Dhee Show Pandu Health Bulletin : ఢీ పండు మాస్టర్ మళ్లీ డ్యాన్స్ చేయగలడా - హెల్త్ బులెటిన్ రిలీజ్ చేసిన డాక్టర్స్
Pandu Health Bulletin : ఢీ షో పండు మాస్టర్ లేటెస్ట్ హెల్త్ కండిషన్పై డాక్టర్స్ రియాక్ట్ అయ్యారు. ప్రస్తుతం ఒక సర్జరీ జరిగిందని... కాళ్లకు సర్జరీ చేసేందుకు ఏర్పాట్లు జరుగుతున్నాయన్నారు.
Doctors Reveals Dhee Show Pandu Health Bulletin : ఈటీవీ ఫేమస్ డ్యాన్స్ షో ఢీ పండు మాస్టర్ (జి షణ్ముఖ) విశాఖలో ఘోర రోడ్డు ప్రమాదానికి గురైన సంగతి తెలిసిందే. విశాఖలో మెడికవర్ ఆస్పత్రిలో ఆయనకు ట్రీట్మెంట్ అందిస్తుండగా... తాజాగా డాక్టర్స్ పండు హెల్త్ బులెటిన్ రిలీజ్ చేశారు.
పండు హెల్త్ అప్డేట్
రోడ్డు ప్రమాదంలో పండు కాళ్లకు తీవ్ర గాయాలయ్యాయని... అన్ని రకాల టెస్టుల అనంతరం ఆపరేషన్ చేయాల్సి ఉందని తెలిపారు. 'పండు హిబ్ జాయింట్ డిస్లొకేట్ అయ్యింది. మోకాళ్ల కింద జాయిట్స్ విరిగిపోయాయి. ఒక సర్జరీ తర్వాత హిబ్ జాయింట్ క్లియర్ చేశాం. కాళ్లకు ఆపరేషన్స్ జరుగుతాయి. హెడ్ ఇంజ్యూరీ అయ్యింది. ఎలాంటి ప్రాణాపాయ స్థితి లేదు.' అని తెలిపారు.
మళ్లీ డ్యాన్స్ చేస్తారా?
కాళ్లకు ఆపరేషన్స్ చేసేందుకు ఏర్పాట్లు జరుగుతున్నాయని డాక్టర్స్ తెలిపారు. సర్జరీ తర్వాత 6 నెలల వరకూ విశ్రాంతి తీసుకుంటే త్వరగా కోలుకుంటారని తెలిపారు. ఆ తర్వాత యథావిధిగా తన డ్యాన్స్ కంటిన్యూ చెయ్యొచ్చని... దానికి ఎలాంటి ఇబ్బంది లేదని స్పష్టం చేశారు. ఆయన త్వరగా కోలుకోవాలని తోటి డ్యాన్సర్స్, సన్నిహితులు, సినీ ప్రముఖులు ఆకాంక్షిస్తున్నారు. పండు మాస్టర్ చాలా మంచి వ్యక్తి అని... ఎంతోమందికి సాయం చేశాడని డ్యాన్స్ మాస్టర్ వెంకట్ అన్నారు. ఆయన త్వరగా కోలుకోవాలని ఆకాంక్షించారు.
అసలేం జరిగిందంటే?
పండు మాస్టర్ తన టీమ్తో కలిసి మంగళవారం విశాఖ జిల్లా తగరపువలసలో జరిగిన అమ్మవారి ఉత్సవాల్లో పెర్ఫార్మెన్స్ ఇచ్చారు. ఈవెంట్ నుంచి తిరిగి వస్తుండగా ఆనందపురం సమీపంలో వీరు కారు ప్రమాదానికి గురైంది. ఆయన టీంలో ఓ డ్యాన్సర్ స్వల్ప అస్వస్థతకు గురి కాగా అతని కోసం కారు పక్కకు ఆపారు. ఆ టైంలో కారులో నుంచి కిందకు దిగిన పండు మాస్టర్, కారు బ్యాక్ సైడ్ నిలబడి ఉన్నారు.
సరిగ్గా అదే టైంలో వెనుక నుంచి వచ్చిన కోళ్ల వ్యాన్ వీరి కారును బలంగా ఢీ కొట్టింది. కారు మధ్యలో పండు మాస్టర్ చిక్కుకోగా అతని రెండు కాళ్లకూ తీవ్ర గాయాలయ్యాయి. ప్రమాద విషయం తెలుసుకున్న నైట్ బీట్ పోలీసులు ఆ ప్రాంతానికి చేరుకుని అతన్ని వెంటనే సమీపంలోని ప్రైవేట్ ఆస్పత్రికి తరలించారు. ఘటనపై కేసు నమోదు చేసి దర్యాప్తు చేస్తున్నారు. ఢీ షోతో పాటు పలు టీవీ కార్యక్రమాల ద్వారా పండు మాస్టర్ ఆడియన్స్కు దగ్గరయ్యారు. కొన్ని మూవీస్కు కొరియోగ్రఫీ కూడా చేశారు.
Also Read : HJTIHH Review: మృణాల్, పూజాకు డిజాస్టర్ తప్పలేదా? బాలీవుడ్ సినిమా దుబాయ్ సెన్సార్ టాక్ ఎలా ఉందంటే?
Before You Go
Gundenininda Gudigantalu Serial August 11 | మనోజ్కు శీలా డార్లింగ్ వార్నింగ్
టాప్ హెడ్ లైన్స్
ట్రెండింగ్ వార్తలు
