Bigg Boss 7 Telugu: బిగ్ బాస్ సీజన్ 7 ఎలిమినేషన్ - డేంజర్ జోన్‌లో ఆ స్ట్రాంగ్ కంటెస్టెంట్స్, శివాజీ ఎఫెక్ట్ గట్టిగా పడిందా?

Bigg Boss Telugu 7: బిగ్ బాస్ సీజన్ 7లో ఇప్పటినుండి జరిగే ఎలిమినేషన్స్ కీలకంగా మారనున్నాయి. ఇక ఈవారం డేంజర్ జోన్‌లో ఇద్దరు స్ట్రాంగ్ కంటెస్టెంట్స్ ఉన్నట్టు సమాచారం.

Image Credit: Star Maa, Disney Hotstar

Bigg Boss 7 Telugu Voting Result : ఫైనల్స్ దగ్గర పడుతున్నకొద్దీ బిగ్ బాస్ సీజన్ 7 ఓటింగ్స్ విషయంలో ఊహించని మార్పులు జరుగుతున్నాయి. ఇంకా బిగ్ బాస్ 7 నుంచి కేవలం రెండు ఎలిమినేషన్స్ మాత్రమే జరుగుతాయి. ఆ తర్వాత మిగిలిన కంటెస్టెంట్స్ అంతా ట్రాఫీ కోసం రేసులో నిలబడతారు. అందుకే ఇప్పటినుంచి జరిగే ఎలిమినేషన్స్ కీలకంగా మారనున్నాయి. ఇక ఈవారం నామినేషన్స్‌లో గౌతమ్, శివాజీ, అర్జున్, పల్లవి ప్రశాంత్, యావర్, ప్రియాంక, శోభా.. ఇలా దాదాపు అందరు కంటెస్టెంట్స్ ఉన్నారు. దీంతో ఇందులో నుంచి ఎవరు ఎలిమినేట్ అవుతారా అని ప్రేక్షకుల్లో ఆసక్తి ఎక్కువయ్యింది.

లాస్ట్‌లో ఆ ఇద్దరూ..
గతవారం డబుల్ ఎలిమినేషన్ అనే పేరుతో రతిక, అశ్విని.. ఇలా ఇద్దరు లేడీ కంటెస్టెంట్స్ బిగ్ బాస్ హౌజ్ నుంచి బయటికి వెళ్లిపోయారు. కానీ ఈవారం మాత్రం కచ్చితంగా ఒక మేల్ కంటెస్టెంట్ వెళ్లిపోతాడని చాలామంది ప్రేక్షకులు అంచనా వేస్తున్నారు. అయితే ఓటింగ్ అంచనాల ప్రకారం.. శివాజీ మళ్లీ టాప్‌లో ఉన్నాడని సమాచారం. ఇక ఆటపరంగా చూస్తే పల్లవి ప్రశాంత్, యావర్ కూడా ఇప్పట్లో ఎలిమినేట్ అయ్యే అవకాశాలు లేవు. వీరు కాకుండా నామినేషన్స్‌లో ప్రియాంక, శోభా, అర్జున్, గౌతమ్ మిగిలారు. ఈ నలుగురిలో అర్జున్, గౌతమే ఓటింగ్ లిస్ట్‌లో లాస్ట్‌లో ఉన్నారని సమాచారం. 

డేంజర్ జోన్‌లో గౌతమ్..
గౌతమ్.. బిగ్ బాస్ సీజన్ 7 ప్రారంభం నుంచి ఉన్నా.. అర్జున్ మాత్రం వైల్డ్ కార్డ్ ఎంట్రీ ద్వారా మధ్యలో వచ్చాడు. అయినా కూడా ప్రేక్షకుల్లో ఇద్దరి పట్ల సమానంగా అభిప్రాయాలు ఉన్నాయి. ముందు నుంచి గౌతమ్ ఆట అంతంత మాత్రంగానే ఉన్నా.. సీక్రెట్ రూమ్‌కు వెళ్లొచ్చినప్పటి నుంచి తన స్ట్రాటజీలే మారిపోయాయి. టాస్కుల విషయంలో కూడా చాలా పట్టుదలతో ఆడడం మొదలుపెట్టాడు. ఎక్కువశాతం ఏ గ్రూప్స్ జోలికి వెళ్లకుండా ఒంటరిగా ఆడే ప్రయత్నం చేస్తుంటాడు గౌతమ్. కానీ రెండు వారాల క్రితం జరిగిన కెప్టెన్సీ టాస్కులో ప్రియాంకను కెప్టెన్ చేయడం కోసం గౌతమ్ ఆడిన ఆట చాలామందికి నచ్చలేదు. దీంతో తనపై ప్రేక్షకుల్లో నెగిటివిటీ ఏర్పడింది. అంతే కాకుండా ఓటింగ్ లిస్ట్‌లో టాప్‌లో ఉన్న శివాజీతో గౌతమ్ ఎప్పుడూ గొడవలు పడుతూనే ఉంటాడు. దీంతో శివాజీ ఫ్యాన్స్ అంతా కలిసి ఓటింగ్ లెక్కలు మార్చి గౌతమ్‌ను ఎలిమినేట్ చేసే అవకాశాలు కూడా ఉన్నాయి.

అదే అర్జున్‌కు మైనస్..
అర్జున్ ఆట బాగుంటుంది అని ప్రేక్షకులు ప్రశంసిస్తున్నా.. ఎందుకో ఓటింగ్ విషయంలో మాత్రం ఈ కంటెస్టెంట్ ఎప్పుడూ చివర్లోనే ఉంటాడు. గతవారం కూడా ఓటింగ్ పరంగా అర్జున్ డేంజర్ జోన్‌లోనే ఉన్నాడు. ఇక గతవారం కెప్టెన్సీ సమయంలో కూడా అమర్‌దీప్ పట్ల అర్జున్ ప్రవర్తన సరిగా లేదని చాలామంది ప్రేక్షకులు ఫీల్ అయ్యారు. దీంతో అర్జున్ హౌజ్‌లో ఉండడం కరెక్ట్ కాదు అనుకునేవారు కూడా ఉన్నారు. అలాగే కెప్టెన్సీ టాస్క్ సమయంలో శివాజీ తనకు సపోర్ట్ చేసినా కూడా అర్జున్ వెళ్లి తననే నామినేట్ చేయడం అర్జున్‌కే మైనస్‌గా మారింది. ఇక ఈవారం గౌతమ్, అర్జున్‌లలో ఎవరో ఒకరు బిగ్ బాస్ సీజన్ 7ను వదిలి వెళ్లిపోవడం పక్కా అని సోషల్ మీడియాలో వార్తలు వినిపిస్తున్నాయి.

ఎలక్షన్ ఫాంటసీ గేమ్ ను ఆడండి. 10వేల రూపాయల విలువైన గాడ్జెట్లు పొందండి. 🏆 *T&C Apply