్మయి అనేక పాటలు పాడారు. అలాగే, సమంత సహా అగ్ర కథానాయికలకు డబ్బింగ్ చెప్పారు. 'అందాల రాక్షసి'తో హీరోగా అందుకున్న రాహుల్ రవీంద్రన్, ఆ తర్వాత పలు సినిమాల్లో హీరోగా నటించారు. 'శ్రీమంతుడు' సహా కొన్ని సినిమాల్లో కీలక పాత్రలు పోషించారు. 'చిలసౌ'తో దర్శకుడిగా మారిన ఆయన, ఆ తర్వాత నాగార్జున హీరోగా 'మన్మథుడు 2' తీశారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Chinmayi Sripada (@chinmayisripaada)