Bigg Boss 8 Telugu Episode 62 Day 61 Review: గౌతమ్, నయని గొడవ... కంటెస్టెంట్లను ఏడ్పించారు - ప్రేక్షకుల సంగతేంటి బిగ్ బాస్?

బిగ్ బాస్ ఇంట్లో తొమ్మిదో వారం బీబీ ఇంటికి దారేది అంటూ పెట్టిన టాస్కుల్లో చివరకు వరకు నిలబడి అవినాష్ మెగా చీఫ్ అయ్యాడు.శుక్రవారం ఎపిసోడ్‌లో ఫ్యామిలీ వీడియోలను బిగ్ బాస్ ప్లే చూసి అందరినీ ఏడ్పించాడు.

కంటెస్టెంట్లను ఏడ్పించి ప్రేక్షకులను విసిగించిన బిగ్ బాస్

Source : Star Maa

Surprise Family Videos to Contestants And Nayani Gautam Fight: బిగ్ బాస్ ఇంట్లో తొమ్మిదో వారం గొడవలతో గడిచిపోయింది. నామినేషన్స్‌లో మొదలైన గొడవలు... మెగా చీఫ్ టాస్క్ వరకు జరిగాయి. చివరకు బీబీ ఇంటికి దారేది అంటూ పెట్టిన టాస్కుల్లో చివరకు వరకు నిలబడి అవినాష్ మెగా చీఫ్ అయ్యాడు. ఇక శుక్రవారం నాటి ఎపిసోడ్‌లో మెగా చీఫ్ టాస్క్ జరిగింది. ఆ తరువాత దీపావళి స్పెషల్‌గా కంటెస్టెంట్లకు బిగ్ బాస్ సర్ ప్రైజ్‌లు ఇచ్చాడు. ఫ్యామిలీ వీడియోలను బిగ్ బాస్ ప్లే చూసి అందరినీ ఏడ్పించాడు. ఇక ఇందులో కొందర ఏడ్చేసి ఆడియెన్స్‌కు విసుగు తెప్పించేశారు.

మెగా చీఫ్ టాస్కులో నిఖిల్ నబిల్, ప్రేరణ అవినాష్ మధ్య పోరు జరిగింది. నబిల్‌ను నిఖిల్ టార్గెట్ చేసినట్టుగా అనిపించింది. చివరకు అవినాష్‌ని మెగా చీఫ్ చేసేందుకు నబిల్ ఆడినట్టుగా కనిపించింది. కావాలనే నబిల్ ఓడిపోయాడని అందరికీ అర్థమైంది. మెగా చీఫ్ అయిన అవినాష్‌తో నయని ఏదో ముచ్చట్లు చెప్పింది. నువ్వు సరిగ్గా పని చేయలేవని, ఎక్కువగా పని ఉంటుందని, కిచెన్ టీం అయితే తక్కువ పని ఉంటుందని అడిగావట.. అందుకే నిన్ను విష్ణు కిచెన్ టీంలో వేసిందట అని అవినాష్‌తో నయని చెప్పింది.

నయని చెప్పిన ఈ మాటలకు తేజ సాక్ష్యమన్నట్టుగా చెప్పింది. దీంతో తేజ అలా చెప్పలేదు అంటూ షాక్ ఇచ్చాడు. నేను అయితే మాటలు మార్చను అంటూ నయని హర్ట్ అయిపోయింది. చిన్న చిన్న విషయాలకు ఏంటి? ఇలా అంటూ గౌతమ్ దూరాడు. దీంతో గౌతమ్ మీద నయని అంత ఎత్తుకు లేచింది. నీకు మ్యాటర్ లేదు అంటూ ఏదేదో వాగేసింది. దీంతో గౌతమ్ ఊగిపోయాడు. అక్కా అంటూ కౌంటర్ వేశాడు. అక్కా ఏంటి? అంటూ నయని తెగ ఫైర్ అయింది. నీకు మ్యాటర్ లేదు అని అనలేదు.. నీకు సంబంధం లేని మ్యాటర్‌లోకి రావొద్దని అంటున్నా అని నయని చెప్పింది.

అక్కా అని అనకు.. అది స్టైల్ అనుకోకు.. అందరినీ అక్కా అనడం అలవాటు అయిందంటూ నయని ఏదేదో గుణుక్కుంటూ వెళ్లిపోయింది. అక్కా అంటే ఇంత మంది మనోభావాలు దెబ్బ తింటాయని నాకు బిగ్ బాస్ ఇంటికి వచ్చాకే అర్థమైందని గౌతమ అన్నాడు. దీపావళి కదా అని బిగ్ బాస్ స్వీట్లు పంపితే.. నబిల్‌కు నోరూరిపోయింది. పండుగ కదా.. ఈ ఒక్క రోజు తిను అని నబిల్‌కు ఆఫర్ ఇచ్చేశాడు. నేను సర్ ప్రైజ్ గిఫ్ట్ ఇచ్చినా కూడా ఎవ్వరూ గుర్తించడం లేదు అంటూ కిచెన్ టైంను పెంచడంపై కంటెస్టెంట్లకు కౌంటర్ వేశాడు బిగ్ బాస్.

బిగ్ బాస్ గార్డెన్ ఏరియాలో మోగిన ఫోన్‌ను నబిల్ ఎత్తాడు. పృథ్వీ లేదా నీకు.. మీ ఇద్దరిలో ఎవరో ఒకరి వీడియో మెసెజ్ పంపుతా అని బిగ్ బాస్ చెబుతాడు. దీంతో తన ఫ్యామిలీ వీడియోని చూపించండని నబిల్ కోరాడు. అలా మొదట్లో ఏదో ట్విస్ట్ ఇచ్చినట్టుగా ఇలా ఒకరి వీడియోల్ని చూపించాడు. దీంతో మిగిలిన వాళ్లు కాస్త బాధపడ్డారు. వీడియో మెసెజ్ చూసిన వాళ్లు, చూడని వాళ్లు కూడా తెగ ఏడ్చేశారు. వచ్చి మూడు, నాలుగు వారాలే అయినా ఫ్యామిలీ వీడియోల్ని చూసి నయని, హరితేజ వంటి వారు ఏడ్చేశారు. 

హరితేజకు సంబంధించిన ఫ్యామిలీ వీడియోని ఆల్రెడీ ఇది వరకు చూపించారు. కానీ మళ్లీ అదే వీడియోని వేసి చూపించాడు. ఆ వీడియోని మళ్లీ చూసి కూడా హరితేజ వెక్కి వెక్కి ఏడ్చేసింది. అసలు ఈ ఏడ్పులు ఏంట్రా బాబు అంటూ ఆడియెన్స్‌కు విసుగు పుట్టేలా ఉంది. ఇక నెక్ట్స్ వీక్ అంతా కూడా ఫ్యామిలీ ఎపిసోడ్స్‌తో మరింత ఎమోషనల్ కంటెంట్‌ను రాబట్టుకునేలా ఉన్నారు. మరి ఈ వారం ఇంటి నుంచి ఎవరు బయటకు వెళ్తారో చూడాలి.