Srikakulam Crime: ప్రేమ పేరుతో నయవంచన... నగ్న వీడియోలు తీసి బెదిరింపులు... అవమానంతో యువతి ఆత్మహత్య

ప్రేమ పేరుతో నమ్మించి నగ్న వీడియోలు తీశాడో ప్రబుద్ధుడు. ఈ వీడియోలతో బెదిరింపులు మొదలుపెట్టాడు. చివరకు వీడియో యువతి సోదరుడికి పంపడంతో అవమానంతో ఆమె ఆత్మహత్య చేసుకుంది.

యువతి ఆత్మహత్య(ప్రతీకాత్మక చిత్రం)

ప్రేమించానని నమ్మించి యువతి అశ్లీల చిత్రాలు తీశాడో ఓ యువకుడు. ఆ వీడియోలు కుటుంబీకులు, గ్రామస్తులకు పంపడంతో మనస్థాపంతో యువతి ఆత్మహత్య చేసుకుంది. ఈ ఘటన శ్రీకాకుళంలో చోటుచేసుకుంది. ప్రేమించానని నమ్మించాడు, మాయమాటలతో యువతి లోబర్చుకున్నాడు. ఏకాంతంగా ఉన్న సమయంలో యువతి అశ్లీల వీడియోలు రికార్డు చేశాడు. ఆ తర్వాత అసలు రంగు బయటపెట్టాడు. యువతిని వేధించడం మొదలుపెట్టాడు. తను పిలిచినప్పుడు రావాలని లేకుండా వీడియోలు ఇంటర్ నెట్ లో పెడతానని బెదిరించాడు. చివరికి అన్నంత పని చేసి వీడియో యువతి బంధువులకు పంపాడు. ఈ అవమానాన్ని తట్టుకోలేక యువతి ఆత్మహత్య చేసుకుంది. ప్రేమించానని చెప్పిన ఓ మృగాడి మాటలు బలైపోయింది.  

నిందితుడిని కఠినంగా శిక్షించాలి : ప్రజా సంఘాలు 

శ్రీకాకుళం జిల్లా రేగిడి ఆముదాలవలస మండలంలో దారుణం జరిగింది. ప్రేమ పేరుతో దళిత యువతిని లొంగదీసుకున్నాడు హరీశ్ అనే యువకుడు. ఆ తర్వాత ఆశ్లీల వీడియోలతో వేధించడం మొదలుపెట్టాడు. ఆ వీడియోలను యువతి సోదరుడు, బంధువులకు పంపించాడు. విషయం బయటకు చెబితే చంపుతానని కూడా బెదిరించాడు. ఆ అవమానాన్ని భరించలేక యువతి ఆత్మహత్యకు పాల్పడింది. గత నెల 31న జరిగిన ఈ ఘటన ఆలస్యంగా వెలుగులోకి వచ్చింది. దీంతో నిందితుడిని కఠినంగా శిక్షించాలని బాధిత యువతికి న్యాయం చేయాలని దళిత, ప్రజా సంఘాలు డిమాండ్ చేస్తున్నాయి. 

యువతి మృతదేహానికి రీపోస్టుమార్టం

కఠిన చట్టాలు తీసుకొస్తున్నా మహిళలపై ఆగడాలు ఆగడంలేదు. నిత్యం ఎంతో మంది యువతులు, మహిళలపై దాడులు జరుగుతున్నాయి. శ్రీకాకుళం జిల్లాలో ఇటీవలె జరిగిన ఈ ఘటన సంచలనంగా మారింది. దళిత యువతిపై దుర్మార్గానికి పాల్పడి వీడియోలు తీసి బెదిరింపులకు దిగాడు యువకుడు. మద్యం మత్తులో అశ్లీల చిత్రాలను కుటుంబీకులకు పంపాడు. భయంతో మనస్థాపానికి గురై యువతి ఉరి వేసుకుంది. ఈ ఘటన ఆలస్యంగా వెలుగులోకి రావడంతో యువతి శవానికి పోలీసులు రీపోస్టుమార్టం చేస్తున్నారు.  

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి