Godari Gattupaina Release Date: గోదారి గట్టుపైన రిలీజ్ డేట్ ఫిక్స్... సుమంత్ ప్రభాస్ సినిమా థియేటర్లలోకి ఎప్పుడు వస్తుందంటే?

Sumanth Prabhas - Godari Gattupaina Release: 'మేం ఫేమస్' ఫేమ్ సుమంత్ ప్రభాస్ నటించిన లేటెస్ట్ సినిమా 'గోదారి గట్టుపైన'. తాజాగా రిలీజ్ డేట్ అనౌన్స్ చేశారు.

మే నెలలో సుమంత్ ప్రభాస్ 'గోదారి గట్టుపైన' గ్రాండ్ రిలీజ్

Source : https://www.instagram.com/sumanth.prabhas/

'మేం ఫేమస్'తో విజయం అందుకోవడమే కాదు... మంచి పేరు తెచ్చుకున్నారు యంగ్ హీరో సుమంత్ ప్రభాస్ (Sumanth Prabhas). ఆయన కథానాయకుడిగా నటించిన రూరల్ లవ్ అండ్ ఫ్యామిలీ డ్రామా 'గోదారి గట్టుపైన' (Godari Gattupaina Movie). లేటెస్ట్ అప్డేట్ ఏమిటంటే... సినిమా రిలీజ్ డేట్ అనౌన్స్ చేశారు. 

మే 8న థియేటర్లలోకి 'గోదారి గట్టుపైన'
Godari Gattupaina Movie Release Date: 'గోదారి గట్టుపైన' సినిమాకు సుభాష్ చంద్ర దర్శకత్వం వహించారు. రెడ్ పప్పెట్ ప్రొడక్షన్స్ సంస్థ నిర్మించింది. ఈ సినిమాలో సుమంత్ ప్రభాస్ సరసన నిధి ప్రదీప్ కథానాయికగా నటించారు. స్టార్ ఆర్టిస్ట్, లెజెండరీ నటుడు జగపతి బాబు కీలక పాత్రలో కనిపించనున్నారు. ఆల్రెడీ విడుదల చేసిన టీజర్, పాటలకు అద్భుతమైన స్పందన వచ్చిందని దర్శక నిర్మాతలు తెలిపారు. ప్రపంచ వ్యాప్తంగా మే 8న ఈ చిత్రాన్ని విడుదల చేయనున్నట్టు వెల్లడించారు.

'గోదారి గట్టుపైన' రిలీజ్ డేట్ పోస్టర్ చూస్తే... సుమంత్ ప్రభాస్ ఒక వైపు, జగపతి బాబు మరో వైపు... మధ్యలో నిధి ప్రదీప్ నిలబడి ఉన్నారు. తమ సినిమాలో లవ్, ఫ్యామిలీ ఎమోషన్స్, మంచి పాటలు ఉన్నాయని, ప్రేక్షకులకు మంచి అనుభూతిని అందించబోతున్నామని దర్శక నిర్మాతలు చెప్పారు.

సుమంత్ ప్రభాస్, నిధి ప్రదీప్ జంటగా... జగపతి బాబు ప్రధాన పాత్రలో నటించిన 'గోదారి గట్టుపైన' చిత్రానికి రాజీవ్ కనకాల, లైలా, దేవి ప్రసాద్, సుదర్శన్, రాజ్ కుమార్ కసిరెడ్డి, వైవా రాఘవ్, రోహిత్ కృష్ణ వర్మ ఇతర ప్రధాన తారాగణం. ఈ చిత్రానికి రచన - దర్శకత్వం: సుభాష్ చంద్ర, నిర్మాణ సంస్థ: రెడ్ పప్పెట్ ప్రొడక్షన్స్, నిర్మాత: అభినవ్ రావు, ఎగ్జిక్యూటివ్ నిర్మాత: మధులిక సంచన లంక, ఛాయాగ్రహణం: సాయి సంతోష్, సంగీతం: నాగ వంశీ కృష్ణ, కూర్పు: అనిల్ కుమార్ పి, సౌండ్ డిజైనర్: నాగార్జున తాళ్లపల్లి.