Devara: 'దేవర' సినిమా చూస్తూ కుప్పకూలిన అభిమాని - కడప జిల్లాలో తీవ్ర విషాదం
Kadapa News: కడప జిల్లాలో తీవ్ర విషాదం చోటు చేసుకుంది. 'దేవర' సినిమా చూస్తూ ఓ అభిమాను గుండెపోటుతో కుప్పకూలిపోయాడు. ఆస్పత్రికి తరలించగా అప్పటికే మృతి చెందినట్లు వైద్యులు నిర్ధారించారు.
NTR Fan Died Due To Heart Attack In Kadapa: జూనియర్ ఎన్టీఆర్ అభిమాని 'దేవర' (Devara) సినిమా చూస్తూ గుండెపోటుతో కుప్పకూలిన ఘటన కడప జిల్లాలో (Kadapa District) శుక్రవారం చోటు చేసుకుంది. స్థానికులు తెలిపిన వివరాల ప్రకారం.. వైఎస్సార్ జిల్లా చింతకొమ్మదిన్నె మండలంలోని జమ్మలపల్లికి చెందిన మస్తాన్‌వలి జూనియర్ ఎన్టీఆర్ అభిమాని. దేవర సినిమా విడుదల సందర్భంగా కడప అప్సర థియేటర్‌లో ఈ తెల్లవారుజామున సినిమా చూస్తూ ఈలలు, కేకలు వేస్తూ గుండెపోటుతో కుప్పకూలిపోయాడు. ఇది గమనించిన అక్కడి వారు వెంటనే అతన్ని ఆస్పత్రికి తరలించారు. అప్పటికే మృతి చెందినట్లు వైద్యులు నిర్ధారించారు. కాగా, మృతునికి భార్య, ఇద్దరు పిల్లలు ఉన్నారు. మస్తాన్‌వలి కుటుంబాన్ని జూనియర్ ఎన్టీఆర్ ఆదుకోవాలని అతని కుటుంబ సభ్యులు కోరుతున్నారు.
అభిమానుల అత్యుత్సాహంతో..
అటు, దేవర సినిమా విడుదల సందర్భంగా తెలుగు రాష్ట్రాల్లోని ప్రతి థియేటర్‌లోనూ సంబరాలు అంబరాన్నంటాయి. అభిమానులు ఈలలు, కేకలతో థియేటర్ల వద్ద సందడి చేస్తున్నారు. హైదరాబాద్ ఆర్టీసీ క్రాస్ రోడ్‌లో ఉన్న సుదర్శన్ థియేటర్‌లో అభిమానుల అత్యుత్సాహంతో అగ్ని ప్రమాదం సంభవించింది. భారీ ఎత్తున టపాకాయలు కాల్చగా.. నిప్పురవ్వలు పొరపాటున తారక్ భారీ కటౌట్‌పై పడి భారీ ఎత్తున మంటలు చెలరేగి పూర్తిగా దగ్ధమైంది. అయితే, ఎవరికీ ఎలాంటి ప్రమాదం జరగకపోవడంతో అంతా ఊపిరి పీల్చుకున్నారు. అభిమానం హద్దులు దాటకూడదని.. ఇలా చేయకూడదని స్థానికులు పేర్కొంటున్నారు.
టాప్ హెడ్ లైన్స్
ట్రెండింగ్ వార్తలు
