Bigg Boss Telugu 8 Day 2 Promo 2: యష్మీ వర్సెస్ సోనియా... 'బిగ్ బాస్'లో రెండో రోజే హీరోయిన్స్ మధ్య గొడవ, ఎవ్వరూ తగ్గట్లేదుగా

Yashmi Gowda Vs Sonia Akula: 'బిగ్ బాస్ 8' మొదలై ఇంకా 48 గంటలు కూడా కాలేదు. కానీ, అప్పుడే కంటెస్టెంట్స్ మధ్య గొడవలు మొదలు అయ్యాయి. హీరోయిన్లు సోనియా ఆకుల, యష్మీ గౌడ మధ్య పెద్ద గొడవ జరిగినట్టు ఉంది.

సోనియా ఆకుల, యష్మీ గౌడ, నిఖిల్

Source : https://x.com/DisneyPlusHSTel

బిగ్ బాస్ ఇంటిలో ఎవరెవరు ఒక్కటి అవుతారు? స్నేహితులుగా ఉంటారు? ఎవరెవరు గొడవలు పడతారు? అని చూసే ఆడియన్స్ ఎక్కువ. నిజం చెప్పాలంటే... ఆ గొడవలే ఈ షో చూసేలా చేస్తున్నారు. తెలుగులో 'బిగ్ బాస్' సీజన్ 8 మొదలై ఇంకా 48 గంటలు కూడా కాలేదు. కానీ, అప్పుడే గొడవలు మొదలు అయ్యాయి. హీరోయిన్లు యష్మీ గౌడ, సోనియా ఆకుల మధ్య మాటల యుద్ధం తీరస్థాయికి చేరుకుంది. పూర్తి వివరాల్లోకి వెళితే... 

బెజవాడ బేబక్క, ఆర్జే శేఖర్ బాషా, యష్మీ గౌడ, నబీల్ ఆఫ్రిది... ఈ నలుగురికి చీఫ్ స్థానాన్ని భర్తీ చేయాలనే కల ఉందని, ఆ నలుగురిలో ఒక్కరు మూడో చీఫ్ కింద ఎంపిక అవుతారని బిగ్ బాస్ స్పష్టం చేశాడు. ఆ చీఫ్ ఎంపిక కోసం జరిగిన చర్చలో యష్మీ గౌడ, సోనియా ఆకుల మధ్య డిస్కషన్ గొడవకు దారి తీసింది. 

నన్ను ఎందుకు లాగుతున్నావ్? - సోనియాకు యష్మీ ప్రశ్న
''ఈ రెండు రోజుల్లో బాధ్యతలు నువ్వు చూసుకున్నా... యష్మీ గౌడ కొన్ని చోట్ల తన వాయిస్ వినిపించింది'' అని నిఖిల్ మలియక్కల్‌తో సోనియా ఆకుల చెప్పింది. ఏ విషయం మీద ఆవిడ చెబుతుంది? ఏ విషయంలో యష్మీ తన వాయిస్ బలంగా వినిపించింది? అనేది పక్కన పెడితే... సోనియా తన పేరు చెప్పడం యష్మీ గౌడకు అసలు నచ్చలేదు. ''ప్రతిసారీ నన్ను ఎందుకు లాగుతున్నావ్? నా గురించి మీరు ఎందుకు మాట్లాడుతున్నారు?'' అని యష్మీ గౌడ గట్టిగా అడిగింది.

Intense clashes erupt in the BiggBoss house as contestants fight for the coveted title of the Third chief. Who will rise to power? Find out on #DisneyPlusHotstarTelugu and #StarMaa!#Nagarjuna #Biggbosstelugu8 pic.twitter.com/9G8Ko1i9WU

— Disney+ Hotstar Telugu (@DisneyPlusHSTel) September 2, 2024

యష్మీ గౌడ బాధ్యతారాహిత్యంగా ఉంటుందని, అందుకే ఆవిడను రూల్డ్ అవుట్ చేస్తున్నాని సోనియా ఆకుల వివరించింది. బాధ్యతారాహిత్యం వంటి పెద్ద పదాలు వాడొద్దని యష్మీ గౌడ ఫైర్ అయ్యింది. ఈలోపు నిఖిల్ కలుగజేసుకున్నాడు. ''యష్మీ... లెట్ మీ టాక్, లెట్ మీ టాక్'' అంటూ కూల్ చేసే ప్రయత్నం చేసినా అతని వాయిస్ కూడా గట్టిగా వినిపించింది.

రెండు కొప్పుల మధ్య పడదు అంటే ఇదేనా?
ఓ చూరి కింద రెండు కత్తులు, ఓ గడపలో రెండు కొప్పులు ఉండవని సామెత. ఈ గొడవ చూస్తుంటే... ఆ విధంగా ఉంది. 'బిగ్ బాస్ 8'లో మేల్ కంటెస్టెంట్స్ మధ్య కూడా గొడవ ఉంది. మొదటి రోజు అనిల్ రావిపూడి ఇంటిలో అడుగు పెట్టిన తర్వాత ప్రాంక్ అయినా సరే తనను నామినేట్ చేయడం పట్ల నాగ మణికంఠ అసంతృప్తి వ్యక్తం చేశారు. అయితే... అతడు కోప్పడాలని అనుకున్నా నిఖిల్ కాస్త కామ్ చేశాడు. మౌనంగా ఉన్నాడు. కానీ, అమ్మాయిల విషయం వచ్చేసరికి అటువంటి గొడవలు కాస్త గట్టిగా జరుగుతున్నాయి. లేటెస్ట్ ప్రోమోలో నిఖిల్, నబీల్ ఆఫ్రిది మధ్య గొడవ జరిగినా తారాస్థాయిలో మాటల యుద్ధం జరగలేదు.