Maa Inti Bangaram First Review - 'మా ఇంటి బంగారం' ఫస్ట్ రివ్యూ: సమంత బ్యాగ్రౌండ్ తెలిసింది... మరి సినిమా ఎలా ఉందంటే?

Maa Inti Bangaram Review In Telugu: సమంత నటించిన తాజా సినిమా 'మా ఇంటి బంగారం'. ప్రముఖ దర్శకుడు - సామ్ భర్త రాజ్ నిడిమోరు కథ, స్క్రీన్ ప్లే, నిర్మాణ సారధ్యంలో రూపొందిన సినిమా ఎలా ఉందంటే?

మా ఇంటి బంగారం రివ్యూ: సమంత షాకింగ్ బ్యాగ్రౌండ్, సెకండాఫ్ ట్విస్టులకు సూపర్ రెస్పాన్స్

Source : https://www.instagram.com/tralalamovingpictures/

Show Quick Read

Key points generated by AI, verified by newsroom

• సమంత ప్రధాన పాత్రలో 'మా ఇంటి బంగారం' జూన్ 19న విడుదల.
• ఫ్లాష్‌బ్యాక్‌లో సమంత ధీర వనితగా ప్రజల కోసం పోరాటం.
• విలన్ గుల్షన్ దేవయ్యతో ఆమె గత పోరాటమే కథకు కీలకం.
• సమంత నటన, కథనం సినిమాను విజయవంతం చేస్తాయని టాక్.

Samantha Maa Inti Bangaram Telugu Review: సమంత రూత్ ప్రభు ప్రధాన పాత్రలో నటించిన తాజా సినిమా 'మా ఇంటి బంగారం'. ప్రముఖ దర్శకుడు - సామ్ భర్త రాజ్ నిడిమోరు కథ, స్క్రీన్ ప్లే అందించడంతో పాటు ఓ నిర్మాతగా వ్యవహరించారు. సొంత నిర్మాణ సంస్థ ట్రాలాలా మూవింగ్ పిక్చర్స్ పతాకంపై రాజ్ నిడిమోరు, హిమాంక్ దువ్వూరుతో కలిసి సమంత నిర్మించారు. నందినీ రెడ్డి దర్శకత్వం వహించారు. జూన్ 19 (శుక్రవారం) తెలుగు, తమిళ భాషల్లో ఈ సినిమా విడుదల కానుంది. అయితే ఫస్ట్ రివ్యూ వచ్చింది. సినిమా ఎలా ఉందంటే?

సమంత బ్యాగ్రౌండ్ అదేనబ్బా...
సెకండాఫ్ ట్విస్ట్, యాక్షన్ అదుర్స్!
Samantha MIB First Review: 'నేనెవరో నీకు తెలుసా? అసలు నేనెవరో నీకు తెలుసా?' - ఇదీ 'మా ఇంటి బంగారం'లో సమంత చెప్పిన మొదటి మాట. సారీ సారీ... రౌడీ గ్యాంగులో ఒకరికి వేసిన ప్రశ్న. ఆ మాటకు ముందు 'నిన్ను ఏడనో చూసినట్టు ఉన్నాది. నీ పేరేమి? నీది యాఊరి?' అని మరొక ఆర్టిస్ట్ అడుగుతారు. ట్రైలర్ చూస్తే... ఫ్లాష్‌ బ్యాక్‌లో సమంత పాత్రకు భారీ బ్యాగ్రౌండ్ ఉందని చాలా సులభంగా అర్థం అవుతోంది. 'బాషా', 'కలిసుందాం రా' కలిస్తే ఎలా ఉంటుందో, 'మా ఇంటి బంగారం' అలా ఉంటుందని చెప్పారు నందినీ రెడ్డి.

'మా ఇంటి బంగారం' సినిమా చూసిన జనాలు సమంత ఫ్లాష్ బ్యాక్ గురించి చాలా గొప్పగా చెబుతున్నారు. ఆడియన్స్ అందరికీ ఆమె పాత్ర షాక్ ఇవ్వడం గ్యారెంటీ అంటున్నారు. చీర కట్టుకుని చక్కగా తెలుగింటి కోడలిగా కనిపించిన బంగారం, అత్తారింటిలో అందరి మనసులు గెలుచుకోవడానికి ప్రయత్నించే బంగారం... ఆ పెళ్లికి ముందు ప్రజల కోసం పోరాటం చేసిన ధీర వనిత అని టాక్. సమాజంలో అసమానతలు చూసి విసిగి న్యాయం కోసం పోరు బాట పట్టిన మహిళగా సమంత కనిపిస్తారని తెలిసింది. చీర కట్టుకుని గన్ పట్టుకోవడం వెనుక ట్విస్ట్ కూడా అదేనట. ఇంటర్వెల్ ముందు వచ్చే ట్విస్ట్, సమంత యాక్షన్ సీక్వెన్సులు సినిమాకు హైలైట్ అంటున్నారు.

'మా ఇంటి బంగారం' ఫ్లాష్ బ్యాక్‌లో, అలాగే ప్రజెంట్ ఎపిసోడ్‌లో సమంత, గుల్షన్ దేవయ్య మధ్య వచ్చే సన్నివేశాలు సినిమాకు కీలకమని తెలిసింది. సినిమాకు, సమంతకు గుల్షన్ దేవయ్య విలన్ అని టాక్. అన్యాయాలపై ఎదురు తిరగాలని గుల్షన్ దేవయ్య దళంలోకి వెళ్లిన సమంత, ఆ దళం నుంచి ఎందుకు వెనక్కి వచ్చింది? పెళ్లి చేసుకుని సాధారణ మహిళ తరహాలో ఎందుకు జీవితాన్ని వెళ్లదీస్తుంది? అత్తారింటి మీదకు వచ్చి మనుషులు ఎవరు? తన గతాన్ని సమంత ఎంత వరకు దాచింది? ఆమెను వెతుక్కుంటూ వచ్చిన గుల్షన్ దేవయ్య ఏం చేశాడు? అనేది సినిమా.

'మా ఇంటి బంగారం' సినిమాకు సమంత నటన, ఆమె క్యారెక్టర్ హైలైట్ అని ఎర్లీ రిపోర్ట్. కుటుంబ ప్రేక్షకులతో పాటు మాస్ జనాలు మెచ్చే అంశాలు సైతం ఈ సినిమాలో ఉన్నాయని తెలిసింది. రాజ్ నిడిమోరు & కో అందించిన కథతో నందినీ రెడ్డి కమర్షియల్ సినిమా తీశారట. ఫస్టాఫ్ ఎంటర్‌టైనింగ్‌గా సాగినప్పటికీ... ఇంటర్వెల్ తర్వాత సెకండాఫ్ అంతా రేసీగా ముందుకు వెళుతుందని, వరుస ట్విస్టులు ప్రేక్షకులను ఎంగేజ్ చేస్తాయని, సినిమా పక్కా హిట్ అని టాక్. సంతోష్ నారాయణన్ అందించిన నేపథ్య సంగీతం సినిమాకు ప్లస్ అయ్యిందట. ఈ సినిమాతో సమంత భారీ హిట్ అందుకోవడం గ్యారెంటీ అంటున్నారు.