Game Changer: రామ్‌ చరణ్ 'గేమ్ ఛేంజర్' రిలీజ్ ఎప్పుడో చెప్పిన దిల్ రాజు కూతురు - బెస్ట్ ఫ్రెండ్స్‌ మధ్య పోటీ తప్పదా?
Game Changer Movie Release: 'గేమ్ ఛేంజర్' మూవీ రిలీజ్ దిల్ రాజు కూతురు హన్షిత క్లారిటీ ఇచ్చేసింది. తాజాగా మూవీ రిలీజ్ ఎప్పుడో చెప్పింది. దీంతో మెగా ఫ్యాన్స్‌, నందమూరి ఫ్యాన్స్‌ ఆంధోళన నెలకొంది.
Dil Raju Daughter on Game Changer Release: గ్లోబల్‌ స్టార్‌ రామ్‌ చరణ్ - సెన్సేషన్‌ డైరెక్టర్‌ శంకర్‌ దర్శకత్వంలో తెరకెక్కుతున్న చిత్రం 'గేమ్ ఛేంజర్'. పాన్‌ ఇండియా వస్తున్న ఈ మూవీపై భారీ అంచనాలు నెలకొన్నాయి. అయితే మొదటి నుంచి గేమ్ ఛేంజర్ మూవీ విషయంలో ఫ్యాన్స్‌ నిరాశ వ్యక్తం చేస్తున్నారు. మూవీ సెట్స్‌పైకి వచ్చిన రెండేళ్లు అవుతున్నా ఇప్పటి వరకు మూవీ నుంచి పెద్దగా అప్‌డేట్స్‌ రావడం లేదు. ఫస్ట్‌లుక్‌, ఒక్క పాట తప్పితే ఇంత వరకు ఎలాంటి అప్డేట్ లేదు. దీంతో గేమ్ ఛేంజర్ నుంచి ఎప్పుడెప్పుడు అప్డేట్ వస్తుందా అని అంతా ఈగర్ గా వేయిట్ చేస్తున్నారు. కానీ ఆశించిన రేంజ్‌ అప్డేట్ రావడం లేదు.
అయితే ముందు నుంచి 'గేమ్ ఛేంజర్' విషయంలో ఫ్యాన్స్‌ని టెన్షన్‌ పెడుతూనే ఉన్నాడు శంకర్‌. ఈ సినిమాతో పాటు తెరకెక్కిస్తున్న 'భారతీయుడు 2' మూవీ రిలీజ్ డేట్ కూడా చెప్పేశాడు. దీంతో 'గేమ్ ఛేంజర్' విషయంలో శంకర్‌ తీరుపై మెగా ఫ్యాన్స్‌ అసహనం వ్యక్తం చేస్తున్నారు. షూటింగ్‌ చివరి దశకు వచ్చినా.. ఇంకా రిలీజ్ డేట్ పై క్లారిటీ రావడం లేదు. సెప్టంబర్‌లో మూవీ రిలీజ్ చేస్తామని నిర్మాత దిల్ రాజు చెప్పినప్పటికీ దీనిపై క్లారిటీ లేదు. ఈ క్రమంలో తాజాగా దిల్ రాజు కుమార్తె హన్షిత్‌ గేమ్ ఛేంజర్ రిలీజ్‌పై క్రేజీ అప్డేట్ ఇచ్చింది.
బెస్ట్ ఫ్రెండ్ మధ్య పోటీ?
ఈ రోజు తిరుపతి శ్రీవారిని దర్శించుకున్న హన్షిత అక్కడ మీడియాతో మాట్లాడింది. ఈ సందర్భంగా ఆమెకు గేమ్ ఛేంజర్ అప్డేట్ చెప్పమంటూ విలేకరులు కోరగా ఆమె ఆసక్తికర వ్యాఖ్యలు చేసింది. "గేమ్ ఛేంజర్ మూవీ అక్టోబర్‌లో రిలీజ్ అవుతుంది. ఈ సినిమా చాలా డిఫరెంట్‌గా ఉంటుంది. మీరు సరికొత్త రామ్‌ చరణ్‌ని చూస్తారు" అంటూ మూవీపై హైప్‌ ఇచ్చింది. ఇక దిల్ రాజు సెప్టెంబర్‌ అని చెబితే హన్షిత అక్టోబర్‌ అనడంతో ఫ్యాన్స్‌లో మరింత క్యూరియాసిటీ నెలకొంది. దీంతో గేమ్ ఛేంజర్ మూవీ అక్టోబర్‌లో దసరా టార్గెట్‌గా వస్తుందని అంతా ఫిక్స్‌ అవుతున్నారు. అయితే ఇది మ్యాన్‌ ఆప్‌ మాసెస్‌ దేవరతో వస్తుందా? లేక దసరా తర్వాత వస్తుందా? అనేది తెలియాల్సి ఉంది. ఒకవేళ గేమ్ ఛేంజర్ అక్టోబర్‌ ఫస్ట్‌ వీక్‌లో రిలీజ్ చేసే అవకాశం ఉంటే మాత్రం కచ్చితంగా ఇద్దరి మధ్య గట్టి పోటీ తప్పదనే చెప్పాలి.
'దేవర' వాయిదా?
కానీ దేవర మూవీ వాయిదా పడే అవకాశం ఉందంటూ సినీ సర్కిల్లో గుసగుసలు వినిపిస్తుంది. ఇప్పటికే 'దేవర'ను అక్టోబర్‌ 10న రిలీజ్ చేస్తామని మూవీ టీం ప్రకటించింది. కానీ, షూటింగ్‌ ఇప్పట్లో పూర్తయ్యేలా లేదట. మరోవైపు తారక్‌ 'వార్‌ 2' షూటింగ్‌తో బిజీగా ఉన్నాడు. ఇదంతా చూస్తుంటే దేవర మూవీ రిలీజ్ వాయిదా పడేలా ఉందంటున్నారు. అదే నిజమైతే మాత్రం దసరా బరిలో 'గేమ్ ఛేంజర్' రావడం పక్కా అంటున్నారు. దేవర వాయిదా పడేతే మాత్రం అక్టోబర్‌ 10ని తన స్నేహితుడు రామ్‌ చరణ్‌కి ఇచ్చే అవకాశం ఉందని ఇన్‌సైడ్‌ సినీ సర్కిల్లో చర్చించుకుంటున్నారు. అది కాకపోతే ఇద్దరు దసరా టార్గెట్‌గా వస్తే మాత్రం ఈ బెస్ట్ ఫ్రెండ్స్‌ మధ్య గట్టి పోటీ తప్పదు. ఇప్పడిదే వారి ఫ్యాన్స్‌ని ఆందోళనలో పడేస్తుంది. మరి ఈ దసరాకి ఈ బెస్ట్ ఫ్రెండ్స్‌ తగ్గేదే లే అంటూ బరిలో దిగుతారా? లేక ఎవరైన వెనక్కి తగ్గుతారా? చూడాలి.
టాప్ హెడ్ లైన్స్
ట్రెండింగ్ వార్తలు
