Uday Krishna Reddy: ట్రైనీ ఐపీఎస్‌ ఉదయ్‌ కృష్ణారెడ్డి కేసులో మరో ట్విస్ట్‌! మరో మహిళతో ప్రేమాయణం! లవ్‌లెటర్స్‌, కత్తీ స్వాధీనం!

Uday Krishna Reddy: ట్రైనీ ఐపీఎస్‌ ఉదయ్‌ కృష్ణారెడ్డి కేసులో రోజుకో మలుపు తిరుగుతోంది. తాజాగా ఆయన మరో మహిళతో ప్రేమాయణం సాగిస్తున్నట్టు వెలుగుచూసింది. 

ట్రైనీ ఐపీఎస్‌ ఉదయ్‌ కృష్ణారెడ్డి కేసులో మరో ట్విస్ట్‌! మరో మహిళతో ప్రేమాయణం! లవ్‌లెటర్స్‌, కత్తీ స్వాధీనం!

Source : Social Media

Show Quick Read

Key points generated by AI, verified by newsroom

• ట్రైనీ ఐపీఎస్ ఉదయ్ కృష్ణారెడ్డిపై మహిళ ఫిర్యాదుతో అరెస్ట్.
• సోదాల్లో కృష్ణారెడ్డికి మరో మహిళతో ప్రేమాయణం బయటపడింది.
• శిక్షణలోనూ ఉదయ్ కృష్ణారెడ్డిపై అనేక ఆరోపణలు వెలుగులోకి.

Uday Krishna Reddy: ట్రైనీ ఐపీఎస్‌ ఉదయ్‌ కృష్ణారెడ్డి సామాన్యుడు కాదనిపిస్తోంది. ఆయన మరో మహిళతో ప్రేమాయణం సాగించిన విషయం వెలుగులోకి వచ్చింది. మహిళ ట్రైనీ ఐపీఎస్‌ ఇచ్చిన ఫిర్యాదుతో కేసు నమోదు చేసి దర్యాప్తు చేస్తున్న పోలీసులకు రోజుకో విషయం తెలుస్తోంది. తాజాగా ఆయన ఇంట్లో తనిఖీలు చేస్తే కీలక విషయాలు బయటపడ్డాయి. మరో మహిళతో ఉన్న సంబంధాలు బహిర్గతమయ్యాయి. దీంతో పోలీసులు మరింత డీప్‌గా డిగ్ చేస్తున్నారు. 

మహిళ ట్రైనీ ఐపీఎస్‌ ఫిర్యాదుతో అత్తాపూర్‌ పోలీసులు సహచర ట్రైనీ ఐపీఎస్‌ ఉదయ్‌ కృష్ణారెడ్డిని అరెస్టు చేసి కేసు దర్యాప్తు వేగాన్ని పెంచారు. విచారణను నగర మహిళా భద్రతా విభాగం డీసీపీ లావణ్యనాయక్‌ జాదవ్‌ పర్యవేక్షిస్తున్నారు. ఈ విచారణ తీవ్రత పెరుగుతున్న కొద్దీ కీలక విషయాలు వెలుగు చూస్తోంది. బాధితురాలు ఇచ్చిన సమాచారంతో ఉదయ్‌ కృష్ణారెడ్డి ఉండే గదిలో పోలీసులు సోదాలు చేపట్టారు. అశోక్‌నగర్‌లో ఉండే ఈ నివాసంలో కీలక విషయాలు వెలుగులోకి వచ్చినట్టు చెప్తున్నారు.  
  
కృష్ణారెడ్డి గదిలో సోదాలు చేసిన పోలీసులకు ఆయనకు మరో మహిళతో ఉన్న సంబంధం వెలుగు చూసింది. ల్యాప్‌టాల్‌, సెల్‌ఫోన్ స్వాధీనం చేసుకున్నారు. రెండు ప్రేమ లేఖలు కూడా ఆయన గదిలో లభ్యమయ్యాయి. దీనిని పరిశీలించిన అధికారులు వేరే మహిళతో కృష్ణారెడ్డి ప్రేమాయణం సాగించినట్టు తేల్చారు. ఆమెకు 2014లో వివాహమైంది. ఒక కుమారుడు కూడా ఉన్నాడు. అయితే 2023లో భర్త నుంచి విడిపోయి హైదరాబాద్‌లో ఓ ప్రైవేటు కంపెనీలో ఉద్యోగం చేస్తుండేది. ఆయితే ఆమెతో పరిచయం పెంచుకున్నాడు. తర్వాత ఆ ఉద్యోగానికి రాజీనామా చేయించి అశోక్‌నగర్‌లోని ఓ కోచింగ్ సెంటర్‌లో ఉద్యోగం కల్పించాడు. తర్వాత లివ్ ఇన్ రిలేషన్ కోసం ప్రయత్నించాడు. అయితే ఆమెకు ఇంకా విడాకులు మంజూరు కాకపోవడంతో ఆయన ప్రపోజ్‌ను తిరస్కరించింది. 

ప్రస్తుతం కేసు పెట్టిన బాధితురాలు కూడా సదరు మహిళను కలిశారు. తాను కూడా కృష్ణారెడ్డి బాధితురాలినేనని చెప్పారు. తనతో కూడా అతిగా ప్రవర్తిస్తున్నాడని ఆమె వాపోయారని మహిళా ట్రైనీ ఐపీఎస్‌ చెప్పినట్టు తెలుస్తోంది. ఆమెతోపాటు మరో 20 మంది నుంచి కూడా వాంగ్మూలాలను తీసుకున్నారు.

ట్రైనింగ్‌లో ఉన్నప్పుడు కూడా కృష్ణారెడ్డిపై అనేక ఆరోపణలు ఉన్నాయి. అతి ప్రవర్తన కారణంగా చాలా మంది ఇబ్బంది పడ్డారు. ఈ విషయాలు తెలుసుకున్న పోలీసులు మరింత సమాచారం కోసం ప్రయత్నాలు చేస్తున్నారు. దీని కోసం ఆయన్ని కస్టడీలోకి తీసుకొని విచారించాలని చూస్తున్నారు.

మరిన్ని చదవండి

ట్రైనీ ఐపీఎస్ ఉదయ్‌కృష్ణారెడ్డికి 14 రోజుల రిమాండ్ - ఉప్పరపల్లి కోర్టు తీర్పు, చంచల్‌గూడ జైలుకు తరలింపు!

పరారీలో ఉన్న ట్రైనీ ఐపీఎస్ ఉదయ్ కృష్ణారెడ్డి అరెస్ట్ - మిర్యాలగూడ వద్ద అదుపులోకి తీసుకున్న పోలీసులు!