WPI Inflation: సామాన్యులకు మరో దెబ్బ.. 12 ఏళ్ల గరిష్ఠానికి టోకు ద్రవ్యోల్బణం

టోకు ద్రవ్యోల్బణం ఈ ఏడాది నవంబర్‌లో 14.23 శాతానికి పెరిగింది. టోకు ద్రవ్యోల్బణం రెండంకెలపైన నమోదుకావడం వరుసగా ఇది ఎనిమిదో నెల.

సామాన్యులకు మరో దెబ్బ.. 12 ఏళ్ల గరిష్ఠానికి టోకు ద్రవ్యోల్బణం

టోకు ధరల ఆధారిత ద్రవ్యోల్బణం(డబ్ల్యూపీఐ) భారీగా పెరిగింది. ఈ ఏడాది నవంబర్‌లో రికార్డ్ స్థాయిలో 12 ఏళ్ల గరిష్ఠ స్థాయి అయిన 14.23 శాతంగా నమోదైనట్లు వాణిజ్య, పరిశ్రమల మంత్రిత్వ శాఖ వెల్లడించింది. మినరల్ ఆయిల్స్​, బేసిక్ మెటల్స్​, తయారీ వస్తువులు, ఆహార ఉత్పత్తులతో పాటు ఇతర వస్తువుల ధరలు పెరగడమే నవంబర్‌లో టోకు ద్రవ్యోల్బణం పెరగడానికి ప్రధాన కారణమని పేర్కొంది.

A 12-year high of food and fuel prices, alongwith disastrous employment numbers spells a callous and contemptuous government with no regard to how people's lives are unspooling.
Shameful.https://t.co/eOihVGLWko

— Sitaram Yechury (@SitaramYechury) December 14, 2021

డబ్ల్యూపీఐ రెండంకెలపైన నమోదవడం వరుసగా ఇది ఎనిమిదో నెల కావడం గమనార్హం. అక్టోబరులో టోకు ద్రవ్యోల్బణం 12.54 శాతంగా ఉంది. గత ఏడాది నవంబర్​లో ద్రవ్యోల్బణం 2.29 శాతంగా ఉంది.

మరిన్ని..

• తయారీ వస్తువులపై టోకు ద్రవ్యోల్బణం నవంబర్​లో 11.92 శాతంగా నమోదైంది. ఇది గత నెలలో 12.04 శాతం మాత్రమే ఉంది.
• ముడి చమురు ద్రవ్యోల్బణం నవంబర్​లో 91.74 శాతంగా నమోదైనట్లు వెల్లడించింది. ఇది అక్టోబర్​లో 80.57 శాతంగా ఉందని పేర్కొంది.
• ఆహార వస్తువుల టోకు ద్రవ్యోల్బణం రెండింతలు పెరిగి 6.70 శాతానికి చేరింది. అక్టోబర్​ నెలలో ఇది 3.06 శాతంగా ఉండేది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి