Adipurush Movie New Release Date: ప్రభాస్ ఫ్యాన్స్‌కు సంక్రాంతి పండగ రోజు పెద్ద పండగే - 'ఆదిపురుష్' రిలీజ్ డేట్ వచ్చేసింది

Adipurush Movie New Release Date: ప్రభాస్ అభిమానులకు ఓ శుభవార్త. శ్రీరామునిగా... అదేనండీ రాఘవుడి పాత్రలో ఆయన నటిస్తున్న 'ఆదిపురుష్' సినిమాకు సంబంధించి ఈ రోజు కొత్త కబురు చెప్పారు. అదేంటంటే...

ప్రభాస్, కృతి సనన్

'ఆదిపురుష్' (Adipurush Movie)... ప్రస్తుతం ప్రభాస్ (Prabhas) నటిస్తున్న సినిమాల్లో ప్రేక్షకులు, ఆయన అభిమానులు ఎంతో ఆసక్తిగా ఎదురు చూస్తున్న సినిమా. ఎందుకంటే... మన పురాణ ఇతిహాసాల్లో ఒకటైన రామాయణం ఆధారంగా రూపొందుతోన్న సినిమా కనుక! ఇందులో శ్రీరామునిగా... అదేనండీ రాఘవ్ (రాముడికి మరో పేరు) పాత్రలో ప్రభాస్ కనిపించనున్న (Prabhas As Raghav) సంగతి తెలిసిందే. ఆయనకు జంటగా జానకి పాత్రలో కృతి సనన్ (Kriti Sanon) నటించారు. హిందీలో 'తానాజీ' వంటి భారీ హిస్టారికల్ ఫిల్మ్ తీసి హిట్ అందుకున్న ఓం రౌత్ (Om Raut) దర్శకత్వం వహించారు. ఈ సినిమా గురించి ఈ రోజు కొత్త కబురు (Adipurush Movie New Release Date) చెప్పారు.

Koo App

PRABHAS - SAIF: ’ADIPURUSH’ TO ARRIVE IN 2023... On the auspicious occasion of #MahaShivratri, Team #Adipurush #3D - starring #Prabhas, #SaifAliKhan, #KritiSanon and #SunnySingh - confirms a new release date: In *cinemas* [Thu] 12 Jan 2023 #Sankranthi... Directed by #OmRaut. #Adipurush #3D will release in multiple languages.

View attached media content

- Taran Adarsh (@taran_adarsh) 1 Mar 2022

సంక్రాంతికి 'ఆదిపురుష్' సినిమాను ప్రేక్షకుల ముందుకు తీసుకు వస్తున్నట్టు ఈ రోజు వెల్లడించారు. మహాశివరాత్రి సందర్భంగా సినిమా విడుదల తేదీ ప్రకటించారు. జనవరి 12, 2023న ప్రపంచవ్యాప్తంగా 'ఆదిపురుష్' సినిమా త్రీడీలో (Adipurush Worldwide Theatrical Release in 3D on 12th Jan 2023) విడుదల కానుంది. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Prabhas (@actorprabhas)

'ఆదిపురుష్' సినిమాను టీ సిరీస్ సంస్థ నిర్మిస్తోంది. మోషన్ క్యాప్చర్ టెక్నాలజీతో తెరకెక్కిస్తున్న ఈ సినిమాను సుమారు 500 కోట్ల రూపాయల నిర్మాణ వ్యయం (Adipurush Budget) తో తీస్తున్నారట. ఇందులో లంకేశ్ పాత్రలో హిందీ హీరో సైఫ్ అలీ ఖాన్ (Saif Ali Khan) నటించిన సంగతి తెలిసిందే. హిందీ, తెలుగు, తమిళ, కన్నడ, మలయాళ భాషలతో పాటు పలు అంతర్జాతీయ భాషల్లో సినిమా విడుదలకు సన్నాహాలు జరుగుతున్నాయి.

'ఆదిపురుష్'ను పక్కన పెడితే... ప్రభాస్ హీరోగా నటించిన మరో పాన్ ఇండియా సినిమా 'రాధే శ్యామ్'. ఈ నెల 11న ప్రేక్షకుల ముందుకు వస్తోంది. రేపు... అనగా మార్చి 2న మూడు గంటలకు సినిమా ట్రైలర్ (Radhe Shyam Release Trailer) విడుదల చేయనున్నారు. ఇందులో పూజా హెగ్డే  (Pooja Hegde) హీరోయిన్.