Alia Bhatt Hollywood Debut: హాలీవుడ్‌కు ఆలియా భట్, అక్కడ సూపర్ స్టార్ హీరోయిన్‌తో
బాలీవుడ్ స్టార్ ఆలియా భట్ హాలీవుడ్‌కు వెళుతున్నారు. అక్కడ సూపర్ స్టార్ హీరోయిన్‌తో సినిమా చేయడానికి సంతకం చేశారు. ఇంతకీ, ఆ సినిమా ఏది? వివరాలు ఏమిటి? అంటే...
ఆలియా భట్ అభిమానులకు గుడ్ న్యూస్. ఇప్పుడీ బాలీవుడ్ స్టార్ హీరోయిన్, హాలీవుడ్‌లో సినిమా చేయడానికి రెడీ అయ్యారు. అవును... త్వరలో ఆలియా భట్ హాలీవుడ్‌లో ఎంట్రీ ఇవ్వనున్నారు. నెట్‌ఫ్లిక్స్‌ నిర్మించే సినిమాలో నటించేందుకు ఆమె సంతకం చేశారు. ఆ సినిమా ఏది? వివరాలు ఏమిటి? అంటే...
'ఫాస్ట్ అండ్ ఫ్యూరియస్', 'వండర్ వుమెన్' ఫేమ్ గాల్ గాడట్, జమీ డోర్నన్ ప్రధాన తారలుగా నెట్‌ఫ్లిక్స్‌ ఇంటర్నేషనల్ ఓ సినిమా నిర్మిస్తోంది. వాళ్ళిద్దరితో పాటు ఆలియా భట్ కూడా నటిస్తున్నట్టు నేడు నెట్‌ఫ్లిక్స్‌ వెల్లడించింది. ఈ సినిమా పేరు 'హార్ట్ ఆఫ్ స్టోన్'. దీనికి టామ్ హార్పర్ దర్శకుడు. ఈ న్యూస్ ఆలియా అభిమానులకు ఎంతో సంతోషాన్ని కలిగించింది.
Also Read: బాయ్‌ఫ్రెండ్‌లో బెస్ట్ క్వాలిటీస్ - ఎన్టీఆర్ కామెంట్‌పై ఆలియా రియాక్షన్!
హాలీవుడ్ సినిమాల చేయాలని ఆలియా భట్ గత ఏడాది నిర్ణయించుకున్నారు. అమెరికాలో ఒక టాలెంట్ ఏజెన్సీతో ఒప్పందం కుదుర్చుకున్నారు. ఇప్పుడు ఓ సినిమాకు సంతకం చేశారు. హాలీవుడ్ ఎంట్రీకి రెడీ అయిన ఆలియా భట్, ఈ ఏడాది 'ఆర్ఆర్ఆర్'తో తెలుగు సినిమా పరిశ్రమకు పరిచయం అవుతున్న సంగతి తెలిసిందే. ఎన్టీఆర్ - కొరటాల శివ సినిమాలో కూడా కథానాయికగా ఖరారు అయినట్టే. ఆ సినిమా డిస్కషన్స్ జరుగుతున్నాయని ఆమె చెప్పిన సంగతి తెలిసిందే.
Also Read: కారులో ఆలియా భట్ ఏం చేసిందో ఎన్టీఆర్ చెప్పబోతే...
బాలీవుడ్ స్టార్ హీరోయిన్ అలియాభట్ ప్రధాన పాత్రలో నటించిన సినిమా 'గంగూబాయి కతియావాడి'. సంజయ్ లీలా భన్సాలీ డైరెక్ట్ చేసిన ఈ సినిమా ముంబై మాఫియా క్వీన్ గంగూబాయి జీవితం ఆధారంగా తెరకెక్కించారు. అజయ్ దేవగన్, హ్యూమా ఖురేషి ఇందులో కీలకపాత్రల్లో నటించారు. కరోనా కారణంగా వాయిదా పడిన ఈ సినిమా ఫైనల్ గా ఫిబ్రవరి 25న ప్రేక్షకుల ముందుకు వచ్చింది. గంగూబాయి కుమారుడు, ఆమె మనవరాలు ఇప్పటికే ఈ సినిమాపై కోర్టులో కేసు పెట్టారు. తన తల్లి సెక్స్ వర్కర్ కాదని.. స్త్రీల అభివృద్ధి కోసం కృషి చేసిన ఆమెని తప్పుగా చూపిస్తున్నారంటూ మండిపడ్డారు. ఈ సినిమా తీయడానికి తమ పర్మిషన్ కూడా తీసుకోలేదని వాపోయారు. ఈ సినిమాపై స్టే ఇవ్వమని అతడు కోరగా.. కోర్టు అతడి పిటిషన్ ని కొట్టిపారేయడంతో సినిమా విడుదలైంది.
టాప్ హెడ్ లైన్స్
ట్రెండింగ్ వార్తలు
