Kajal Aggarwal: కాజల్ కుమారుడిది తల్లి పోలికా? తండ్రి పోలికా? నిషా ఏం చెబుతున్నారంటే?

కాజల్ అగర్వాల్ ఇటీవల మడబిడ్డకు జన్మనిచ్చిన సంగతి తెలిసిందే. ఆ చిన్నారిది ఎవరి పోలిక? తల్లిదా? తండ్రిదా? కాజల్ చెల్లెలు నిషా అగర్వాల్ ఏం చెబుతున్నారంటే?

గౌతమ్ కిచ్లూ, కాజల్ అగర్వాల్

Kajal Aggarwal Baby Boy: కాజల్ అగర్వాల్ కుమారుడు నీల్ ఈ ప్రపంచంలోకి అడుగు పెట్టి పట్టుమని పది రోజులు కూడా కాలేదు. ఆల్రెడీ అతడు సెలబ్రిటీ అయిపోయాడు. ఇప్పుడు ఆ చిన్నారి ఎవరిలా ఉన్నాడు? అతడికి ఎవరి పోలిక? తండ్రిదా? తల్లిదా? అని కొత్త చర్చ మొదలైంది. కాజల్ చెల్లెలు నిషా అగర్వాల్ ఇన్‌స్టాగ్రామ్‌లో నెటిజన్లతో చాట్ చేశారు. అప్పుడు ఆమెను కాజల్ కుమారుడి (Kajal Aggarwal Baby Boy named as Neil) గురించి చాలా మంది అడిగారు. అందులో కొంత మంది చిన్నారిది ఎవరి పోలిక? అని ప్రశ్నించారు. అప్పుడు నిషా ఏం చెప్పారంటే? (Nisha Aggarwal On Kajal Son Neil)

Kajal Aggarwal's baby boy Neil looks like mother or father?: ''నీల్ ఎవరిలా ఉన్నాడనేది చెప్పడం చాలా కష్టం. కొన్నిసార్లు కాజల్ లా ఉంటాడు. మరు క్షణమే గౌతమ్ లా కనిపిస్తాడు. నేను నిజంగా చెప్పలేను. నీల్ ముద్దు వస్తున్నాడని మాత్రం చెప్పగలను'' అని నిషా అగర్వాల్ పేర్కొన్నారు.

నీల్ ఫొటో తన దగ్గర ఉందని, కానీ ఆ ఫొటోను పోస్ట్ చేయనని నిషా అగర్వాల్ చెప్పుకొచ్చారు. నీల్‌ను చూసి ఇంటికొచ్చిన మరు క్షణం నుంచి అతడిని మిస్ అవుతున్నట్టు నిషా తెలిపారు. తన కుమారుడు ఇషాన్‌కు దగ్గు ఉండటంతో నీల్ దగ్గరకు తీసుకువెళ్లలేదని, చిన్నారి విషయంలో రిస్క్ తీసుకోవాలని తాము అనుకోవడం లేదని ఆమె పేర్కొన్నారు. కాజల్ అగర్వాల్‌ది నార్మల్ డెలివరీ అని స్పష్టం చేశారు.

కాజల్ (Kajal Aggarwal), గౌతమ్ కిచ్లూ (Gautam Kitchlu) దంపతులకు ఏప్రిల్ 19న అబ్బాయి పుట్టాడు. ఈ విషయం తెలిసిన తర్వాత తల్లీబిడ్డా ఎలా ఉన్నారోనని ఆరా తీయడం మొదలైంది. ఎందుకంటే... కిచ్లూ - అగర్వాల్ ఫ్యామిలీ తొలుత ఈ విషయాన్ని అధికారికంగా ప్రకటించలేదు. తల్లీబిడ్డా క్షేమంగా ఉన్నారని నిషా అగర్వాల్, గౌతమ్ కిచ్లూ చెప్పడం... చిన్నారి జన్మించిన రెండో రోజు పేరు ప్రకటించడం... కాజల్ అభిమానులకు సంతోషాన్ని ఇచ్చాయి.

ఇప్పుడు కాజల్ కుమారుడి ఫొటో చూడాలని చాలా మంది ప్రేక్షకులు ఎదురు చూస్తున్నారు. అయితే, చిన్నారికి దిష్టి తగులుతుందనే ఉద్దేశంతో ఫొటోని ఇప్పట్లో బయట పెట్టాలనుకోవడం లేదట కాజల్ అండ్ ఫ్యామిలీ.