Deewana First Review - 'దీవానా' ఫస్ట్ రివ్యూ: షాక్ ఇచ్చిన ఇంటర్వెల్ ట్విస్ట్... హర్షిత్ రెడ్డి సినిమా ఎలా ఉందంటే?

Deewana Review In Telugu: హర్షిత్ రెడ్డి హీరోగా నటించిన 'దీవానా' శుక్రవారం రిలీజ్ అవుతోంది. అయితే పెయిడ్ ప్రీమియర్ షోలు వేశారు. సినిమాకు వచ్చిన టాక్ ఏమిటి? ఫస్ట్ రివ్యూ ఎలా ఉందంటే?

దీవానా రివ్యూ: హర్షిత్ రెడ్డి సూపర్బ్ యాక్టింగ్... మైండ్ బ్లాక్ చేసే ఇంటర్వెల్ ట్విస్ట్!

Source : ABPLIVE AI

Show Quick Read

Key points generated by AI, verified by newsroom

• హర్షిత్ రెడ్డి 'దీవానా' చిత్రం పేయిడ్ ప్రీమియర్లతో శుక్రవారం విడుదలైంది.
• సినిమాలో ఊహించని ఇంటర్వెల్ ట్విస్ట్ ప్రేక్షకులను చాలా ఆశ్చర్యపరిచింది.
• భావోద్వేగ సన్నివేశాలు, హర్షిత్ రెడ్డి నటనకు మంచి స్పందన లభించింది.
• సంగీతం, ఇతర నటీనటుల నటన చిత్రానికి మరింత బలం చేకూర్చింది.

Harshit Reddy Deewana Movie Review In Telugu: ప్రభాస్ 'కల్కి 2898 ఏడీ'లో చేసిన పాత్ర యువ నటుడు హర్షిత్ రెడ్డికి పాన్ ఇండియా స్థాయిలో గుర్తింపు తెచ్చింది. అయితే ఆ సినిమాకు ముందు 'మెయిల్'లో, తర్వాత సమంత 'శుభం'లో హీరోగా నటించారు. హర్షిత్ రెడ్డి హీరోగా నటించిన లేటెస్ట్ సినిమా 'దీవానా'. జూన్ 19 (ఈ శుక్రవారం) రిలీజ్. అయితే రెండు రోజుల ముందు పెయిడ్ ప్రీమియర్లు వేశారు. సినిమాకు వచ్చిన టాక్ ఏమిటి? ఎలా ఉంది? ఫస్ట్ రివ్యూలో తెలుసుకోండి. 

మైండ్ బ్లాక్ అయ్యే ఇంటర్వెల్ ట్విస్ట్!
చచ్చేంత ప్రేమ లేకపోతే అది ప్రేమే కాదు - 'దీవానా' ట్రైలర్‌లో ఫస్ట్ డైలాగ్ ఇది. ఈ సినిమా టీజర్, ట్రైలర్ చూస్తే... ఇదొక టీనేజ్ లవ్ స్టోరీ అని ఈజీగా అర్థం అవుతుంది. ప్రేమించిన అమ్మాయి కోసం స్నేహితులను, ఆఖరికి కన్న తల్లిదండ్రులను కూడా వద్దనుకున్న ఓ యువకుడి కథ అని, ఇదొక వన్ సైడ్ లవ్ స్టోరీ అని ట్రైలర్ బట్టి తెలుస్తుంది. మరి, సినిమా ఎలా ఉంది? అంటే...

'దీవానా' ట్రైలర్ చూసిన ప్రతి ఒక్కరూ ఇంటర్వెల్ పాయింట్ గురించి గొప్పగా చెబుతున్నారు. ఇంటర్వెల్ పాయింట్ చూసి షాక్ అయ్యామని అంటున్నారు. ప్రేమ, స్నేహం, ఆ రెండిటినీ మించి భావోద్వేగం... ఇంటర్వెల్ దగ్గర చాలా బాగా వర్కవుట్ అయ్యాయట. ట్విస్ట్ తెలిస్తే సినిమా చూసేటప్పుడు ఎంజాయ్ చేయలేరు గనుక రివీల్ చేయడం లేదు. 

కర్చీఫులు తీసుకుని వెళ్లండమ్మా...!
థియేటర్లలో 'దీవానా' ట్విస్ట్ దెబ్బకు కుర్చీల్లో నుంచి రెండు మూడు నిమిషాలు ప్రేక్షకులు ఎవరూ పైకి లేవలేదట. సినిమా చూశాక ప్రతి ఒక్కరూ కంటతడి పెడతారని, ఎమోషనల్ సినిమాలు ఇష్టపడే ప్రేక్షకులు అయితే తప్పకుండా ఏడుస్తారని కొందరు చెబుతున్నారు. ఇటీవల కాలంలో ఇటువంటి రేర్ అండ్ యూనిక్ సినిమా రాలేదని ప్రీమియర్ చూసిన ప్రేక్షకుడు ఒకరు చెప్పారు.

Harshith Reddy Acting In Deevana: యంగ్ హీరో హర్షిత్ రెడ్డి నటనపై ప్రీమియర్స్ చూసిన ప్రేక్షకులు ప్రశంసలు కురిపిస్తున్నారు. అతని డైలాగ్ డెలివరీతో పాటు యాక్టింగ్ గురించి చెబుతున్నారు. సినిమా ఎవరినీ డిజప్పాయింట్ చేయదని ఎర్లీ రిపోర్ట్స్ వచ్చాయి. హీరోయిన్ స్మేహ మణిమేగలై నటన కూడా సినిమాకు ప్లస్ అయ్యిందట. ఈ సినిమాకు ఈశ్వర్ చంద్ సంగీతం అందించారు. ఆయన పాటలు, నేపథ్య సంగీతం సినిమాను ఎలివేట్ చేశాయట. మరి ఈ సినిమాకు ఆడియన్స్ నుంచి ఎటువంటి రెస్పాన్స్ వస్తుందో? హర్షిత్ రెడ్డి మరొక హిట్ అందుకుంటాడో? లేదో? వెయిట్ అండ్ సి.