ABP CVoter Opinion poll Andhra Pradesh : ఏపీలో ఎన్డీఏ కూటమి సునామీ ఖాయమా ? ఏబీపీ సీఓటర్ ఒపీనియన్ పోల్‌లో సంచలన ఫలితాలు
ABP CVoter Survey : ఏబీపీన్యూస్ - సీఓటర్ ఒపీనియన్ పోల్‌లో ఏపీలో గాలి ఎవరి వైపు ఉందో స్పష్టమయింది. ఫలితాలు ఎలా ఉన్నాయంటే ?
ABP CVoter Opinion Poll 2024 : లోక్‌సభతో పాటు అసెంబ్లీ ఎన్నికలు జరుగుతున్న ఆంధ్రప్రదేశ్‌లో ప్రజా నాడి ఎలా ఉందనేది తెలుసుకునేందుకు సామాన్య ప్రజలు ఎంతో ఆసక్తిగా ఎదురు చూస్తున్నరు. దేశంలో అత్యంత విశ్వసనీయమైన సర్వేలు, ఒపీనియన్ పోల్స్ అందించే ఏబీపీ న్యూస్ - సీ ఓటర్ మరోసారి ప్రజానాడి గుట్టు విప్పేందుకు ప్రయత్నించింది. ఏపీ వ్యాప్తంగా నిర్వహించిన ఒపీనియన్ పోల్‌లో సంచలన అంశాలు వెలుగులోకి వచ్చాయి.
ఏపీలో ఎన్డీఏ కూటమి సునామీ ఖాయం
ఆంధ్రప్రదేశ్‌లో మొత్తం 25 పార్లమెంట్ సీట్లు ఉన్నాయి. వీటిలో ఎన్డీఏ కూటమి అత్యధికంగా 20 స్థానాలు గెల్చుకునే అవకాశం ఉందని ఏబీపీ న్యూస్ - సీఓటర్ ఒపీనియన్ పోల్‌లో స్పష్టమయింది. బీజేపీ ఆరు స్థానాల్లో పోటీ చేస్తూండగా ఐదు చోట్ల విజయం సాధించే అవకాశం ఉంది. ఇక తెలుగుదేశం పార్టీ , జనసేన పార్టీలు కలిసి పదిహేను స్థానాల్లో విజయం సాధిస్తాయి. జనసేన పార్టీ రెండు స్థానాల్లోనే పోటీ చేస్తున్నందున ఆ రెండు చోట్ల గెలిచినా.. టీడీపీ పదమూడు చోట్ల విజయం సాధించే అవకాశం ఉంది.
WATCH | आंध्र प्रदेश में NDA को 20 सीट : सर्वे
— ABP News (@ABPNews) April 16, 2024
आंध्र प्रदेश में YSR कांग्रेस को 5 सीट : सर्वे
देखिए देश का सबसे बड़ा फाइनल ओपिनियन पोल@romanaisarkhan | @Sheerin_sherry | https://t.co/smwhXURgtc#OpinionPollOnABP #LokSabaElection2024 #AAP #BJP #PMModi #Congress #INDIAAlliance pic.twitter.com/B3dfz99iXT
వైఎస్ఆర్‌సీపీకి ఐదు లోక్‌సభ సీట్లు
గత ఎన్నికల్లో 22 లోక్‌సభ సీట్లను గెలుచుకున్న వైఎస్ఆర్‌సీపీ ఈ సారి ఐదు అంటే 5 సీట్లకు పరిమితమయ్యే అవకాశాలు ఉన్నాయని ఏబీపీ న్యూస్ - సీఓటర్ ఒపీనియన్ పోల్‌లో స్పష్టమయింది. ప్రభుత్వంపై తీవ్ర వ్యతిరేకత ఉన్న సమయంలో విపక్షాలన్నీ ఏకమవడం.. అదే సమయంలో వైసీపీ అనుకూల ఓట్లు చీలిపోవడం కారణంగా ఆ పార్టీ దారుణంగా నష్టపోయే అవకాశాలు కనిపిస్తున్నాయి. 
ఎన్డీఏ కూటమికి 46.7 శాతం ఓట్లు
ఏపీలో తెలుగుదేశం, జనసేన, బీజేపీ కలసి పోటీ చేయడం వల్ల ఓట్లు కన్సాలిడేట్ అయి ఆ కూటమి భారీ విజయాలు సాధించడం ఖాయంగా కనిపిస్తోంది. మూడు పార్టీలు కలిసి 46.7 సాతం ఓట్లు సాధిస్తాయని ఏబీపీ న్యూస్ - సీఓటర్ ఒపీనియన్ పోల్‌లో స్పష్టమయింది.
వైఎస్ఆర్‌సీపీకి 39.9 శాతం ఓట్లు
ఇక గత ఎన్నికల్లో 49 శాతానికిపైగా ఓట్లు తెచ్చుకున్న వైఎస్ఆర్‌సీపీ పదిశాతం ఓట్ల వరకూ కోల్పోయినట్లుగా ఏబీపీ న్యూస్ - సీఓటర్ ఒపీనియన్ పోల్‌లో తేలింది. ఈ సారి 39.9శాతం ఓట్లు రావచ్చని అంచనా . ప్రభుత్వ వ్యతిరేకత కారణంగా ఎక్కువ ఓట్లు ఇతర పార్టీలకు వెళ్లిపోయాయి. ఆ ఓట్లలో కొన్ని షర్మిల నేతృత్వంలోని కాంగ్రెస్ పార్టీ పొందనుంది. అయితే షర్మిల ఎంత కష్టపడినా 1.9 శాతం ఓట్లే వస్తాయని ఏబీపీ న్యూస్ - సీఓటర్ ఒపీనియన్ పోల్‌లో వెల్లడయింది.
ఇతరులకు 11.4 శాతం ఓట్లు
ఈ సారి ఎపీ ఎన్నికల్లో ఇండిపెండెంట్లు, చిన్నా చితకా పార్టీల ప్రభావం ఎక్కువగా ఉండే అవకాశాలు కనిపిస్తున్నాయి. మొత్తంగా ఇతరులకు 11.4 శాతం వరకూ ఓట్లు వస్తాయని ఏబీపీ న్యూస్ - సీఓటర్ ఒపీనియన్ పోల్‌లో వెల్లడయింది. ఇందులో ఎవరికి ఓటు వేస్తామో చెప్పలేని వారు కూడా ఉన్నారు.
మొత్తంగా ఏబీపీ న్యూస్ - సీఓటర్ ఒపీనియన్ పోల్ పూర్తిగా లోక్ సభ ఎన్నికల దృష్టితోనే నిర్వహించారు. ఏపీలో అసెంబ్లీ ఎన్నికలు కూడా జరుగుతున్నాయి. లోక్ సభ ఎన్నికల నిష్పత్తిలోనే అసెంబ్లీ ఫలితాలు కూడా వచ్చే అవకాశాలు ఉన్నాయని అంచనా.
(Methodology: Current survey findings and projections are based on CVoter Opinion Poll CATI interviews (Computer Assisted Telephone Interviewing) conducted among 18+ adults statewide, all confirmed voters, details of which are mentioned right below the projections as of today. The data is weighted to the known demographic profile of the States. Sometimes the table figures do not sum to 100 due to the effects of rounding. Our final data file has Socio-Economic profile within +/- 1% of the Demographic profile of the State. We believe this will give the closest possible trends. The sample spread is across all Assembly segments in the poll bound state. MoE is +/- 3% at macro level and +/- 5% at micro level VOTE SHARE projection with 95% Confidence interval.)
టాప్ హెడ్ లైన్స్
ట్రెండింగ్ వార్తలు
