పోర్న్ చూసేందుకు అలవాటు పడ్డాడు.. ఇద్దరు బాలికలపై అత్యాచారం చేశాడు.. మరో చిన్నారిని చంపేసి మరి.. 

అభశుభం తెలియని చిన్నపిల్లలపై ఓ వ్యక్తి కామవాంఛ తీర్చుకున్నాడు. రోజుల వ్యవధిలోనే ముగ్గురు చిన్నారులపై అత్యాచారం చేశాడు. అందులో ఓ బాలికను హత్య చేశాడు.  మూడేళ్ల బాలికను అత్యాచారం చేస్తుండగా.. కేకలు వేస్తోందేమోననే కారణంతో చంపేశాడు. పోలీసుల విచారణలో విస్తుపోయే విషయాలు వెలుగులోకి వచ్చాయి.  విజయ్​ అఘాయిత్యాలపై పూర్తిస్థాయిలో దర్యాప్తు చేస్తున్నట్లు గాంధీనగర్​ ఐజీపీ అభయ్​ చుదసమా తెలిపారు.

అసలు ఏమైందంటే.. గుజరాత్​, గాంధీనగర్ జిల్లా కలోల్ మండలం వన్సజదా గ్రామానికి చెందిన విజయ్ ఠాకూర్ కూలీగా పని చేసేవాడు. అయితే అతడికి ఫోన్ లో పోర్న్ వీడియోలు చూడటం ఎక్కువగా అలవాటు ఉండేది. పెద్ద వాళ్లపై అఘాయిత్యం చేస్తే.. ఎదురు తిరుగుతారనే ఆలోచనలో ఉండేవాడు. చిన్నపిల్లలను టార్గెట్ చేసుకున్నాడు. నవంబరు 4న రంచర్దా గ్రామంలో ఐదేళ్ల బాలికను కిడ్నాప్​ చేసి ఎవరూ లేని ప్రదేశంలోకి తీసుకెళ్లి.. అత్యాచారం చేశాడు. అదే రోజు గ్రామంలోని ఓ నిర్మానుష్య ప్రాంతంలో చిన్నారిని వదిలి పెట్టాడు. ఇంటికి వచ్చిన తర్వాత చిన్నారి తల్లికి అనుమానం వచ్చింది. బాలికకు పరీక్షలు చేయించగా.. అత్యాచారానికి గురైనట్లు తెలిసింది. ఈ ఘటనపై సంతెజ్ స్టేషన్ పోలీసులకు ఫిర్యాదు చేసింది.

బాలికపై అత్యాచారం చేసిన నిందితుడు మరుసటి రోజూ మరో బాలికను కిడ్నాప్ చేశాడు. మళ్లీ చిన్నారిని ఎవరూ లేని ప్రాంతానికి తీసుకెళ్లాడు. అత్యాచారం చేస్తున్న సమయంలో ఆ చిన్నారి కేకలు వేసింది. పాపను చంపేసి అత్యాచారం చేశాడు. దగ్గరలో ఉన్న కల్వర్టులో మృతదేహాన్ని పడేశాడు. ఈ ఘటనపైనా.. సంతెజ్ పోలీస్ స్టేషన్ లో కేసు నమోదైంది. పోలీసులు రంగంలోకి దిగి విచారణ మెుదలుపెట్టారు.  సీసీటీవీ దృశ్యాలు పరిశీలించారు. స్థానికులు ఇచ్చిన సమాచారం ఆధారంగా విజయ్ ని అరెస్టు చేశారు. దర్యాప్తు చేస్తుంటే మరిని నిజాలు బయటకు వచ్చాయి.  10 రోజుల కిందట.. డ్రెస్ కొనిస్తానని చెప్పి.. మరో బాలికపై అత్యాచారం చేశాడు.  బాలికకు బట్టలు కొనిస్తానని మాయమాటలు చెప్పి వాంఛ తీర్చుకున్నట్లు దర్యాప్తులో తెలిసింది.

Also Read: RGIA Hyderabad: శంషాబాద్ ఎయిర్ పోర్టులో భారీగా విదేశీ కరెన్సీ పట్టివేత... బట్టల్లో చుట్టి తరలిస్తున్న ప్రయాణికుడు

Also Read: Hyderabad: కన్నతల్లి ఇంట్లోనే కూతురు దొంగతనం.. గంటల్లోనే అడ్డంగా దొరికిపోయింది ఇలా..

Also Read: Panjagutta Girl Death: పంజాగుట్ట బాలిక మిస్టరీ కేసులో స్పష్టత, చనిపోయింది అందుకే.. కానీ,

Also Read: Nalgonda: గుడిలో పూజారి.. చేసింది మాత్రం పాడు పని.. భార్య కూడా సహకారం, షాక్ అయిన పోలీసులు