Crime News: బాలుడ్ని రేప్ చేసిందని కేరళలో 19 ఏళ్ల యువతి అరెస్టు - అతడికి 16 ఏళ్లు - న్యాయమేనా ?

Kerala: కేరళలో రేప్ కేసు కింద 19 ఏళ్ల అమ్మాయిని పోలీసులు అరెస్టు చేశారు. పదహారేళ్ల బాలుడ్ని ఆ యువతి రేప్ చేసిందని కేసుపెట్టారు.

బాలుడ్ని రేప్ చేసిందని కేరళలో 19 ఏళ్ల యువతి అరెస్టు - అతడికి 16 ఏళ్లు

Source : x

19 year old woman arrested for sexually assaulting teen boy: ఈ సారి నాకు వాడు దొరకాని రేప్ చేసేస్తాను వాడిని అని ఓ సినిమాలో హీరోయిన్.. హీరో గురించి అంటుంది. చక్కగా చేయిచుకుంటాడు అదేమైనా రివెంజ్ తీర్చుకోవడమా అని పక్కన ఉన్న అమ్మాయి కౌంటర్ ఇస్తుంది. దానికి ఆ రౌడీ హీరోయిన్ కూడా ఆలోచనలో పడుతుంది. ఇది సినిమా నిజంగా ఇలాంటి రేపులు జరిగితే కేసులు పెట్టేస్తారు. అబ్బాయిలపై కాదు ఇప్పుడు అమ్మాయిలపై కూడా పెడుతున్నారు. కేరళలో జరిగిన ఈ ఘటనే సాక్ష్యం.

కేరళలోని కొల్లాంలో శ్రీకుట్టి అనే పందొమ్మిదేళ్ల మహిళ ఓ పదహారేళ్ల అబ్బాయిని తీసుకుని వెళ్లిపోయింది. పలు చోట్ల తిరిగిన తర్వాత వారిని గుర్తించి ఇంటికి తీసుకు వచ్చారు. ఆ తర్వాత అబ్బాయి తల్లిదండ్రులు పోలీస్ స్టేషన్ లో కేసు పెట్టారు. మా పిల్లవాడు మైనర్ అని.. మేజర్ అయిన ఆ అమ్మాయి తమ వాడికి మాయ మాటలు చెప్పి తీసుకుపోయి శారీరక కోరికలు  తీర్చుకుందని ఫిర్యాదు చేశారు. తల్లిదండ్రులకు భయపడ్డాడో మరో కారణమో కానీ ఆ పదహారేల్ల బాలుడు కూడా తాము పలు చోట్ల తిరిగి శారీరకంగా కలిశామని చెప్పాడు. 

దీంతో పోలీసులు కేసు నమోదు చేసి శ్రీకుట్టిని అరెస్టు చేశారు. ఆ అమ్మాయికి మైనార్టీ తీరి ఏడాది మాత్రమే అయింది. మరో రెండేళ్ల తర్వాత బాలుడికి మైనార్టీ తీరుతుంది. సాధారణంగా ఇలా మైనార్టీ తీరిన మగపిల్లలు.. మైనార్టీ తీరని ఆడపిల్లల్ని ప్రేమపేరుతో తీసుకుపోయి కొన్ని రోజుల తర్వాత తిరిగి వస్తూంటారు. ఇక్కడ రివర్స్ లో జరిగింది. అమ్మాయి మేజర్ కావడంతో కేసు అమ్మాయిపైనే పడింది. 

నిజానికి అమ్మాయి, అబ్బాయి ఇద్దరూ వయసుతో సంబంధం లేకుండా ప్రేమించుకున్నారని అంటున్నారు. అబ్బాయి ఇష్టపూర్వకంగానే వెళ్లారని తమ వద్ద డబ్బులు ఉన్నంత కాలం జల్సా చేశారని.. అవి అయిపోవడంతో తిరిగి వచ్చారని అంటున్నారు. ఇలా వెళ్లిపోవడంతో ఆ బాలుడి ఫోర్స్ ఎక్కువగా ఉన్నప్పటికీ అమ్మాయిపై మాత్రం కేసులు నమోదయ్యాయి. ఈ ఘటన కేరళలో కలకలం రేపింది. మైనార్టీ చట్టాలు అందరికీ ఒకే రకంగా ఉంటాయని.. బాలుడైనా.. బాలికైనా మైనార్టీ తీరక ముందు లైంగిక చర్యలో పాల్గొనేలా ప్రోత్సహిస్తే అది నేరం అవుతుందని అందుకే కేసులు పెట్టామని పోలీసులు అంటున్నారు.  

మాములుగా పదహారేళ్ల మగపిల్లలు ఇప్పుడు ఎంతో రాటుదేలిపోతున్నారు.  ఢిల్లీలో జరిగిన నిర్భయ రేప్ కేసుల్లో ఇలాంటి బాలురు ఉన్నారు. హైదరాబాద్ లో జరిగిన రేప్ కేసులోనూ పదహారేళ్ల బాలురు ఉన్నారు.  పరిస్థితులు ఇలా మారిపోయిన తర్వాత  ఇద్దరు ప్రేమించుకుని ఇష్టపూర్వకంగా శృంగారంలో పాల్గొన్న తర్వాత అమ్మాయిదే తప్పని కేసులు పెట్టడం ఏమిటన్న చర్చ సోషల్ మీడియాలో ప్రారంభమవుతోంది.