Brahmastra: 'బ్రహ్మాస్త్ర' టీమ్ ప్లాన్ - మెగాస్టార్ కోసం స్పెషల్ షో!

ఇప్పుడు తెలుగులో సెలబ్రిటీల కోసం ప్రత్యేకంగా 'బ్రహ్మాస్త్ర' షో వేయాలని చూస్తున్నారు. 

'బ్రహ్మాస్త్ర' టీమ్ ప్లాన్ - మెగాస్టార్ కోసం స్పెషల్ షో!

బాలీవుడ్ లో భారీ బడ్జెట్ తో తెరకెక్కిన సినిమా 'బ్రహ్మాస్త్ర'. అయాన్ ముఖర్జీ దర్శకత్వం వహించిన ఈ సినిమాలో రణబీర్ కపూర్, అలియాభట్ జంటగా నటించారు. పాన్ ఇండియా లెవెల్ లో సినిమాను విడుదల చేయనున్నారు. తెలుగులో ఈ సినిమాను 'బ్రహ్మాస్త్రం' పేరుతో విడుదల కానుంది. సెప్టెంబర్ 9న రిలీజ్ డేట్ ఫిక్స్ చేశారు. పెళ్లి తరువాత అలియా-రణబీర్ జంట నుంచి విడుదల కాబోయే సినిమా ఇదే.

'బ్రహ్మాస్త్ర'లో బిగ్ బి అమితాబ్ బచ్చన్, కింగ్ నాగార్జున అక్కినేని, మౌనీ రాయ్ కీలక పాత్రల్లో నటిస్తున్నారు. ఫాక్స్ స్టార్ స్టూడియోస్, కరణ్ జోహార్ ధర్మ ప్రొడక్షన్స్ సంయుక్తంగా నిర్మిస్తున్నాయి. ప్రీతం ఈ సినిమాకి సంగీత దర్శకుడిగా పని చేస్తున్నారు. ఈ చిత్రాన్ని దక్షిణాది భాషల్లో దర్శక ధీరుడు రాజమౌళి సమర్పిస్తున్నారు. ఈ సినిమా విజువల్ ఎఫెక్ట్స్ కోసం బాగా ఖర్చు పెట్టారు. ప్రచారం కూడా ముమ్మరంగా చేస్తున్నారు. 

రాజమౌళి ఈ సినిమా టీమ్ లో ఓ భాగమైపోయారు. ఇప్పుడు ప్రీరిలీజ్ ఈవెంట్ కోసం ఎన్టీఆర్ ని తీసుకొస్తున్నారు. ఇలా 'బ్రహ్మాస్త్ర' సినిమాకి విపరీతమైన హైప్ ని తీసుకురావడానికి ప్రయత్నిస్తున్నారు. ఇప్పుడు తెలుగులో సెలబ్రిటీల కోసం ప్రత్యేకంగా ఓ షో వేయాలని చూస్తున్నారు. ఈ ప్రీమియర్ కి మెగాస్టార్ చిరంజీవిని ముఖ్య అతిథిగా తీసుకురావాలని ప్లాన్ చేస్తున్నారు. 

ఓ రకంగా చిరు కూడా ఈ టీమ్ కి సహాయం చేస్తున్నారనే చెప్పాలి. 'బ్రహ్మాస్త్ర' తెలుగు ట్రైలర్ కి చిరంజీవి వాయిస్ ఓవర్ ఇచ్చారు. సినిమాలో కూడా చిరంజీవి వాయిస్ వినిపించబోతుంది. అలా చిరంజీవి కూడా ఈ సినిమా టీమ్ లో ఓ భాగమయ్యారు. ఇప్పుడు తెలుగులో ఓ షో వేస్తే తమ ప్రచారానికి బాగా ఉపయోగపడుతుందని 'బ్రహ్మాస్త్ర' టీమ్ భావిస్తోంది. 

రీసెంట్ గా విడుదలైన 'లాల్ సింగ్ చడ్డా' సినిమా విషయంలో కూడా ఇలాంటి హడావిడే కనిపించింది. చిరంజీవి కోసం ఆమిర్ ఖాన్ అండ్ కో స్పెషల్ షో వేసింది. ఆ తరువాత చిరంజీవి ఆమిర్ ఖాన్ సినిమాకి సమర్పకుడిగా వ్యవహరించడానికి ముందుకొచ్చారు. ఆ విధంగా సినిమాకు హైప్ తీసుకొచ్చారు. ప్రమోషన్స్ లో కూడా చిరు పాల్గొన్నారు. కానీ థియేటర్లలో విడుదలైన 'లాల్ సింగ్ చడ్డా' డిజాస్టర్ టాక్ తెచ్చుకుంది. తెలుగులో ఈ సినిమాకి దారుణమైన ఓపెనింగ్స్ వచ్చాయి. మరిప్పుడు 'బ్రహ్మాస్త్ర' సినిమా రిజల్ట్ ఏమవుతుందో చూడాలి!

ఇక చిరంజీవి సినిమాల విషయానికొస్తే.. ప్రస్తుతం ఆయన నటించిన 'గాడ్ ఫాదర్' సినిమా విడుదలకు సిద్ధంగా ఉంది. అక్టోబర్ లో ఈ సినిమా రిలీజ్ కానుంది. అలానే బాబీతో ఓ సినిమా మెహర్ రమేష్ తో 'భోళా శంకర్' సినిమాలు కమిట్ అయ్యారు చిరు. ఈ సినిమాలు కూడా కొంతవరకు షూటింగ్ జరుపుకున్నాయి. వీటితో పాటు వెంకీ కుడుములతో కూడా సినిమా ఉందని అనౌన్స్ చేశారు.