Neno Butterfly Song: విశ్వనాథ్ అండ్ సన్స్ ఫస్ట్ సింగిల్ ప్రోమో... సూర్యతో మమితా బైజు ప్రేమ పాట, ఆ డ్యాన్స్‌ చూశారా?

Vishwanath and Sons Movie Songs: సూర్య హీరోగా నటిస్తున్న 'విశ్వనాథ్ అండ్ సన్స్' సినిమాలోని ఫస్ట్ సాంగ్ 'నేనో బటర్ ఫ్లై' ప్రోమో వచ్చింది. సూర్య, మమితా బైజు జోడీ ఎలా ఉందో లుక్ వెయ్యండి.

'విశ్వనాథ్ అండ్ సన్స్' సినిమాలోని ఫస్ట్ సాంగ్ 'నేనో బటర్ ఫ్లై' ప్రోమో విడుదల అయ్యింది. అది చూడండి.

Source : https://www.youtube.com/watch?v=eEjKAi3Eo68

Show Quick Read

Key points generated by AI, verified by newsroom

• సూర్య 'విశ్వనాథ్ అండ్ సన్స్' తొలి పాట ప్రోమో విడుదల.
• వెంకీ అట్లూరి దర్శకత్వంలో జీవీ ప్రకాష్ కుమార్ సంగీతం అందించారు.
• మమితా బైజు నాయికగా నటించగా, ఆగస్టు 14న విడుదల.

'కరుప్పు' విజయం తర్వాత కోలీవుడ్ స్టార్, తెలుగు ప్రేక్షకులకూ దగ్గరైన సూర్య శివ కుమార్ (Suriya Sivakumar) కథానాయకుడిగా నటిస్తున్న సినిమా 'విశ్వనాథ్ అండ్ సన్స్' (Vishwanath And Sons Movie). దీనికి వెంకీ అట్లూరి దర్శకుడు. 'లక్కీ భాస్కర్' విజయం తర్వాత ఆయన తెరకెక్కిస్తున్న చిత్రమిది. లేటెస్ట్ అప్డేట్ ఏమిటంటే... ఈ సినిమా ఫస్ట్ సాంగ్ 'నేనో బటర్ ఫ్లై' (Neno Butterfly Song) ప్రోమో విడుదల చేశారు. 

సూర్య ఏమో రఫ్... మమితా బైజు టఫ్
Vishwanath And Sons First Single Released: సూర్య కథానాయకుడిగా యువ దర్శకుడు వెంకీ అట్లూరి తెరకెక్కిస్తున్న 'విశ్వనాథ్ అండ్ సన్స్'ను సూర్యదేవర నాగ వంశీ, సాయి సౌజన్య సంయుక్తంగా నిర్మిస్తున్నారు. శ్రీకర స్టూడియోస్ సమర్పణలో సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ సంస్థల్లో రూపొందుతోంది. సినిమాలోని మొదటి పాట 'నేనో బటర్ ఫ్లై' ప్రోమోను విడుదల చేశారు. 

'రఫ్ అయిన నువ్వు...
టఫ్ అయిన నేను...
మిక్స్ అయ్యే కాలం వచ్చిందిలే!

లూజ్ అయ్యింది హార్టు...
స్లో అయ్యింది బీటు...
నా తీరు నాకే నచ్చింది లే' (2) అంటూ ప్రోమోలో స్టార్టింగ్ లిరిక్స్ వినిపించారు. 

'విశ్వనాథ్ అండ్ సన్స్' చిత్రానికి జీవీ ప్రకాష్ కుమార్ సంగీత దర్శకుడు. ఆయన స్వరపరిచిన బాణీకి రామ జోగయ్య శాస్త్రి సాహిత్యం అందించారు. సుభాషిణి ఈ పాటను పాడారు. విజయ్ బిన్నీ కొరియోగ్రఫీ చేశారు. సూర్య ఆఫీసు పనుల్లో బిజీగా ఉంటే... అతడిని చూసి ప్రేమలో పడిన అమ్మాయిగా మమితా బైజు కనిపించారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Sithara Entertainments (@sitharaentertainments)

ఆగస్టు 15న 'విశ్వనాథ్ అండ్ సన్స్' విడుదల
Vishwanath and Sons Release Date: సూర్య అభిమానులతో పాటు తెలుగు, తైల సినీ ప్రియులు అందరూ ఎంతో ఆసక్తిగా ఎదురు చూస్తున్న 'విశ్వనాథ్ & సన్స్'ను ప్రపంచ వ్యాప్తంగా ఆగస్టు 14న థియేటర్లలోకి తీసుకు రానున్నారు. ఈ సినిమాలో రాధికా శరత్‌ కుమార్, రవీనా టాండన్ కీలక పాత్రల్లో నటిస్తున్నారు. ఈ చిత్రాన్ని తమిళనాడులో థింక్ స్టూడియోస్ విడుదల చేస్తోంది. ఈ చిత్రానికి ఛాయాగ్రహణం: నిమిష్ రవి, కూర్పు: నవీన్ నూలి, ఫైట్ మాస్టర్: వి వెంకట్.