RGUKT: నేటి నుంచి ఆర్జీయూకేటీ కౌన్సెలింగ్, ఈ సర్టిఫికేట్లు ఉన్నాయా?

బాసర ఆర్జీయూకేటీకి ఎంపికైన విద్యార్థులకు శుక్రవారం (జులై 7) కౌన్సెలింగ్ ప్రక్రియ ప్రారంభంకానుంది. జులై 9 వరకు వరకు కౌన్సెలింగ్ నిర్వహిస్తున్నట్లు విద్యాలయ డైరెక్టర్ సతీష్ కుమార్ తెలిపారు.

బాసర ఆర్జీయూకేటీ కౌన్సెలింగ్

బాసర ఆర్జీయూకేటీకి ఎంపికైన విద్యార్థులకు శుక్రవారం (జులై 7) కౌన్సెలింగ్ ప్రక్రియ ప్రారంభంకానుంది. జులై 9 వరకు వరకు కౌన్సెలింగ్ నిర్వహిస్తున్నట్లు విద్యాలయ డైరెక్టర్ సతీష్ కుమార్ తెలిపారు. జులై 6న విద్యాలయంలో ఆయన మాట్లాడుతూ.. బాసర ఆర్జీయూకేటీలోని 1404 సీట్లకు శుక్రవారం 500 మంది విద్యార్థులకు కౌన్సెలింగ్ నిర్వహించి సర్టిఫికేట్ల పరిశీలన చేపట్టనున్నట్లు ఆయన తెలిపారు. 

బాస‌ర ఆర్జీయూకేటీలో ఆరేళ్ల ఇంటిగ్రేటెడ్ బీటెక్ కోర్సులో ప్రవేశాల‌కు సంబంధించి ఎంపికైన విద్యార్థుల తొలి జాబితా జులై 3న విడుద‌లైన సంగతి తెలిసిందే. తొలిదశలో మొత్తం 1404 మంది విద్యార్థులు ఎంపికయ్యారు. వీకిలో ఓపెన్ కేట‌గిరిలో 640 మంది విద్యార్థులు, ఈడ‌బ్ల్యూఎస్ కేట‌గిరిలో 118 మంది, బీసీ కేట‌గిరిలో 346 మంది, ఎస్సీ కేట‌గిరిలో 178 మంది, ఎస్‌టీ కేట‌గిరిలో 119 మంది విద్యార్థులు ఎంపిక‌య్యారు.

తొలి జాబితాలో సీట్లు పొందిన విద్యార్థుల‌కు జులై 7 నుంచి 9 వ‌ర‌కు కౌన్సెలింగ్ నిర్వహించ‌నున్నారు. జాబితాలో 1వ నెంబరు నుంచి 500 వ‌ర‌కు జులై 7న, 501 నుంచి 1000 వ‌ర‌కు జులై 8న, 1001 నుంచి 1404 వ‌రకు జులై 9న కౌన్సెలింగ్ నిర్వహించ‌నున్నారు. అలాగే దివ్యాంగులు, స్పోర్ట్స్ కోటా విద్యార్థులకు జులై 14న ధ్రువపత్రాల పరిశీలన చేపట్టనున్నారు. ఇక ఎన్‌సీసీ, క్యాప్ విభాగాలకు చెందినవారికి జులై 15న సర్టిఫికేట్ వెరిఫికేషన్ నిర్వహించనున్నట్లు యూనివ‌ర్సిటీ అధికారులు వెల్లడించారు. 

ఎంపిక జాబితా కోసం క్లిక్ చేయండి..

Call Letter for Counseling

కౌన్సెలింగ్‌కు ఈ డాక్యుమెంట్లు అవసరం..

కౌన్సెలింగ్‌కు హాజరయ్యే విద్యార్థులు తప్పనిసరిగా అవసరమైన అన్ని డాక్యుమెంట్లు తీసుకెళ్లాల్సి ఉంటుంది. రెండు సెట్ల జిరాక్స్ కాపీలతోపాటు, ఒరిజినల్ సర్టిఫికేట్లతో కౌన్సెలింగ్‌కు హాజరుకావాల్సి ఉంటుంది.

1) పదోతరగతి పరీక్షల హాల్‌టికెట్

2) పదోతరగతి మార్కుల జాబితా (గ్రేడ్-షీట్)

3) 4వ తరగతి నుంచి 10వ తరగతి వరకు స్టడీ/బోనఫైడ్ సర్టిఫికేట్లు.

4) రెసిడెన్స్ సర్టిఫికేట్

5) క్యాస్ట్/కమ్యూనిటీ/ఈడబ్ల్యూఎస్ సర్టిఫికేట్.

6) ఇన్‌కమ్ సర్టిఫికేట్ (01.04.2023 తర్వాత జారీచేసినది).

7) విద్యార్థి ఫోటోలు-6, రెండు తల్లిదండ్రుల ఫోటోలతోపాటు, ఇద్దరు గార్డియన్‌ల ఫోటోలు ఉండాలి. 

8) ఫ్యామిలీ రేషన్ కార్డు కాపీ. 

9) ఆధార్ కార్డు. 

10) చదువు కోసం బ్యాంకు రుణం కోరేవారు అందుకు సంబంధించిన డాక్యుమెంట్లు సమర్పించాల్సి ఉంటుంది. ఇందుకు సంబంధించిన దరఖాస్తు క్యాంపస్‌లో బ్యాంకులో అందుబాటులో ఉంటుంది. దరఖాస్తుతోపాటు కింది డాక్యుమెంట్లు అవసరమవుతాయి.

➥ 4 సెట్ల సర్టిఫికేటల్ కాపీలు 

➥ తల్లిదండ్రులు ఉద్యోగులైతే ఎంప్లాయి ఐడీ కార్డు కాపీ. 

➥ గడచిన 3 నెలల శాలరీ సర్టిఫికేట్లు (పే స్లిప్స్) 

➥ విద్యార్థి, తల్లిదండ్రుల పాన్‌కార్డు

➥ రేషన్ కార్డు/పాన్‌కార్డు/ఓటరు ఐడీకార్డు/ఆధార్ కార్డు (విద్యార్థి, తల్లిదండ్రుల)

➥ చివరి 6 నెలల బ్యాంకు స్టేట్‌మెంట్.

➥ విద్యార్థి ఫోటోలు-6, రెండు తల్లిదండ్రుల ఫోటోలు నాలుగు అవసరమవుతాయి.

ఈ స్కిల్స్ ఉంటే చదువుతూ రెండు చేతులా సంపాదించొచ్చు!
Popular Earning Tips: పాకెట్ మనీ.. చాలా మంది స్టూడెంట్స్ కు అదో భరోసా. చిన్న చిన్న అవసరాలు తీర్చుకోవడానికి పాకెట్ మనీ ఉండాల్సిందే. ఫ్రెండ్స్ తో కలిసి చాయ్ తాగాలన్నా, అలా బైక్ పై షికారుకు వెళ్లాలన్నా, కలిసి బిర్యానీ తిన్నాలన్నా.. బీర్ తాగాలన్నా పాకెట్ మనీ కంపల్సరీ. పేరెంట్స్ ఇచ్చే పాకెట్ మనీ చాలా మంది యువతకు ఏమాత్రం సరిపోదు. కాలేజీ ఫీజులు, పరీక్ష ఫీజులు, బుక్కులు, పెన్నులు, రికార్డులు, ఎక్విప్‌మెంట్లు, ల్యాప్‌టాప్‌లు అబ్బో.. ఈ లిస్టు చాలా పెద్దదే. వాటన్నింటికి పేరెంట్స్ వద్ద డబ్బులు తీసుకుని, పాకెట్ మనీ కూడా తీసుకుని ఇంకా కావాలని అడగాలంటే చాలా మందికి అదోలా ఉంటుంది. అలాంటి స్టూడెంట్లు చదువుకుంటూనే చిన్న చిన్న పనులు చేస్తూ తమ అవసరాలకు కావాల్సినంత సంపాదించుకునేందుకు చాలానే మార్గాలు ఉన్నాయి. 
పూర్తివివరాల కోసం క్లిక్ చేయండి..

Join Us on Telegram: https://t.me/abpdesamofficial